لۇقا
6 ٴبىر دەمالىس كۇنى يسا ەگىندىك اراسىمەن كەلە جاتقاندا، شاكىرتتەرى ماساق ٷزىپ الىپ، قولدارىمەن ۇگىپ، جەي باستادى+. 2 سوندا كەيبىر پارىزشىلدار: «نەگە دەمالىس كۇنى ىستەۋگە بولمايتىندى ىستەپ جاتىرسىڭدار؟»+— دەدى. 3 يسانىڭ جاۋابى مىناۋ بولدى: «ٴداۋىت پەن قاسىنداعىلاردىڭ قارنى اشقاندا، ونىڭ نە ىستەگەنى جايلى ەشقاشان وقىماپ پا ەدىڭدەر+؟ 4 ول قۇداي ۇيىنە كىرىپ، ٴدىني قىزمەتكەرلەردەن باسقا ەشكىمنىڭ جەۋىنە بولمايتىن تارتۋ رەتىندە قۇدايعا ۇسىنىلعان نانداردى الىپ، ٶزى دە جەپ، قاسىنداعىلارعا دا بەرىپ ەدى عوي+؟» 5 سوسىن: «ادام ۇلى — دەمالىس كۇنىنىڭ يەسى»،— دەپ قوستى+.
6 تاعى ٴبىر دەمالىس كۇنى+ ول ٴماجىلىسحاناعا كىرىپ، ٴتالىم بەرە باستادى. سول جەردە وڭ قولى سەمىپ قالعان* ٴبىر كىسى بار ەدى+. 7 ٴدىن مۇعالىمدەرى مەن پارىزشىلدار يسانى ايىپتاۋعا سىلتاۋ ىزدەپ، دەمالىس كۇنى بىرەۋدى ساۋىقتىرار ما ەكەن دەپ، ونى مۇقيات باقىلاۋمەن بولدى. 8 الايدا ولاردىڭ ويىن بىلگەن يسا+ قولى سەمگەن ادامعا: «تۇرەگەلىپ، ورتاعا شىقشى»،— دەدى. ول تۇرىپ، ورتاعا شىقتى. 9 سوندا يسا ولارعا بىلاي دەدى: «سەندەردەن سۇراپ تۇرمىن، دەمالىس كۇنى نە ىستەگەن دۇرىس: جاقسىلىق پا، جاماندىق پا؛ جاندى* قۇتقارۋ ما، قۇرتۋ ما؟»+ 10 ول اينالاسىنداعىلارعا قاراپ شىقتى دا، الگى ادامعا: «قولىڭدى سوز!»— دەدى. ول سوزعاندا، قولى ساپ-ساۋ قالپىنا كەلدى. 11 ٴبىراق الگىلەر اشۋعا بۋلىعىپ، يساعا نە ىستەسەك ەكەن دەپ، ٶزارا اقىلداسا باستادى.
12 سول كۇندەردىڭ بىرىندە يسا دۇعا ەتۋ ٷشىن تاۋعا شىعىپ+، ٴتۇنى بويى قۇدايعا سيىندى+. 13 ال تاڭ اتقاندا شاكىرتتەرىن شاقىرىپ، ارالارىنان ون ەكىسىن تاڭداپ الدى دا، ولاردى «ەلشىلەر» دەپ اتادى+. 14 ولاردىڭ ەسىمدەرى مىناداي: يسانىڭ ٶزى پەتىر* دەپ اتاعان شيمون، ونىڭ باۋىرى ٵندىر، جاقىپ، جوحان، ٴفىلىپ+، بارتالاماي، 15 ماتاي، توما+، الپەي ۇلى جاقىپ، قۇلشىنعان دەپ اتالاتىن شيمون، 16 جاقىپ ۇلى ياھۋدا، سونداي-اق كەيىن وپاسىز بولىپ شىققان ياھۋدا يسقاريوت.
17 يسا ولارمەن بىرگە تاۋدان ٴتۇسىپ، ٴبىر جازىققا كەلدى. سول جەردە كوپتەگەن شاكىرتتەرى جانە بۇكىل ياھۋدەيادان، يەرۋساليمنەن، تەڭىز جاعالاۋىنداعى تير مەن سيدون ايماقتارىنان كەلگەن قالىڭ جۇرت بار ەدى. حالىق ونى تىڭداۋعا جانە اۋرۋلارىنان ايىعۋعا كەلگەن بولاتىن. 18 ٴتىپتى جىن قيناعان ادامدار دا ساۋىعىپ كەتىپ جاتتى. 19 بۇكىل حالىق يساعا قولىن تيگىزۋگە ۇمتىلدى، ويتكەنى ودان قۇدىرەت شىعىپ+، ٴبارىن دە ساۋىقتىرىپ جاتتى.
