ەلشىلەردىڭ ىستەرى
6 شاكىرتتەردىڭ سانى ٶسىپ جاتقان سول كۇندەرى گرەكشە سويلەيتىن ياھۋديلەر ەۆرەيشە سويلەيتىن ياھۋديلەرگە نارازى بولا باستادى. سەبەبى كۇندەلىكتى اس ۇلەستىرۋ كەزىندە ولاردىڭ جەسىرلەرى ەلەۋسىز قالىپ ٴجۇردى+. 2 سودان 12 ەلشى بارلىق شاكىرتتەردى جيناپ، ولارعا بىلاي دەدى: «قۇداي ٴسوزىن ۇيرەتۋدى ىسىرىپ قويىپ، ٴبىزدىڭ اس ۇلەستىرۋمەن اينالىسقانىمىز ٴجون بولماس+. 3 سوندىقتان، باۋىرلاستار، ارالارىڭنان دانالىق پەن رۋحقا كەنەلگەن+، جاقساتتى+ جەتى ادامدى تاڭداڭدار. ٴبىز ولاردى وسى ماڭىزدى ىسكە تاعايىندايمىز+، 4 ال ٶزىمىزدى دۇعا ەتۋ مەن قۇداي ٴسوزىن ۇيرەتۋگە ارنايمىز». 5 جينالعانداردىڭ بارىنە بۇل سوزدەر ۇناپ، ارالارىنان كيەلى رۋحقا بولەنگەن، سەنىمى بەرىك ستەپاندى، ٴفىلىپ+، پروحىر، نىقانور، تيمون، پارمەن جانە ياھۋدي ٴدىنىن قابىلداعان انتيوحيالىق نىقولانى تاڭداپ الدى. 6 ٴسۇيتىپ، ولاردى ەلشىلەردىڭ الدىنا اكەلدى. ەلشىلەر بولسا دۇعا ەتىپ، ولاردىڭ ۇستىنە قولدارىن قويدى+.
7 قۇداي ٴسوزى كەڭىنەن تاراپ+، يەرۋساليمدە شاكىرتتەردىڭ سانى بارعان سايىن كوبەيە بەردى+. ٴتىپتى كوپتەگەن ٴدىني قىزمەتكەرلەر دە سەنە باستادى+.
8 قۇدايدىڭ ىقىلاسى مەن كۇشىنە يە بولعان ستەپان جۇرت الدىندا تاڭعالارلىق كەرەمەتتەر مەن بەلگىلەر كورسەتىپ ٴجۇردى. 9 الايدا ازاتتىق ٴماجىلىسحاناسى دەپ اتالاتىن توپتىڭ مۇشەلەرى، كۇرەنەلىكتەر، الەكساندريالىقتار جانە كيليكيا مەن ازيادان* كەلگەن كەيبىر ادامدار ستەپانمەن ٴسوز تالاستىرا باستادى. 10 ٴبىراق ستەپان دانالىق پەن رۋحقا كەنەلىپ سويلەگەندىكتەن، وعان ەشكىم قارسى تۇرا المادى+. 11 سوندا ولار كەيبىرەۋلەردى ايداپ سالىپ، «ٴبىز ونىڭ مۇساعا جانە قۇدايعا ٴتىل تيگىزگەنىن ەستىدىك» دەگەن سوزدەردى ەل اراسىنا تاراتقىزدى. 12 سونداي-اق حالىقتى، اقساقالدار مەن ٴدىن مۇعالىمدەرىن جەلىكتىردى. ولار ستەپانعا قاپىدا تاپ بەرىپ، جوعارعى كەڭەسكە كۇشتەپ الىپ كەلدى. 13 سول جەردە ونى جالعان كۋاگەرلەرگە بىلاي دەپ قارالاتقىزدى: «بۇل ادام وسى قاسيەتتى جەر مەن مۇسا زاڭىنا قارسى سويلەۋىن دوعارار ەمەس. 14 مىسالى، ٴبىز ونىڭ «نازارەتتىك يسا وسى عيباداتحانانى قيراتادى جانە مۇسادان قالعان داستۇرلەردى وزگەرتەدى» دەگەنىن ەستىدىك».
15 ستەپاننان كوز الماي قاراپ تۇرعان جوعارعى كەڭەستەگىلەردىڭ بارلىعى ونىڭ بەت-ٴجۇزى پەرىشتەنىكىندەي ەكەنىن كوردى.