قورىنتتىقتارعا 2-حات
10 وزدەرىڭ قاسىمىزدا جۇرسە، ٵلسىز+، ال الىستا جۇرسە، باتىل دەپ ەسەپتەيتىن مەن+، پاۋىل، ماسىحكە ٴتان جۇمساقتىقپەن جانە مەيىرىممەن+ ٶتىنىپ سۇرايمىن. 2 قاستارىڭدا بولعاندا، ٴبىزدى وسى دۇنيەلىكتەر ىسپەتتى ارەكەت ەتەدى دەپ ەسەپتەيتىندەرگە قارسى قاتاڭ شارا قولدانۋ ٷشىن باتىل بولۋعا ٴماجبۇر ەتپەۋلەرىڭدى وتىنەمىن. 3 ٴبىز وسى دۇنيەدە ٶمىر ٴسۇرىپ جاتساق تا، ونىڭ ادىسىمەن سوعىسپايمىز. 4 قولدانىپ جۇرگەن قارۋلارىمىز — وسى دۇنيەلىك ادامداردىكىندەي ەمەس+، بەكىنىستەردى تالقانداۋ ٷشىن قۇداي بەرگەن قۇدىرەتتى قارۋلار+. 5 ٴبىز قۇداي تۋرالى بىلىمگە قايشى وي-پىكىرلەر مەن كەز كەلگەن بوگەتتى تالقاندايمىز+، سونداي-اق ٵربىر ويدى جەڭىپ، ماسىحكە باعىندىرامىز. 6 ارالارىڭداعى مويىنسۇنباي جۇرگەندەردى جازالاۋعا دا دايىنبىز+. مۇنى سەندەر تولىق مويىنسۇناتىندارىڭدى كورسەتكەن سوڭ ىستەمەكپىز.
7 سەندەر سىرت كورىنىسكە قاراپ باعا بەرەسىڭدەر. كىمدە-كىم ٴماسىحتىڭ مەنشىگى ەكەنىنە سەنىمدى بولسا، مىنا جايلى تاعى دا ويلانىپ كورسىن: ول ٴماسىحتىڭ مەنشىگى بولسا، ٴبىز دە سوندايمىز. 8 يەمىز بىزگە سەندەردى قۇرتۋ ٷشىن ەمەس، نىعايتۋ ٷشىن بيلىك بەردى+. سول بيلىگىمە تىم كوپ ماقتانسام دا، ۇياتقا قالماس ەدىم. 9 سەندەردى حاتتارىممەن قورقىتىپ جاتقانداي كورىنگىم كەلمەيدى. 10 كەيبىرىڭ: «حاتتارى سالماقتى دا كۇشتى، ال ارامىزدا بولعاندا، ٶزى دە ٵلسىز، ٴسوزى دە ٴمانسىز»،— دەيدى ەكەنسىڭدەر. 11 مۇندايلار سەندەردەن الىستا جۇرگەندە حات ارقىلى جازعان ٴسوزىمىز بەن ارالارىڭدا جۇرگەندە ىستەيتىن ٸسىمىزدىڭ بىردەي بولاتىنىن ٴبىلسىن+. 12 ٶزىمىزدى وزدەرىنە كەپىلدەمە بەرەتىندەرمەن ٴبىر قاتارعا قويۋعا نە سالىستىرۋعا ٴداتىمىز بارمايدى+. ولار وزدەرىنە ٶز ولشەمدەرىمەن باعا بەرىپ، وزدەرىن وزدەرىمەن سالىستىرىپ، ەش تۇسىنىكتەرى جوق ەكەنىن كورسەتەدى+.
13 ٴبىز بولساق بەلگىلەنگەن شەكتەن شىقپاي، قۇداي وزىمىزگە ولشەپ بەرگەن اۋماقتىڭ اياسىنداعى جەتىستىكتەرىمىزگە عانا ماقتانامىز. بۇل اۋماق سەندەردى دە قامتيدى+. 14 اۋماعىمىزدىڭ شەگىنەن تىس شىقپايمىز. ەگەردە بۇل شەگارا سەندەردى قامتىماسا، سولاي بولار ەدى. ٴماسىح تۋرالى ىزگى حاباردى سەندەرگە العاش بولىپ ٴبىز جەتكىزدىك قوي+. 15 جوق، ٴبىز تاعايىندالعان شەگارامىزدان تىس اۋماقتا اتقارىلعان وزگەلەردىڭ ەڭبەگىمەن ماقتانىپ وتىرعان جوقپىز. قايتا، سەنىمدەرىڭ وسە كەلە، اۋماعىمىزدا، ياعني ارالارىڭدا، اتقارعان قىزمەتىمىزدى باعالاي تۇسەسىڭدەر دەپ ۇمىتتەنەمىز. سوندا بۇدان دا كوپ ٸس اتقارىپ، 16 ىزگى حاباردى سەندەردەن تىس، وزگە جەرلەردە دە ۋاعىزدايمىز. وسىلاي باسقانىڭ اۋماعىنداعى اتقارىلىپ قويعان ىستەر ٷشىن ماقتانبايمىز. 17 «كىم ماقتاناتىن بولسا، ەحوبانى ايتىپ ماقتانسىن»+. 18 ويتكەنى وزىنە-ٶزى كەپىلدەمە بەرگەن ادام ەمەس+، ەحوبا كەپىلدەمە بەرگەن ادام ونىڭ ىقىلاسىنا يە بولادى+.