20 يسا شاكىرتتەرىنە قاراپ، بىلاي دەدى:
«جارلىلار، سەندەر باقىتتىسىڭدار، ويتكەنى قۇداي پاتشالىعى سەندەرگە تيەسىلى+.
21 قازىر اش جۇرگەندەر، سەندەر باقىتتىسىڭدار، ويتكەنى تويىناتىن بولاسىڭدار+.
زار ەڭىرەپ جۇرگەندەر، سەندەر باقىتتىسىڭدار، ويتكەنى قۋانا كۇلەتىن بولاسىڭدار+.
22 جۇرت سەندەردى ادام ۇلىنا بولا جەك كورىپ، ارالارىنان الاستاتىپ+، قورلاپ، جاماناتتى قىلسا، باقىتتىسىڭدار+. 23 سول كۇنى قۋانا سەكىرىڭدەر، ويتكەنى كوكتە سەندەردى زور سي كۇتىپ تۇر. ولاردىڭ اتا-بابالارى دا بۇرىنعى پايعامبارلارعا سولاي ىستەيتىن+.
24 ال، بايلار، سەندەر قاسىرەتكە قالاسىڭدار+، ويتكەنى راقاتتىڭ ٴدامىن تولىق تاتتىڭدار+.
25 قازىر توق جۇرگەندەر، سەندەر قاسىرەتكە قالاسىڭدار، ويتكەنى اشىعاتىن بولاسىڭدار.
قازىر كۇلىپ جۇرگەندەر، سەندەر قاسىرەتكە قالاسىڭدار، ويتكەنى قايعىرىپ، زار ەڭىرەيتىن بولاسىڭدار+.
26 ەگەر بارلىق جۇرتتان ماقتاۋ ەستىپ جۇرسەڭدەر، قاسىرەتكە قالاسىڭدار+، ويتكەنى ولاردىڭ اتا-بابالارى دا جالعان پايعامبارلارعا سولاي ەتكەن.
27 مەنى تىڭداپ وتىرعاندار، سەندەرگە مىنانى ايتامىن: جاۋلارىڭدى ۇدايى جاقسى كورىڭدەر، وزدەرىڭدى جەك كورەتىندەرگە جاقسىلىق ىستەي بەرىڭدەر+، 28 قارعايتىندارعا ٵردايىم يگىلىك تىلەپ، وزدەرىڭدى قورلايتىندار ٷشىن دۇعا ەتە بەرىڭدەر+. 29 بەتىڭنىڭ ٴبىر جاعىن ۇرعانعا ەكىنشى جاعىن دا توس! سىرت كيىمىڭدى تارتىپ العان ادامعا كويلەگىڭدى دە الۋىنا قارسىلىق كورسەتپە+. 30 سۇراعانعا قاجەتىن بەر+، وزىڭنەن الىپ قويعان نارسەنى قايتا سۇراما.
31 سونداي-اق باسقالار وزدەرىڭە قالاي ىستەسىن دەسەڭدەر، سەندەر دە ولارعا سولاي ىستەڭدەر+.
32 ەگەر وزدەرىڭدى جاقسى كورەتىندەردى عانا جاقسى كورسەڭدەر، قانداي سي كۇتەسىڭدەر؟ وزدەرىن جاقسى كورگەندەردى كۇناكارلار دا جاقسى كورەدى عوي+. 33 وزدەرىڭە جاقسىلىق ىستەگەندەرگە عانا جاقسىلىق ىستەسەڭدەر، قانداي سي كۇتەسىڭدەر؟ كۇناكارلار دا وسىلاي ەتەدى عوي. 34 قايتارىپ الامىن دەگەن ۇمىتپەن قارىز بەرسەڭدەر، قانداي سي كۇتەسىڭدەر+؟ بەرگەنىن تۇگەلدەي قايتارىپ الۋ ٷشىن كۇناكارلار دا ٶزى سياقتىلارعا قارىز بەرەدى عوي. 35 ال سەندەر جاۋلارىڭدى جاقسى كورىڭدەر، جاقسىلىق جاساۋدان تالماڭدار، ەشتەڭە دامەتپەستەن قارىز بەرىڭدەر+. سوندا زور سي الاسىڭدار جانە قۇداي تاعالانىڭ بالالارى بولاسىڭدار، ويتكەنى ول ٴتىپتى العىستى بىلمەيتىندەرگە دە، زۇلىمدارعا دا مەيىرىم كورسەتەدى+. 36 كوكتەگى اكەلەرىڭ قانداي مەيىرىمدى بولسا، سەندەر دە سونداي مەيىرىمدى بولىڭدار+.
