عالاتتىقتارعا
3 ەي، تۇيسىكسىز عالاتتىقتار، سەندەردى كىم اداستىردى+؟ يسا ٴماسىحتىڭ باعاناعا ٸلىنۋىنىڭ ٴمانىن انىق تۇسىنگەن ەدىڭدەر عوي+. 2 وزدەرىڭنەن ٴبىر نارسەنى سۇراعىم كەلەدى: سەندەر رۋحتى زاڭدى ۇستانعاندىقتان الدىڭدار ما، الدە ەستىگەندەرىڭە سەنگەندىكتەن بە+؟ 3 سونشالىقتى تۇيسىكسىز بە ەدىڭدەر؟ رۋحاني جولمەن باستاپ، تاندىك جولمەن اياقتاپ جاتىرسىڭدار ما+؟ 4 وسىنشاما كوپ قاسىرەت شەككەندەرىڭنىڭ بەكەر بولعانى ما؟ مەن بۇلاي دەپ ويلامايمىن. 5 سونىمەن، سەندەرگە رۋح بەرىپ، ٵرى ارالارىڭدا قۇدىرەتتى ىستەر جاساپ جۇرگەن+ ول مۇنى نە ٷشىن ىستەپ ٴجۇر، زاڭدى ۇستانعاندىقتارىڭ ٷشىن بە، الدە ەستىگەندەرىڭە سەنگەندەرىڭ ٷشىن بە؟ 6 ىبىرايىممەن دە سولاي بولدى، ول «ەحوباعا* سەندى، سوندىقتان ونىڭ الدىندا ٵدىل دەپ سانالدى»+.
7 سەنىمى بارلار عانا ىبىرايىمنىڭ ۇلدارى+ ەكەنىن، ارينە، بىلەسىڭدەر. 8 قۇدايدىڭ باسقا ۇلت ادامدارىن سەنىمدەرى ارقىلى ٵدىل دەپ جاريالايتىنىن كيەلى جازبا الدىن الا ٴبىلىپ، ىبىرايىمعا «سەن ارقىلى بارلىق حالىقتار جارىلقانادى»+ دەگەن ىزگى حاباردى كۇنى بۇرىن جاريالاعان. 9 سوندىقتان سەنىمى بارلار دا، سەنىمى بولعان ىبىرايىم سياقتى، باتاعا يە بولۋدا+.
10 ال زاڭعا ارقا سۇيەيتىندەردىڭ بارلىعى قارعىسقا ۇشىراعان. ويتكەنى بىلاي دەپ جازىلعان: «زاڭ شيىرشىعىندا جازىلعانداردى تۇگەل ورىندامايتىن اركىمدى قارعىس اتسىن!»+ 11 ونىڭ ۇستىنە، زاڭ ارقىلى ەشكىم قۇداي الدىندا ٵدىل دەپ جاريالانبايتىنى انىق+، سەبەبى «ٵدىل ادام سەنىمىنىڭ ارقاسىندا ٶمىر سۇرەدى»+. 12 زاڭ سەنىمنىڭ بولعانىن تالاپ ەتپەيدى، قايتا، زاڭدا: «ولاردى ورىندايتىن ادام سونىڭ ارقاسىندا ٶمىر سۇرەدى»،— دەلىنگەن+. 13 ٴماسىح قۇنىمىزدى تولەۋىمەن+ زاڭنىڭ قارعىسىنان بوساتىپ+، ٶزى ٴبىزدىڭ ورنىمىزعا قارعىسقا ۇشىرادى. ويتكەنى: «باعاناعا ىلىنگەن اركىمدى قارعىس اتقان!»— دەپ جازىلعان+. 14 ىبىرايىمعا ۋادە ەتىلگەن باتاعا ٴماسىح يسا ارقىلى باسقا ۇلتتار دا يە بولىپ+، ۋادە ەتىلگەن رۋحتى ٴبارىمىز سەنىمىمىز ارقىلى الۋىمىز ٷشىن+ بۇل وسىلاي بولدى.
