مۇسانىڭ 2-جازباسى
30 حوش ٴيىستى زات تۇتەتۋ ٷشىن قاراعان اعاشىنان+ ۇستەل جاسا+. 2 ول ٴتورت بۇرىشتى بولسىن: ۇزىندىعى مەن ەنى ٴبىر شىنتاق، بيىكتىگى ەكى شىنتاق. ودان ٴبىرتۇتاس جاسالعان مۇيىزدەر شىعىپ تۇرسىن+. 3 ۇستەلدىڭ بەتىن، بۇيىرلەرى مەن مۇيىزدەرىن ساف التىنمەن قاپتا دا، جوعارعى جيەگىن اينالدىرا التىنمەن ورنەكتە. 4 سونداي-اق جيەكتىڭ استىنا، ۇستەلدىڭ قاراما-قارسى ەكى بۇيىرىنە التىننان ەكى-ەكىدەن ساقينا ورنات. ولاردان ۇستەلدى كوتەرىپ جۇرەتىن سىرىقتار وتكىزىلەدى. 5 سوسىن قاراعان اعاشىنان سىرىقتار جاساپ، التىنمەن قاپتا. 6 ۇستەلدى كۋالىك ساندىعىن كوزدەن تاسالاپ تۇراتىن شىمىلدىقتىڭ ٴدال سىرتىنا قوي+. ول كۋالىك ساندىعى قاقپاعىنىڭ، ياعني مەن ساعان كورىنەتىن جەردىڭ، تۇسىندا تۇرۋ كەرەك+.
7 حارون+ كۇن سايىن تاڭەرتەڭ شامداردى دايىنداعان كەزدە+، ۇستەل ۇستىندە حوش ٴيىستى زات+ تۇتەتسىن+. 8 ول ەكى كەشتىڭ اراسىندا شامداردى جاققان كەزدە دە، حوش ٴيىستى زاتتى تۇتەتۋى كەرەك. بۇل — كۇللى كەلەر ۇرپاقتارىڭ دا ەحوبانىڭ الدىندا ٵردايىم ۇسىنۋى قاجەت حوش ٴيىستى تارتۋ. 9 ونىڭ ۇستىندە رۇقسات ەتىلمەگەن حوش ٴيىستى زات تۇتەتپەڭدەر+، سونداي-اق ورتەلەتىن قۇرباندىق تا، استىق تارتۋ دا ۇسىنباڭدار، وعان سۇيىق تارتۋ دا قۇيماڭدار. 10 حارون كۇنا ٷشىن اكەلىنگەن قۇرباندىقتىڭ قانىنان الىپ+، ۇستەلدى تازارتۋ ٷشىن ونىڭ مۇيىزدەرىنە جاقسىن. ۇستەلدى قاسيەتتى ەتۋ ٷشىن ول مۇنى جىلىنا ٴبىر رەت جاساۋ كەرەك+. بۇنى كۇللى كەلەر ۇرپاقتارىڭ دا ورىنداۋعا ٴتيىس. بۇل — ەحوبا ٷشىن اسا كيەلى نارسە».
11 سودان سوڭ ەحوبا مۇساعا بىلاي دەدى: 12 «يسرايل ۇلدارىنىڭ سانىن ەسەپتەگەندە+، ٴارقايسىسى ٶز جانى ٷشىن ەحوباعا قۇن تولەسىن. سوندا ولار ساناققا الىنعاندا، ەشقانداي پالەگە ۇشىرامايدى. 13 ساناقتان ٶتىپ جاتقانداردىڭ ٵربىرى قاسيەتتى ورىننىڭ شەكەلىمەن ولشەگەندە+، جارتى شەكەل* بەرسىن. ٴبىر شەكەل 20 گەراحقا* تەڭ. جارتى شەكەل — ەحوباعا بەرىلەتىن سي-تارتۋ+. 14 ساناقتان وتكەن جاسى جيىرماعا تولعان نە ودان اسقان اركىم ەحوباعا سي-تارتۋ بەرسىن+. 15 ٶز جانىنىڭ تولەمى رەتىندە ەحوباعا سي-تارتۋ بەرگەندە، باي ادام جارتى شەكەلدەن كوپ، ال كەدەي ادام جارتى شەكەلدەن از بەرمەسىن. 16 يسرايلدىكتەر تولەم رەتىندە بەرگەن كۇمىس اقشانى الىپ، كەزدەسۋ شاتىرىنداعى قىزمەتكە ارنا. وسىلايشا بۇل ەحوبانىڭ الدىندا يسرايلدىكتەر ٷشىن ەستەلىك ٵرى ٶز جاندارىڭ ٷشىن تولەم بولماق».
