ريمدىكتەرگە
8 سوندىقتان ٴماسىح يسامەن بىرلىكتە تۇرعاندار ايىپتالمايدى. 2 سەبەبى ٴماسىح يسامەن بىرلىكتەگىلەرگە ٶمىر بەرەتىن رۋح زاڭى سەنى كۇنا مەن ٶلىمنىڭ زاڭىنان بوساتتى+. 3 ادام ٴتانىنىڭ السىزدىگىنىڭ سالدارىنان+ زاڭ ىستەي الماعاندى+ قۇداي ىستەدى. ول كۇنانى قۇرتۋ ٷشىن ٶز ۇلىن كۇناكار ادامداردىكىندەي تانمەن+ جەرگە جىبەرىپ+، تاندەگى كۇنانى ايىپتادى. 4 بۇل ٴبىزدىڭ ٴتان قالاۋى بويىنشا ەمەس، رۋح قالاۋى بويىنشا ٶمىر ٴسۇرىپ+، زاڭنىڭ ٵدىل تالاپتارىن ورىنداي الۋىمىز ٷشىن ىستەلدى+. 5 ٴتان قالاۋى بويىنشا ٶمىر سۇرەتىندەر ٴتان جونىندە+، ال رۋح قالاۋى بويىنشا ٶمىر سۇرەتىندەر رۋح جونىندە ويلايدى+. 6 ٴتان جونىندە ويلاۋ ولىمگە ۇشىراتادى+، ال رۋح جونىندە ويلاۋ ٶمىر مەن تاتۋلىققا جەتكىزەدى+. 7 ٴتان جونىندە ويلاۋ قۇدايدىڭ جاۋى ەتەدى+، سەبەبى ٴتان قۇداي زاڭىنا باعىنبايدى، باعىنا دا المايدى. 8 دەمەك، ٴتان قالاۋى بويىنشا ٶمىر سۇرەتىندەر قۇدايعا ۇنامدى بولا المايدى.
9 الايدا بويلارىڭدا شىنىمەن قۇدايدىڭ رۋحى بار بولسا، وندا سەندەر ٴتاننىڭ ەمەس، رۋحتىڭ قالاۋى بويىنشا ٶمىر سۇرۋدەسىڭدەر+. ال كىمدە ٴماسىحتىڭ رۋحى بولماسا، ول ماسىحتىكى ەمەس. 10 ٴماسىح سەندەرمەن بىرلىكتە بولسا+، دەنەلەرىڭ كۇنانىڭ كەسىرىنەن ٶلى بولعانىمەن، وزدەرىڭ ٵدىل دەپ جاريالانعاندىقتان، رۋح سەندەرگە ٶمىر بەرەدى. 11 ەگەر سەندەردە يسانى قايتا تىرىلتكەن قۇدايدىڭ رۋحى بار بولسا، ٴماسىح يسانى ولىمنەن تىرىلتكەن+ قۇداي بويلارىڭداعى وسى رۋحى ارقىلى سەندەردىڭ دە اجالدى دەنەلەرىڭە جان بىتىرەدى+.
12 سوندىقتان، باۋىرلاستار، ٴتاننىڭ جەتەگىندە ٴجۇرىپ+، ونىڭ قالاۋى بويىنشا ٶمىر سۇرۋگە مىندەتتى ەمەسپىز. 13 ويتكەنى ٴتاننىڭ قالاۋى بويىنشا ٶمىر سۇرسەڭدەر، مىندەتتى تۇردە ولەسىڭدەر. ال رۋحتىڭ كومەگىمەن ٴتاننىڭ ىستەرىن ولتىرسەڭدەر+، ٶمىر سۇرەسىڭدەر+. 14 قۇداي رۋحىنىڭ جەتەلەۋىمەن جۇرەتىندەردىڭ ٴبارى — قۇدايدىڭ بالالارى+. 15 سەندەر وزدەرىڭدى قۇل ەتىپ، قايتادان قورقىنىش تۋدىراتىن رۋحتى ەمەس، قايتا، قۇدايدىڭ بالالارى ەتەتىن رۋحتى قابىلدادىڭدار. ول ٴبىزدى: «اببا*، اكە!»— دەپ شاقىرۋعا تالپىندىرادى+. 16 وسى رۋح قۇدايدىڭ بالالارى+ ەكەنىمىزدى ٴبىزدىڭ رۋحىمىزبەن+ بىرگە راستايدى. 17 ال ەگەر قۇدايدىڭ بالالارى بولساق، وندا ونىڭ مۇراگەرىمىز، ال ماسىحپەن مۇرالاسپىز+. ماسىحپەن بىرگە ازاپ شەكسەك+، ونىمەن بىرگە ۇلىلىققا دا بولەنەمىز+.