15 باۋىرلاستار، كۇندەلىكتى ومىردەن مىسال كەلتىرەيىن: كەلىسىم بەكىتىلسە، ٴتىپتى ونى ادامدار بەكىتسە دە، ەشكىم ونىڭ كۇشىن جويمايدى، وعان ەشتەڭە قوسپايدى دا. 16 ىبىرايىم مەن ونىڭ ۇرپاعىنا ۋادەلەر بەرىلگەن+. جازبادا «ۇرپاقتارىڭا» دەپ، كوپ ۇرپاققا ەمەس، قايتا، «ۇرپاعىڭا» دەپ، جالعىز ۇرپاققا، ياعني ماسىحكە نۇسقاپ ايتىلعان+. 17 تاعى ايتارىم — 430 جىلدان كەيىن+ بەرىلگەن زاڭ قۇدايدىڭ بۇرىنىراقتا جاساعان كەلىسىمىن بۇزبايدى، ۋادەنىڭ كۇشىن دە جويمايدى. 18 سەبەبى قۇدايدىڭ مۇراسى زاڭعا نەگىزدەلىپ بەرىلگەن بولسا، ول ۋادەگە نەگىزدەلمەگەن بولار ەدى. ٴبىراق قۇداي مەيىرىممەن مۇرانى ىبىرايىمعا ۋادە ارقىلى سيلادى+.
19 وندا زاڭ نە ٷشىن كەرەك بولدى؟ ول ۋادە العان ۇرپاق كەلگەنشە+، كۇنالاردى ايقىن ەتۋ+ ٷشىن قوسىپ بەرىلدى. بۇل زاڭ پەرىشتەلەر ارقىلى+ كەلىستىرۋشىنىڭ قولىمەن بەرىلدى+. 20 ٴبىراق كەلىسىم بىرجاقتى جاسالعاندا، كەلىستىرۋشىنىڭ قاجەتى جوق. ال قۇداي كەلىسىمدى بىرجاقتى جاساعان. 21 ەندەشە زاڭ قۇدايدىڭ ۋادەلەرىنە قايشى ما؟ جوق، قايشى ەمەس! ەگەر ومىرگە جەتكىزە الاتىن زاڭ بەرىلگەن بولسا، زاڭ ارقىلى ٵدىل دەپ تانىلۋعا بولار ەدى. 22 الايدا يسا ماسىحكە سەنگەندەر قۇدايدىڭ ۋادەسىنە يە بولۋى ٷشىن، جازبالار بارلىعىن كۇنانىڭ تۇتقىنى ەتتى.
23 ٴبىراق ٴبىز سەنىم كەلگەنگە دەيىن، بولاشاقتا اشىلۋى كەرەك سول سەنىمدى كۇتىپ+، زاڭنىڭ قاراۋىندا، تۇتقىندا جۇردىك. 24 وسىلايشا سەنىم ارقىلى ٵدىل دەپ جاريالانۋىمىز ٷشىن+، زاڭ ٴبىزدى ماسىحكە اكەلەتىن قامقورشى* بولدى+. 25 ال ەندى سول سەنىم كەلگەندىكتەن+، قامقورشىنىڭ قاراۋىندا ەمەسپىز+.
26 ٴبارىڭ دە ٴماسىح يساعا دەگەن سەنىمدەرىڭ ارقىلى قۇدايدىڭ بالالارىسىڭدار+. 27 ويتكەنى ماسىحپەن بىرلىكتە بولۋ ٷشىن شومىلدىرۋ راسىمىنەن وتكەن بارلىعىڭ ٴماسىحتىڭ بولمىسىنا يە بولدىڭدار+. 28 مۇندا ياھۋدي نە گرەك*+، قۇل نە ەرىكتى+، ەر نە ايەل دەگەن جوق+. ويتكەنى بارلىعىڭ ٴماسىح يسانىڭ شاكىرتى رەتىندە ٴبىر ادامدايسىڭدار+. 29 سونىمەن قاتار ماسىحكە تيەسىلى بولعاندىقتان، سەندەر شىنىمەن ىبىرايىمنىڭ ۇرپاعىسىڭدار+، بەرىلگەن ۋادە بويىنشا+ مۇراگەرسىڭدەر+.