ناقىل سوزدەر
2 بالام، ەگەر ايتقاندارىمدى تىڭداساڭ،
وسيەتتەرىمدى* قازىناداي ساقتاساڭ+،
2 قۇلاعىڭدى دانالىققا تۇرسەڭ+،
جۇرەگىڭدى پارىقتىلىققا بۇرساڭ+،
3 سونداي-اق تۇسىنىكتى شاقىرساڭ+،
پارىقتىلىققا داۋىستاپ ٷن قاتساڭ+،
4 ولاردى كۇمىس ىزدەگەندەي ىزدەي بەرسەڭ+،
جاسىرۋلى قازىنا قازعانداي تابۋعا تىرىسساڭ+،
5 سوندا ەحوبادان قورقۋدىڭ نە ەكەنىن بىلەسىڭ+،
قۇداي تۋرالى ٴبىلىمدى تاباسىڭ+.
6 ويتكەنى دانالىقتى ەحوبا سيلايدى+،
ٴبىلىم دە بەرەدى، پارىقتىلىققا دا ۇيرەتەدى.
7 شىنشىل ادام ٷشىن دانالىقتى ساقتايدى.
ول — ٴمىنسىز جۇرگەندەردىڭ قالقانى+،
8 ول ادىلەت جولىن ٴجىتى باقىلايدى،
ادال جاننىڭ جولىن قورعايدى+.
9 سوندا ادىلدىك، ادىلەت پەن تۋرالىقتىڭ نە ەكەنىن ۇعاسىڭ،
جاقسىلىق اتاۋلىنى تۇسىنەسىڭ+.
10 دانالىق جۇرەگىڭە ۇيالاعاندا+،
بىلىمنەن جانىڭ راقات تاپقاندا+،
11 سانالىلىق سەنى امان ساقتايدى+،
پارىقتىلىق سەنى قورعايدى،
12 امان ساقتاۋ ٷشىن سەنى جامان جولدان،
جالعان سويلەيتىن ادامنان+،
13 تۋرا جولدان تايىپ،
تۇنەك جولىنا تۇسكەندەردەن+،
14 جاماندىق ىستەپ، قۋاناتىنداردان،
سۇمدىق جاساپ، شاتتاناتىنداردان،
15 قيسىق جولدا جۇرگەندەردەن،
قۋلىق-سۇمدىققا بەرىلگەندەردەن.
16 امان ساقتايدى سەنى بۇزىلعان ايەلدەن،
ازعىن ايەلدىڭ مايدا تىلىنەن+.
17 ول جاستاي قوسىلعان قوساعىن تاستاعان+،
قۇدايىنىڭ كەلىسىمىن ەستەن شىعارعان.
18 ونىڭ ٷيى ولىمگە اپارار،
ال ىزدەرى كورگە جەتەلەر+.
19 وعان جولاعان جان كەرى ورالماس،
ٶمىر جولىنا قايتا تۇسپەس+.
20 ولاي بولسا، جاقسىلاردىڭ جولىمەن ٴجۇر،
ادىلدەردىڭ جولىنان تايما+.