17 ەحوبا مۇساعا ٵرى قاراي مىنانى ايتتى: 18 «جۋىنۋ ٷشىن مىستان ۇلكەن قازان مەن ونىڭ تۇعىرىن جاسا+. ونى كەزدەسۋ شاتىرى مەن قۇرباندىق وشاعىنىڭ ورتاسىنا قويىپ، ىشىنە سۋ قۇي+. 19 حارون مەن ونىڭ ۇلدارى سول جەردە اياق-قولدارىن جۋسىن+. 20 ولار كەزدەسۋ شاتىرىنا كىرەردە نەمەسە قىزمەت ەتۋ ٷشىن قۇرباندىق وشاعىنا بارىپ، ەحوباعا ارنالعان ورتەلەتىن قۇرباندىق ۇسىناردا ٶلىپ قالماۋ ٷشىن، وسى سۋمەن جۋىنۋعا ٴتيىس. 21 ولار ٶلىپ كەتپەۋ ٷشىن، اياق-قولدارىن جۋسىن. بۇل — حارون مەن ونىڭ ۇرپاقتارىنا ماڭگىلىككە بەرىلگەن نۇسقاۋ+».
22 ەحوبا مۇساعا تاعى بىلاي دەدى: 23 «حوش ٴيىستى زاتتاردىڭ ەڭ جاقسىلارىنان: قاتقان مۇردەن 500 شەكەل، جۇپار ٴيىستى دارشىننان 250 شەكەل (ياعني ٴمۇردىڭ جارتى مولشەرى) جانە جۇپار ٴيىستى ايردان 250 شەكەل، 24 كاسسيادان* 500 شەكەل (ٴبارى قاسيەتتى ورىنداعى شەكەلمەن ەسەپتەلسىن+)، ٴزايتۇن مايىنان 1 حين* ال. 25 ٴسۇيتىپ، ولاردان مايلاۋ راسىمىنە ارنالعان كيەلى ماي دايىندا. ول شەبەرلىكپەن ازىرلەنسىن+. بۇل مايلاۋ راسىمىنە قولدانىلاتىن كيەلى ماي بولماق.
26 ونىمەن مىنالاردى مايلا: كەزدەسۋ شاتىرىن+، كۋالىك ساندىعىن، 27 ۇستەل مەن ونىڭ قۇرال-جابدىقتارىن، شامدال مەن ونىڭ بۇيىمدارىن، حوش ٴيىستى زات تۇتەتەتىن ۇستەلدى، 28 ورتەلەتىن قۇرباندىق ۇسىناتىن وشاق پەن ونىڭ قۇرال-جابدىقتارىن، ۇلكەن قازان مەن ونىڭ تۇعىرىن. 29 بۇل زاتتار اسا كيەلى بولۋ ٷشىن، ولاردى قاسيەتتى ەت*+. ولارعا قول تيگىزەتىندەردىڭ ٴبارى قاسيەتتى بولۋ كەرەك+. 30 سونداي-اق حارون مەن ونىڭ ۇلدارىنا مايلاۋ ٴراسىمىن جاساپ+، ٴدىني قىزمەتكەرلەرىم رەتىندە قىزمەت ەتۋ ٷشىن قاسيەتتى ەت+.
31 يسرايلدىكتەرگە مىنانى ايت: —بۇل ماي مەنىڭ كوز الدىمدا ۇرپاقتان ۇرپاققا مايلاۋ راسىمىنە ارنالعان كيەلى ماي بولىپ قالا بەرەدى+. 32 ونى ەشكىمنىڭ دەنەسىنە جاقپاڭدار دا، قۇرامى سونداي قوسپا جاساماڭدار دا. ول كيەلى، ونى ٵردايىم قاسيەتتى تۇتىڭدار. 33 كىمدە-كىم وسىنداي ماي قوسپاسىن جاساسا ياكي ونى بوتەن* بىرەۋگە جاقسا، حالقىنىڭ اراسىنان سول ادامنىڭ كوزى قۇرتىلسىن+».
34 سوسىن ەحوبا مۇساعا بىلاي دەدى: «مىنا حوش ٴيىستى زاتتاردان+: ستاكتي تامشىلارىنان، ونيحتەن، جۇپار ٴيىستى گالبان مەن تازا لاداننان — بىردەي مولشەردە ال. 35 ٴسۇيتىپ، ولاردان تۇتەتەتىن حوش ٴيىستى زات جاسا+. بۇل قوسپا شەبەرلىكپەن ازىرلەنىپ، تۇزدالعان+، تازا جانە كيەلى بولسىن. 36 قوسپانىڭ ٴبىرازىن جاقسىلاپ ۇنتاقتا دا، سودان الىپ، مەن ساعان كورىنەتىن جەرگە، ياعني كەزدەسۋ شاتىرىنداعى كۋالىك ساندىعىنىڭ الدىنا قوي. ول سەندەر ٷشىن اسا كيەلى بولۋ كەرەك. 37 وزدەرىڭە وسىنداي قۇرامداعى حوش ٴيىستى زاتتىڭ قوسپاسىن جاساۋشى بولماڭدار+. ونى ەحوباعا ارنالعان كيەلى نارسە دەپ قاراستىرىڭدار. 38 كىمدە-كىم يىسىنەن راقات الۋ ٷشىن وزىنە وسىنداي قوسپا جاساسا، حالقىنىڭ اراسىنان مۇنداي ادامنىڭ كوزى قۇرتىلسىن».