ەۆرەيلەرگە
8 ايتىپ جاتقاندارىمىزدىڭ ٴمانى مىنادا: ٴبىزدىڭ وسىنداي باس ٴدىني قىزمەتكەرىمىز بار+. ول كوكتەگى قۇداي تاعىنىڭ وڭ جاعىنا وتىردى+، 2 ٵرى ادام بالاسى ەمەس، ەحوبا تۇرعىزعان شىنايى شاتىردىڭ ەڭ قاسيەتتى بولمەسىندە قىزمەت ەتەدى+. 3 ٵربىر باس ٴدىني قىزمەتكەر سي-تارتۋلار ۇسىنۋ، قۇرباندىقتار شالۋ ٷشىن تاعايىندالادى. سوندىقتان ونىڭ دا ۇسىناتىن قۇرباندىعى بولۋى كەرەك ەدى+. 4 ەگەر ول جەر بەتىندە قالسا، ٴدىني قىزمەتكەر بولا الماس ەدى+. سەبەبى زاڭعا ساي سي-تارتۋلار ۇسىناتىن باسقالار بار. 5 ولاردىڭ اتقارىپ جاتقان قاسيەتتى قىزمەتى كوكتەگىنىڭ كوشىرمەسى+ ٵرى كولەڭكەسى عانا+. مۇسا دا شاتىردى تۇرعىزار كەزدە قۇدايدان «ٴبارىن تاۋدا كورسەتىلگەن ۇلگىگە ساي جاسايتىن بول»+ دەگەن بۇيرىق العان. 6 ٴبىراق قازىر يساعا اناعۇرلىم جاقسى قىزمەت بەرىلدى. ويتكەنى ول — اناعۇرلىم جاقسى كەلىسىمنىڭ كەلىستىرۋشىسى+. بۇل كەلىسىم الدەقايدا جاقسى ۋادەلەرگە نەگىزدەلىپ+ زاڭدى تۇردە بەكىتىلگەن+.
7 ەگەر العاشقى كەلىسىم كەمشىلىكسىز بولسا، ەكىنشىسىنىڭ كەرەگى بولماس ەدى+. 8 ٴبىراق قۇداي حالىقتى ايىپتاپ بىلاي دەيدى: «مىنە، مەن يسرايل ٷيى جانە ياھۋدا ۇيىمەن جاڭا كەلىسىم جاساساتىن كۇندەر كەلە جاتىر،— دەيدى ەحوبا. 9 بۇل كەلىسىم مىسىر جەرىنەن قولدارىنان جەتەلەپ الىپ شىققان+ كۇنى ولاردىڭ اتا-بابالارىمەن جاساسقان كەلىسىمىم سياقتى بولمايدى. ولار مەنىڭ سول كەلىسىمىمە ادال بولماعاندىقتان، مەن دە ولارعا قامقورلىق كورسەتپەيتىن بولدىم،— دەيدى ەحوبا».
10 «سول كۇندەردەن كەيىن يسرايل ۇيىمەن كەلىسىم جاساسامىن. زاڭدارىمدى ولاردىڭ سانالارىنا سالامىن جانە جۇرەكتەرىنە جازىپ قويامىن+. مەن ولاردىڭ قۇدايى، ال ولار مەنىڭ حالقىم بولادى+،— دەيدى ەحوبا».
11 «بۇدان بىلاي ەشكىم ەلدەسىنە نە باۋىرىنا: —ەحوبانى تانىپ-ٴبىل!— دەپ ۇيرەتپەيدى. سەبەبى ۇلكەنىنەن كىشىسىنە دەيىن — ٴبارى مەنى بىلەتىن بولادى. 12 مەن ولاردىڭ ادىلەتسىز ىستەرىن كەشىرەمىن، ەندى قايتىپ كۇنالارىن ەسىمە المايمىن+».
13 ول «جاڭا كەلىسىم» دەۋىمەن بۇرىنعى كەلىسىمنىڭ ەسكىرگەنىن كورسەتتى+. ال ەسكىرىپ، كونەرگەن نارسە كوپ ۇزاماي جويىلادى+.