قورىنتتىقتارعا 1-حات
2 باۋىرلاستار، مەن دە سەندەرگە سوزىممەن، دانالىعىممەن اسەر قالدىرۋ ٷشىن ەمەس+، قۇدايدىڭ قاسيەتتى قۇپياسىن+ جاريالاۋ ٷشىن بارعان بولاتىنمىن. 2 ويتكەنى نازارلارىڭدى تەك يسا ماسىحكە جانە ونىڭ باعاناعا ىلىنگەنىنە اۋدارۋعا بەل بۋعان ەدىم+. 3 مەن وزدەرىڭە ٵلسىز كۇيدە، قاتتى جۇرەكسىنىپ، قالتىراپ باردىم. 4 سوزدەرىم مەن ۋاعىزىمدى ادامدى سەندىرەتىندەي دانالىقپەن ەمەس، قۇدايدىڭ رۋحى مەن قۇدىرەتى كورىنەتىندەي ەتىپ ايتتىم+. 5 وسىلايشا سەنىمدەرىڭ ادامنىڭ دانالىعىنا ەمەس، قۇدايدىڭ قۇدىرەتىنە نەگىزدەلسە ەكەن دەدىم.
6 ٴبىز دانالىق جونىندە رۋحاني تولىسقانداردىڭ+ اراسىندا ايتىپ ٴجۇرمىز. ٴبىراق بۇل — وسى زامان* مەن ونىڭ قۇرىپ جوق بولاتىن بيلەۋشىلەرىنىڭ دانالىعى ەمەس+. 7 قايتا، قاسيەتتى قۇپيا+ ارقىلى كورىنگەن قۇدايدىڭ دانالىعى، ياعني جاسىرىن دانالىق، تۋرالى ايتىپ ٴجۇرمىز. قۇداي ونى ٴبىز ۇلىلىققا يە بولۋ ٷشىن زاماندار* بۇرىن ويلاستىرىپ قويعان بولاتىن. 8 بۇل دانالىقتى وسى زاماننىڭ ەشبىر بيلەۋشىسى تۇسىنبەدى+، ەگەر تۇسىنسە، ۇلى يەمىزدى باعاناعا ىلمەس ەدى. 9 سەبەبى جازبادا بىلاي دەلىنگەن: «قۇداي ٶزىن سۇيەتىندەرگە كوز كورىپ، قۇلاق ەستىمەگەن، ادام ويىنا ەشقاشان كەلمەگەن نارسەلەردى دايىنداپ قويعان»+. 10 بۇنى قۇداي بىزگە ٶز رۋحى+ ارقىلى اشتى+. ويتكەنى رۋح بارلىعىن، ٴتىپتى قۇدايدىڭ تەرەڭ دانالىعىن دا زەرتتەيدى+.
11 ادامنىڭ ويلارىن وزىنەن* باسقا بىرەۋ بىلە الۋشى ما ەدى؟ سول سياقتى، قۇدايدىڭ دا ويلارىن ٶز رۋحىنان باسقا ەشكىم بىلمەيدى. 12 ال ٴبىز وسى دۇنيەنىڭ رۋحىن ەمەس، قۇدايدان كەلگەن رۋحتى قابىلدادىق+. وسىنىڭ ارقاسىندا قۇدايدىڭ بىزگە تارتۋ ەتكەندەرىنىڭ ٴبارىن تۇسىنە الامىز. 13 سولار تۋرالى ايتىپ تا ٴجۇرمىز، ٵرى مۇنى ادام بالاسىنىڭ دانالىعىمەن ەمەس+، كيەلى رۋح ۇيرەتكەن+ سوزدەرمەن جەتكىزەمىز. وسىلايشا رۋحاني نارسەلەردى رۋحاني سوزدەرمەن تۇسىندىرەمىز.
14 ٴبىراق تاندىك كوزقاراستاعى ادام قۇداي رۋحى اشقان نارسەلەردى قابىلدامايدى، سەبەبى اقىماقتىق دەپ ەسەپتەيدى، تانىپ-بىلە دە المايدى، ويتكەنى بۇلارعا باعا بەرۋ ٷشىن قۇداي رۋحى قاجەت. 15 ال قۇداي رۋحىنىڭ جەتەلەۋىمەن جۇرەتىن ادام بارلىعىنا باعا بەرە الادى+، ٴبىراق باسقالار بۇنداي ادامعا باعا بەرە المايدى. 16 «ەحوباعا نۇسقاۋ بەرەتىندەي، ونىڭ وي-ساناسىن كىم تانىپ-بىلگەن؟»+ ال بىزدە ٴماسىحتىڭ وي-ساناسى بار+.