مۇسانىڭ 4-جازباسى
15 ەحوبا مۇساعا تاعى بىلاي دەدى: 2 «يسرايلدىكتەرگە مىنا ٴسوزىمدى جەتكىز: —مەن سەندەرگە مەكەندەۋ ٷشىن بەرگەلى جاتقان جەرگە+ كەلگەننەن كەيىن، 3 ارالارىڭنان بىرەۋ تابىنىنان نە وتارىنان ەحوباعا ورتەپ ۇسىناتىن قۇرباندىق اكەلىپ، بۇل مەيلى تۇگەل ورتەلەتىن+ نە سەرتتى ورىنداۋ قۇرباندىعى، ەرىكتى+ نە مەيرامداردا شالىناتىن قۇرباندىق+ بولسىن، ونى ەحوباعا ۇنامدى حوش ٴيىس+ رەتىندە ۇسىنعىسى كەلسە، 4 ونىمەن بىرگە ەحوباعا استىق تارتۋى رەتىندە ەفانىڭ وننان ٴبىر بولىگى* بولاتىن ساپالى ۇندى+ ٴحيننىڭ تورتتەن ٴبىر بولىگى* بولاتىن مايمەن ارالاستىرىپ اكەلسىن. 5 سونداي-اق تۇگەل ورتەلەتىن قۇرباندىقپەن+ نەمەسە قۇرباندىققا شالىناتىن ٵربىر ەركەك توقتىمەن بىرگە سۇيىق تارتۋ رەتىندە ٴحيننىڭ تورتتەن ٴبىر بولىگى بولاتىن شاراپ اكەلسىن. 6 ال قۇرباندىققا قوشقار ۇسىنسا، وعان قوسىپ ەفانىڭ وننان ەكى بولىگى بولاتىن ساپالى ۇندى ٴحيننىڭ ۇشتەن ٴبىر بولىگى بولاتىن مايمەن ارالاستىرىپ استىق تارتۋىن اكەلسىن. 7 سونىمەن قاتار سۇيىق تارتۋ رەتىندە ٴحيننىڭ ۇشتەن ٴبىر بولىگى بولاتىن شاراپ ۇسىنسىن. بۇل ەحوباعا ۇنامدى حوش ٴيىس بولادى.
8 ەگەر ول ادام ەحوباعا ارناپ تۇگەل ورتەلەتىن قۇرباندىققا+، سەرتتى ورىنداۋ قۇرباندىعىنا+ نە تاتۋلىق قۇرباندىعىنا+ بۇقا اكەلگىسى كەلسە، 9 ونىمەن بىرگە ەفانىڭ وننان ٷش بولىگى بولاتىن ساپالى ۇنعا جارتى حين ماي ارالاستىرىپ استىق تارتۋىن+ ۇسىنسىن. 10 سونىمەن قاتار ورتەپ ۇسىناتىن سۇيىق تارتۋ+ رەتىندە جارتى حين شاراپ اكەلسىن. بۇل — ەحوباعا ۇنامدى حوش ٴيىس. 11 قۇرباندىققا اكەلىنگەن ٵربىر بۇقا، قوشقار، ەركەك توقتى نە ەشكى وسىلاي ۇسىنىلسىن. 12 قۇرباندىققا قانشا مال اكەلىنبەسىن، ٴارقايسىسى وسىنداي تارتۋلارمەن بىرگە ۇسىنىلۋ كەرەك. 13 ٵربىر يسرايلدىك ەحوباعا ۇنامدى حوش ٴيىس رەتىندە ورتەپ ۇسىناتىن قۇرباندىعىن وسىلاي اكەلسىن.
14 ەگەر ارالارىڭداعى جاتجەرلىك نەمەسە سەندەرمەن بۇرىننان* تۇرىپ كەلە جاتقان بىرەۋ ەحوباعا ۇنامدى حوش ٴيىس رەتىندە ورتەپ ۇسىناتىن قۇرباندىق اكەلسە، ول دا ونىسىن سەندەرگە بەرىلگەن نۇسقاۋ بويىنشا ۇسىنسىن+. 15 سەندەر، ياعني يسرايل قاۋىمى ٷشىن دە، ارالارىڭدا تۇرىپ جاتقان جاتجەرلىك ٷشىن دە نۇسقاۋ بىردەي بولۋعا ٴتيىس. كەلەر ۇرپاقتارىڭ دا وسى نۇسقاۋعا باعىنسىن. ەحوبانىڭ الدىندا سەندەر دە، جاتجەرلىكتەر دە بىردەيسىڭدەر+. 16 زاڭدار مەن سوت شەشىمدەرى سەندەر ٷشىن دە، ارالارىڭداعى جاتجەرلىكتەر ٷشىن دە بىردەي بولۋ كەرەك».
17 ەحوبا مۇساعا ٵرى قاراي بىلاي دەدى: 18 «يسرايلدىكتەرگە مىنانى ايت: —مەن وزدەرىڭدى الىپ كەلە جاتقان جەرگە جەتىپ، 19 سول جەردىڭ ٶنىمىن* جەگەندە+، ەحوباعا سي-تارتۋ اكەلىڭدەر. 20 العاشقى استىقتىڭ جارماسىنان تەسىك كۇلشەلەر ٴپىسىرىپ، ولاردى قىرماننىڭ ٶنىمىن ۇسىنعانداي ەتىپ ۇسىنىڭدار+. 21 وسىلايشا العاشقى استىقتىڭ جارماسىنان ەحوباعا تارتۋ اكەلۋ ۇرپاقتان ۇرپاققا جالعاسسىن.
