جاقىپ
5 بايلار، ەندى سەندەر تىڭداڭدار: باستارىڭا قاسىرەت تۇسكەلى تۇر+، سوندىقتان زار ەڭىرەپ جىلاڭدار. 2 سەندەردىڭ بايلىقتارىڭ ٴشىرىپ، كيىمدەرىڭ كۇيەگە جەم بولدى+. 3 التىن مەن كۇمىستەرىڭدى توت باستى. سولاردىڭ توتى وزدەرىڭە قارسى ايعاق بولىپ، تاندەرىڭدى جالماپ جوق قىلادى. سوڭعى كۇندەرگە ارناپ جيناپ-تەرگەندەرىڭ وت ىسپەتتى بولادى+. 4 مىنە، تاناپتارىڭدا ەگىن جيناعانداردىڭ تولەنبەگەن ەڭبەكاقىسى ٷن قاتىپ ايقايلاۋدا، وراقشىلاردىڭ كومەك سۇراعان داۋىسى اسكەرباسى ەحوبانىڭ قۇلاعىنا جەتتى+. 5 سەندەر جەر بەتىندە شالقىپ، ٴتان قۇمارلىقتارىنا بەرىلىپ ٶمىر سۇردىڭدەر. ٸشىپ-جەپ، سويىلاتىن كۇنگە ارناپ بورداقىلانعان مال ىسپەتتى سەمىرىپ الدىڭدار+. 6 سەندەر ايىپتادىڭدار، ٵدىل ادامدى ولىمگە كەستىڭدەر. قالايشا ول سەندەرگە قارسى شىقپاسىن؟
7 باۋىرلاستار، يەمىزدىڭ وسىندا بولاتىن كەزى كەلگەنشە+، شىدامدى بولىڭدار. قاراڭدارشى، ديقان جەردەن قۇندى ٶنىم كۇتىپ، كۇزگى جانە كوكتەمگى جاڭبىر+ تۇسكەنشە، شىدامدىلىق تانىتادى. 8 سەندەر دە شىدامدى بولىڭدار+. جۇرەكتەرىڭدى مىزعىماستاي ەتىڭدەر، ويتكەنى يەمىزدىڭ وسىندا بولاتىن كەزى تاياپ قالدى+.
9 باۋىرلاستار، سوتتالماۋلارىڭ ٷشىن ٴبىر-بىرىڭە نالىماڭدار+. مىنە، سوتتاۋشى ەسىك الدىندا تۇر. 10 باۋىرلاستار، ازاپ شەگىپ، شىدامدى+ بولۋعا قاتىستى ەحوبانىڭ اتىنان سويلەگەن پايعامبارلاردان ۇلگى الىڭدار+. 11 ٴبىز قيىندىقتارعا توزگەندەردى باقىتتى دەپ ايتامىز+. سەندەر ٵيۇپتىڭ توزىمدىلىگى+ جايلى ەستىگەنسىڭدەر، سوڭىندا ەحوبانىڭ وعان قالاي باتاسىن بەرگەنىن دە بىلەسىڭدەر+. بۇدان ەحوبانىڭ وتە جاناشىر ٵرى مەيىرىمدى ەكەنىن كوردىڭدەر+.
12 ال بارىنەن بۇرىن، باۋىرلاستارىم، اسپانمەن، جەرمەن نە تاعى باسقا نارسەمەن انت ەتۋدى دوعارىڭدار! قۇداي سەندەردى سوتتاماۋ ٷشىن، «ٴيا» دەگەندەرىڭ «ٴيا»، «جوق» دەگەندەرىڭ «جوق» بولسىن+.
13 ارالارىڭداعى بىرەۋ ازاپ شەگىپ ٴجۇر مە؟ وندا ۇدايى دۇعا ەتسىن+. كوڭىلى كوتەرىڭكى مە؟ وندا ماداقتاۋ جىرلارىن ايتسىن+. 14 ارالارىڭداعى بىرەۋ اۋىرىپ قالدى ما؟ وندا قاۋىم اقساقالدارىن شاقىرسىن+. ولار ەحوبانىڭ اتىنان وعان ماي جاعىپ، دۇعا ەتسىن+. 15 سەنىممەن ايتىلعان دۇعا ناۋقاستى* ساۋىقتىرىپ، ەحوبا ونى اياققا تۇرعىزادى. ەگەر كۇنا* جاساعان بولسا، ونىسى كەشىرىلەدى.
16 سوندىقتان ساۋىعۋلارىڭ ٷشىن، ٴبىر-بىرىڭە كۇنالارىڭدى اشىق مويىنداپ+، ٴبىر-ٴبىرىڭ ٷشىن دۇعا ەتىڭدەر. ٵدىل ادامنىڭ جالبارىنا ايتقان دۇعاسىنىڭ اسەرى وراسان زور+. 17 ٸلياس پايعامبار بىزدىكىندەي سەزىمى بار ادام بولعان. ايتسە دە ول جاڭبىر جاۋماسىن دەپ شىن جۇرەكتەن دۇعا ەتكەندە، سول جەرگە ٷش جارىم جىل بويى جاڭبىر جاۋعان جوق+. 18 ول قايتادان دۇعا ەتكەندە، اسپاننان جاڭبىر جاۋىپ، جەر ٶنىم بەرگەن ەدى+.
19 باۋىرلاستارىم، ارالارىڭداعى بىرەۋىڭ شىندىق جولىنان اداسىپ، باسقا بىرەۋىڭ ونى كەرى قايتارساڭدار، 20 وندا كۇناكاردى تەرىس جولدان قايتارعان ادام+ ونىڭ جانىن ولىمنەن ساقتاپ، كوپتەگەن كۇنالارىن جاباتىنىن بىلىڭدەر+.