18 بولاشاقتا ٴبىز ارقىلى پاش ەتىلەتىن ۇلىلىقپەن سالىستىرعاندا قازىرگى ازاپتارىمىز تۇك تە ەمەس دەپ ويلايمىن+. 19 بۇكىل جاراتىلىس قۇداي بالالارىنىڭ ۇلىلىعىنىڭ پاش ەتىلۋىن اسىعا كۇتۋدە+. 20 ويتكەنى جاراتىلىس بوس اۋرەشىلىككە+ ٶزىنىڭ ەمەس، قۇدايدىڭ ەركىمەن باعىندى. سويتسە دە ولارعا ٷمىت بەرىلدى. 21 سوندىقتان جاراتىلىستىڭ دا كۇنا مەن ٶلىمنىڭ قۇلدىعىنان بوساپ+، قۇداي بالالارىنىڭ سالتاناتتى بوستاندىعىنا جەتۋگە ٷمىتى بار. 22 ويتكەنى كۇنى بۇگىنگە دەيىن بۇكىل جاراتىلىستىڭ ىڭىرسىپ، قاتتى قينالىپ جاتقانىن بىلەمىز. 23 سونداي-اق العاشقى ونىمگە، ياعني رۋحقا، يە بولعان ٴبىز دە قۇدايدىڭ بالالارى بولۋدى+ — تولەم ارقىلى دەنەمىزدەن بوساتىلۋدى — اسىعا كۇتىپ، ىشتەي ىڭىرسۋدامىز+. 24 ٴبىز وسى ٷمىت ارقىلى قۇتقارىلدىق. ال ورىندالعان ٷمىتتى ەشكىم ٷمىت دەمەيدى. سەبەبى ول ورىندالعاندا، ٷمىت بولۋدان قالادى ەمەس پە؟ 25 ٴبىراق ٵلى ورىندالماعان نارسەگە+ ۇمىتتەنسەك+، ونى توزىمدىلىكپەن تالماي كۇتەمىز+.
26 بۇعان قوسا، ٵلسىز كەزدەرىمىزدە ٴبىزدى كيەلى رۋح تا قولدايدى+: دۇعا ەتۋ كەرەك بولىپ، ٴبىراق ٴسوز تاپپاي قينالعاندا، سوزبەن جەتكىزە المايتىن كۇرسىنىستەرىمىزدى ٴبىز ٷشىن كيەلى رۋح جەتكىزەدى. 27 ال جۇرەكتەگىنى كورەتىن قۇداي+ رۋحتىڭ نە جايلى ايتىپ تۇرعانىن بىلەدى، ويتكەنى رۋح قاسيەتتىلەر ٷشىن قۇدايدىڭ ەركىنە ساي ٶتىنىش ەتەدى.
28 قۇداي بارلىق ىستەرىن ٶزىن سۇيەتىندەردىڭ، ٶز نيەتى بويىنشا+ شاقىرىلعانداردىڭ، يگىلىگى ٷشىن ىستەيتىنىن ٴبىز بىلەمىز. 29 ويتكەنى ول العاشقىدا كىمدەردى ويىندا تۇتقان بولسا، سولاردى ۇلىنا ۇقساسىن دەپ+ الدىن الا بەلگىلەدى. وسىلايشا ۇلى كوپ باۋىرلارىنىڭ+ اراسىنداعى تۇڭعىشى+ بولۋ كەرەك ەدى. 30 قۇداي كىمدى الدىن الا بەلگىلەسە+، سولاردى شاقىردى+، ال شاقىرىلعانداردى ٵدىل دەپ جاريالادى+، ٵدىل دەپ جاريالاعانداردى بولسا ۇلىلىققا بولەدى+.
31 بۇل جايىندا نە دەيمىز؟ قۇداي بىزگە جاق بولسا، كىم بىزگە قارسى شىعا الادى+؟ 32 ول ٶز ۇلىن اياماي، ٴبىز ٷشىن ولىمگە قيدى+. ولاي بولسا، قۇداي مەن ونىڭ ۇلى بىزگە باسقا نارسەلەردىڭ ٴبارىن قالايشا سيلامايدى؟! 33 قۇداي تاڭداپ العانداردى كىم ايىپتاي الادى+؟ ولاردى ٵدىل دەپ جاريالايتىن قۇدايدىڭ ٶزى عوي+. 34 كىم ولارعا ۇكىم شىعارا الادى؟ ەشكىم دە، ويتكەنى ٶلىپ، قايتا تىرىلگەن ٵرى قۇدايدىڭ وڭ جاعىنان ورىن العان+ ٴماسىح يسا ٴبىزدى جاقتاپ سويلەيدى+.
35 ٴماسىحتىڭ سۇيىسپەنشىلىگىنەن ٴبىزدى نە ايىرا الادى+؟ قيىنشىلىق پا، ازاپ پا، قۋعىن-سۇرگىن بە، اشتىق نە جالاڭاشتىق پا، قاۋىپ-قاتەر نە سەمسەر مە+؟ 36 كيەلى جازبادا ايتىلعانداي، «سەن ٷشىن ٴبىز كۇن سايىن ولىممەن بەتپە-بەت كەلەمىز، ٴبىز سويىلاتىن قوي ەسەبىندەمىز»+. 37 ٴبىراق ٴبىزدى سۇيگەننىڭ ارقاسىندا بارلىق جاعدايدا دا جەڭىسكە جەتۋدەمىز+. 38 مەن مىناعان نىق سەنەمىن: ٶلىم دە، ٶمىر دە، پەرىشتەلەر دە، ۇكىمەت تە، قازىرگى نە بولاشاقتاعى نارسەلەر دە، ەشبىر كۇش تە+، 39 بيىكتىك تە، تەرەڭدىك تە، ەشقانداي جاراتىلىس تا ٴبىزدى قۇدايدىڭ يەمىز ٴماسىح يسا ارقىلى تانىتىپ وتىرعان سۇيىسپەنشىلىگىنەن ايىرا المايدى!