ەۆرەيلەرگە
4 ونىڭ سول جەرگە كىرۋگە قاتىستى ۋادەسى ٵلى كۇشىندە بولعاندىقتان، وعان كىرۋگە لايىقسىز بولىپ قالۋدان قاي-قايسىسىمىز دا ساق بولايىق+. 2 ويتكەنى اتا-بابالارىمىز ىسپەتتى بىزگە دە ىزگى حابار جاريالاندى+. ولار ەستىگەن سوزدەرىنىڭ ەش پايداسىن كورمەدى، سەبەبى ٴمويىنسۇنعانداردىكىندەي سەنىمى بولمادى. 3 ال سەنگەن بىزدەر دەمالۋ ٷشىن دايىندالعان جەرگە كىرەمىز. ويتكەنى قۇداي، دۇنيەنىڭ نەگىزى قالانعاننان* بەرى ٶز ىستەرىن اياقتاپ قويسا دا+، بىردە بىلاي دەگەن: «سوندىقتان مەن اشۋلانىپ: —ولار مەنىڭ دەمالۋ ٷشىن دايىنداعان جەرىمە كىرمەيدى!— دەپ انت ەتتىم»+. 4 سونداي-اق ٴبىر جەردە جەتىنشى كۇن تۋرالى ول بىلاي دەگەن: «قۇداي جەتىنشى كۇنى بۇكىل جاراتۋ ىسىنەن تىنىقتى»+. 5 ول تاعى دا: «ولار مەنىڭ دەمالۋ ٷشىن دايىنداعان جەرىمە كىرمەيدى»+،— دەدى.
6 ىزگى حاباردى ٴبىرىنشى ەستىگەندەر مويىنسۇنباعاندىقتان سول جەرگە كىرمەدى+، ال كەيبىرەۋلەر ٷشىن وعان كىرۋگە ٵلى دە مۇمكىندىك بار. 7 ۇزاق ۋاقىتتان كەيىن ول «بۇگىن» دەۋىمەن تاعى دا ارنايى ٴبىر كۇندى بەلگىلەدى. ويتكەنى ٴداۋىتتىڭ جوعارىدا كەلتىرىلگەن جىرىندا: «بۇگىن سەندەر ونىڭ داۋسىن ەستىسەڭدەر، جۇرەكتەرىڭدى قاسارىستىرماڭدار»+،— دەلىنگەن. 8 ەگەر ەشۋا+ ولاردى دەمالاتىن جەرگە كىرگىزگەن بولسا، قۇداي كەيىنىرەك باسقا ٴبىر كۇن تۋرالى ايتپاس ەدى. 9 سوندىقتان قۇداي حالقى ٷشىن ٵلى دە تىنىعاتىن دەمالىس كۇنى* بار+. 10 قۇداي ٶز جۇمىستارىنان دەمالىپ جاتقانداي، ونىڭ دەمالۋ ٷشىن دايىنداعان جەرىنە كىرگەن ادام دا ٶز جۇمىستارىنان دەمالادى+.
11 سوندىقتان ەشقايسىسىمىز سولار سياقتى مويىنسۇنباي كەتپەۋىمىز ٷشىن+، دەمالاتىن سول جەرگە كىرۋگە بارىنشا تىرىسايىق. 12 سەبەبى قۇدايدىڭ ٴسوزى ٴتىرى، اسەرى دە كۇشتى+. ول ەكى ٴجۇزدى سەمسەردىڭ قاي-قايسىسىنان دا وتكىر+، بويىمىزعا تەرەڭ ەنىپ، ٴتىپتى جان* مەن رۋحتى*، بۋىن مەن جۇلىندى ايىرادى، ٵرى جۇرەكتەگى وي-نيەتتى ايان ەتەدى. 13 قۇدايدىڭ نازارىنان جاسىرىن ەشبىر جاراتىلىس جوق+، ونىڭ كوز الدىندا ٴبارى اشىق تا ايقىن. ٴبىز ونىڭ الدىندا ەسەپ بەرەمىز+.
14 ٴبىزدىڭ كوككە ەنگەن ۇلى باس ٴدىني قىزمەتكەرىمىز — قۇداي ۇلى يسا+ — بار بولعاندىقتان، وعان دەگەن سەنىمىمىزدى تالماي جاريالاي بەرەيىك+. 15 ول ٴبىزدىڭ السىزدىكتەرىمىزگە جانى اشىمايتىن باس ٴدىني قىزمەتكەر ەمەس+، قايتا، ٶزىمىز سياقتى بارلىق جاعىنان سىنالدى، ٴبىراق كۇنا اتاۋلىدان تازا بولدى+. 16 سوندىقتان كومەككە مۇقتاج كەزىمىزدە ونىڭ مەيىرىمدىلىگى مەن راقىمىنا يە بولۋ ٷشىن، راقىمىن توگەتىن قۇدايدىڭ تاعىنا* جاقىنداپ، ەركىن دۇعا ەتەيىك+.