ٵيۇپ
37 بۇدان مەنىڭ جۇرەگىم اتتاي تۋلاپ،
ورنىنان ىرشىپ كەتەيىن دەپ تۇر.
2 قۇدايدىڭ داۋسىنىڭ گۇرىلىن،
اۋزىنان شىققان كۇركىرىن، مۇقيات تىڭداڭىز.
3 ول ونى بۇكىل اسپان استىندا جاڭعىرتادى،
نايزاعايىن جەردىڭ شەتىنە دەيىن ويناتادى+.
4 بۇدان كەيىن گۇرىل ەستىلەدى؛
ول زور داۋىسپەن كۇركىرەيدى+ دە،
داۋسى ەستىلگەندە، نايزاعايىنا ەرىك بەرەدى.
7 ٵربىر پەندەگە قۇداي ٶز ىستەرىن ٴبىلدىرۋ ٷشىن،
ولاردىڭ ٸس-ارەكەتىن توقتاتىپ تاستايدى.
8 جابايى اڭدار ىندەرىنە تىعىلادى،
سول جەردە جاسىرىنىپ جاتادى.
11 ول بۇلتتاردى ىلعالداندىرىپ اۋىرلاتادى،
ارالارىنان نايزاعاي ويناتادى+،
12 قۇداي قايدا باعىتتاسا، ولار سوندا كوشەدى،
جەر بەتىنە قاتىستى نە بۇيىرسا، سونى ىستەيدى+.
13 بۇلاردى قۇداي جازالاۋ+، جەردى سۋارۋ،
نەمەسە اينىماس سۇيىسپەنشىلىگىن كورسەتۋ ٷشىن قولدانادى+.
14 ٵيۇپ، مىناعان قۇلاق اسىڭىز،
كىدىرىپ، قۇدايدىڭ كەرەمەت ىستەرىنە مۇقيات زەر سالىڭىز+:
15 ونىڭ بۇلتتارعا قالاي بيلىك جۇرگىزەتىنىن،
قالاي ولاردىڭ اراسىنان نايزاعاي ويناتاتىنىن بىلەسىز بە؟
16 بۇلتتاردىڭ قالاي قالىقتاپ تۇراتىنىن بىلەسىز بە+؟
بۇلار كەمەلدى ٴبىلىم يەسىنىڭ كەرەمەت ىستەرى+.
17 وڭتۇستىكتەن جەل سوقسا،
نەگە كيىمىڭىز ىسىپ كەتەدى، ال جەر ٴمىز باقپاي تۇرا بەرەدى+؟
18 قۇدايمەن بىرگە ەڭبەكتەنىپ،
اسپاندى مىس ايناداي قاتتى ەتە الاسىز با+؟
19 وعان نە ايتۋىمىز كەرەك، ۇيرەتىڭىزشى؟
ٴبىز وعان جاۋاپ بەرە المايمىز، ويتكەنى تۇنەكتە ٴجۇرمىز.
20 ايتار ٴسوزىم بار ەكەنى وعان حابارلانۋى كەرەك پە؟
قۇلاق اسۋىنا تۇرارلىق ماڭىزدى ٴسوز ايتقان بىرەۋ بار ما+؟
21 كۇن نۇرى جارقىراپ تۇرسا دا،
جەل بۇلتتاردى قۋىپ تاستاپ، اسپان اشىلمايىنشا،
ادامدار جارىقتى كورە المايدى.
22 سولتۇستىكتەن التىن ساۋلە جارقىرايدى،
قۇدايدىڭ ۇلىلىعى+ قاستەرلى سەزىمگە بولەيدى.