22 ەگەر بۇكىل قاۋىم ەحوبانىڭ مۇسا ارقىلى بەرگەن وسى زاڭدارىنىڭ قايسىبىرىن قاتەلەسىپ بۇزىپ قويسا، 23 ياعني ەحوبانىڭ و باستا مۇسا ارقىلى بەرگەن ٵرى ەحوبانىڭ سەندەر دە، بولاشاق ۇرپاقتارىڭ دا ورىنداسىن دەگەن زاڭدارىنىڭ ٴبىرىن 24 قاتەلەسىپ بۇزىپ قويسا، ٴبىراق مۇنى وزدەرى بىلمەسە، كەيىن بۇل بەلگىلى بولعاندا، قاۋىمنىڭ اتىنان ەحوباعا ۇنامدى حوش ٴيىس رەتىندە ورتەلەتىن ٴبىر جاس بۇقانى جانە بەرىلگەن ەرەجەگە ساي+ استىق پەن سۇيىق تارتۋىن اكەلسىن. سونداي-اق كۇنا ٷشىن قۇرباندىققا ٴبىر جاس ەشكى اكەلسىن+. 25 ٴدىني قىزمەتكەر وسىلاردى ۇسىنىپ، بۇكىل يسرايل قاۋىمىنىڭ كۇناسىن وتەيدى. ٴسۇيتىپ، ولار كەشىرىمگە يە بولادى+. ويتكەنى بۇل — بايقاماي جاسالعان قاتەلىك، ٵرى بۇل ٷشىن ولار ەحوباعا ارناپ ورتەلەتىن جانە ەحوبانىڭ الدىنداعى كۇنالارىن وتەيتىن قۇرباندىقتار اكەلدى. 26 بۇكىل يسرايل قاۋىمى دا، ارالارىنداعى جاتجەرلىك تە كەشىرىمگە يە بولادى، سەبەبى بۇل — بۇكىل حالىقتىڭ جاساعان قاتەلىگى.
27 ەگەر الدەبىرەۋ قاتەلەسىپ كۇنا جاساعان بولسا، كۇنا ٷشىن قۇرباندىققا ٴبىر جاستان اسپاعان ەشكى اكەلسىن+. 28 سوندا ٴدىني قىزمەتكەر ونىڭ ەحوبانىڭ الدىندا ادەيى جاساماعان كۇناسىن وتەۋ ٷشىن قۇرباندىق شالادى. ٴسۇيتىپ، ول كەشىرىمگە يە بولادى+. 29 يسرايلدىك ٷشىن دە، ارالارىندا تۇرىپ جاتقان جاتجەرلىك ٷشىن دە ادەيى جاسالماعان كۇناعا قاتىستى زاڭ بىردەي+.
30 ەگەر بىرەۋ، مەيلى يسرايلدىك نە جاتجەرلىك بولسىن، ادەيى كۇنا جاساسا+، وندا ەحوبانى قورلاعانى. مۇنداي ادامنىڭ حالقىنىڭ اراسىنان كوزى قۇرتىلسىن. 31 ويتكەنى ول ەحوبانىڭ سوزىنە نەمكەتتى قاراپ، ونىڭ زاڭىن بۇزدى. سوندىقتان ونداي جان ٴتىرى قالماسىن+، ونىڭ كۇناسى ٶز موينىندا+».
32 يسرايلدىكتەر ٴشول دالادا بولعان كەزدە، ٴبىر كىسى دەمالىس كۇنى+ وتىن جيناپ جۇرگەن ەدى. 33 بۇنى كورگەن ادامدار الگىنى مۇسا، حارون مەن بۇكىل قاۋىمنىڭ الدىنا اپاردى. 34 وعان ناقتى قانداي شارا قولدانۋ كەرەكتىگى بەلگىسىز بولعاندىقتان، ول قاماۋعا الىندى+.
35 ەحوبا مۇساعا: «بۇل ادام ٴتىرى قالماسىن+. كۇللى قاۋىم ونى قوستىڭ سىرتىنا شىعارىپ، تاسپەن اتقىلاپ ٶلتىرسىن+»،— دەدى. 36 سودان بۇكىل قاۋىم ونى قوستىڭ سىرتىنا الىپ شىعىپ، ەحوبانىڭ مۇساعا بۇيىرعانىنداي، تاسپەن اتقىلاپ ٶلتىردى.
37 سوسىن ەحوبا مۇساعا بىلاي دەدى: 38 «يسرايلدىكتەرگە مىنانى ايت: —وزدەرى دە، كەلەر ۇرپاقتارى دا كيىمدەرىنىڭ ەتەگىنە شاشاق جاساپ، ونىڭ ۇستىنەن كوك ٴجىپ وتكىزسىن+. 39 وسى شاشاقتاردى كورگەن سايىن، ەحوبانىڭ كۇللى زاڭى جانە ولاردى ورىنداۋ كەرەكتىگى، سونداي-اق جۇرەك پەن كوز قۇمارلىعىنىڭ جەتەگىندە ٴجۇرىپ، ازعىندىققا سالىنباۋ*+ كەرەكتىگى ەستەرىڭە ٴتۇسىپ تۇرادى+. 40 بۇل بۇيىرعاندارىمنىڭ ٴبارىن ۇمىتپاي، ورىنداۋلارىڭ ٷشىن جانە قۇدايلارىڭنىڭ الدىندا كيەلى بولۋلارىڭ ٷشىن قاجەت+. 41 مەن قۇدايلارىڭ بولۋ ٷشىن سەندەردى مىسىر ەلىنەن الىپ شىققان ەحوبامىن+. مەن سەندەردىڭ قۇدايلارىڭ ەحوبامىن+».