37 باسقالاردى ايىپتاۋدى قويىڭدار، سوندا وزدەرىڭ دە ايىپتالمايسىڭدار+. وزگەلەرگە ۇكىم ايتۋدى دوعارىڭدار، سوندا سەندەرگە دە ۇكىم ايتىلمايدى. كەشىرىمدى بولىڭدار، سوندا وزدەرىڭ دە كەشىرىلەسىڭدەر+. 38 بەرىڭدەر، سوندا جۇرت سەندەرگە دە بەرەدى+. قويىندارىڭا نىعىزداپ، شايقاپ، تاسىپ-توگىلگەن مولشەردە سالىپ بەرەدى. قانداي ولشەممەن ولشەپ بەرسەڭدەر، سەندەرگە دە سونداي ولشەممەن بەرىلەدى».
39 سودان كەيىن يسا مىناداي مىسالدار كەلتىردى: «سوقىردى سوقىر جەتەلەي الا ما؟ ەكەۋى دە ورعا قۇلاپ تۇسپەي مە+؟ 40 شاكىرتى ۇستازىنان جوعارى ەمەس، ٴبىراق تولىقتاي ٴتالىم العان اركىم ۇستازىنداي بولادى. 41 نەلىكتەن باۋىرلاسىڭنىڭ كوزىندەگى جاڭقانى كورەسىڭ دە، ال ٶز كوزىڭدەگى بورەنەنى بايقامايسىڭ+؟ 42 ٶز كوزىڭدەگى بورەنەنى كورمەستەن، قالايشا وعان: «كانە، كوزىڭدەگى جاڭقانى الىپ تاستايىن»،— دەي الاسىڭ؟ ەكىجۇزدى! الدىمەن ٶز كوزىڭدەگى بورەنەنى الىپ تاستا، سوندا باۋىرلاسىڭنىڭ كوزىندەگى جاڭقانى قالاي الۋ كەرەكتىگىن انىق كورەسىڭ.
43 جاقسى اعاش ناشار جەمىس بەرمەيدى، ال ناشار اعاش جاقسى جەمىس بەرمەيدى+. 44 ٵربىر اعاش جەمىسىنەن تانىلادى+. مىسالى، ەشكىم تىكەننەن ٸنجىر، تىكەندى بۇتادان ٴجۇزىم جينامايدى. 45 جاقسى ادام جۇرەگىندەگى جاقسى قازىنادان جاقسى نارسە، ال جامان ادام جۇرەگىندەگى جامان قازىنادان جامان نارسە الىپ شىعادى. ويتكەنى ادامنىڭ جۇرەگى نەگە تولسا، اۋزى سونى ايتار+.
46 نەلىكتەن مەنى «يەم! يەم!» دەيسىڭدەر، ٴبىراق ايتقاندارىمدى ىستەمەيسىڭدەر+؟ 47 ماعان كەلىپ، ايتقاندارىمدى ەستىپ، ولاردى ورىندايتىن ادامنىڭ كىمگە ۇقسايتىنىن ايتايىن+: 48 ول جەردى جارتاسقا دەيىن تەرەڭ ەتىپ قازىپ، ىرگەتاسىن سوعان قالاپ، ٷي سالعان كىسىگە ۇقسايدى. سەل ٴجۇرىپ، تاسىعان وزەن ٷيدى سوققاندا، ونى شايقالتا المادى، ويتكەنى ول جاقسى سوعىلعان ەدى+. 49 ال ايتقاندارىمدى ەستىپ، ٴبىراق ورىندامايتىن ادام+ ىرگەتاسسىز ٷي سالعان كىسىگە ۇقسايدى. تاسىعان وزەن ٷيدى سوققاندا، ول بىردەن قيراپ، تاس-تالقانى شىعادى».