نەحەميا
2 ارتاكسەركس پاتشانىڭ+ بيلىك قۇرۋىنىڭ جيىرماسىنشى جىلىنىڭ+ نيسان ايى بولاتىن. پاتشانىڭ الدىنا شاراپ اكەلىنگەندە، مەن ونى ادەتتەگىدەي پاتشاعا ۇسىندىم+. بۇعان دەيىن ونىڭ الدىندا ەشقاشان كوڭىلسىز بولعان ەمەس ەدىم. 2 سوندىقتان پاتشا ماعان: «اۋىرىپ تۇرعانعا ۇقسامايسىڭ، نەگە سونشا كوڭىلسىزسىڭ؟ جۇرەگىڭدى بىردەڭە مازالاپ تۇر عوي»،— دەدى. مەن قاتتى قورقىپ كەتتىم.
3 سوندا پاتشاعا: «پاتشانىڭ عۇمىرى ۇزاق بولسىن! اتا-بابالارىمنىڭ سۇيەگى قويىلعان قالا قيراپ، قاقپالارى ورتەنىپ كەتكەن بولسا+، قالاي كوڭىلسىز بولمايىن؟!»— دەپ جاۋاپ قاتتىم. 4 پاتشا: «ەندەشە نە ىستەمەك ويىڭ بار؟»— دەپ سۇرادى. سول كەزدە مەن كوكتەگى قۇدايعا دەرەۋ دۇعا ەتىپ الدىم دا+، 5 وعان: «ەگەر پاتشام ماقۇل كورىپ، مەندەي قۇلىنا ىقىلاسى تۇسسە، مەنى ياھۋدا جەرىنە، اتا-بابالارىمنىڭ سۇيەگى قويىلعان قالاعا جىبەرسە ەكەن. مەن ونى قايتا تۇرعىزار ەدىم»،— دەدىم+. 6 سوندا پاتشا (بۇل كەزدە پاتشايىم قاسىندا وتىرعان بولاتىن) مەنەن: «ساپارىڭ قانشا ۋاقىتقا سوزىلادى، قاشان ورالاسىڭ؟»— دەپ سۇرادى. پاتشانىڭ مەنى جىبەرۋگە ىقىلاستى ەكەنىن كورىپ+، ساپاردىڭ قانشا ۋاقىتقا سوزىلاتىنىن ايتتىم+.
7 سوسىن پاتشاعا: «ەگەر پاتشا ماقۇل كورسە، ياھۋداعا جەتكەنىمشە، جەرلەرىنەن وتە الۋىم ٷشىن، ەۆفراتتىڭ+ باتىس ولكەسىندەگى امىرشىلەرگە حات جازىلىپ، قولىما بەرىلسە ەكەن. 8 سونداي-اق عيباداتحانانىڭ جانىنداعى بەكىنىستىڭ+ قاقپالارىنا، قالانىڭ قابىرعالارىنا+ جانە ٶزىم تۇراتىن ۇيگە قاجەتتى بورەنەلەر بەرسىن دەپ، پاتشا ورمانىنىڭ قاراۋشىسى اساپقا دا حات جازىلسا ەكەن»،— دەدىم. قۇدايىم مەنى قولداپ، پاتشا وسى حاتتاردى جازعىزىپ بەردى+.
9 سودان ەۆفراتتىڭ باتىس ولكەسىندەگى امىرشىلەرگە كەلىپ، پاتشانىڭ حاتتارىن بەردىم. پاتشا ماعان قولباسشىلار مەن اتتى جاۋىنگەرلەردى دە ەرتىپ جىبەرگەن بولاتىن. 10 حوروندىق سانبالات+ پەن امموندىق+ قىزمەتكەر توبيا+ مەنىڭ كەلە جاتقانىمدى ەستىگەندە، ولار بىرەۋدىڭ يسرايل حالقىنا جاقسىلىق جاساماق بولعانىنا قاتتى نارازى بولدى.
11 ٴسۇيتىپ، يەرۋساليمگە كەلىپ، سول جەردە ٷش كۇن بولدىم. 12 سوسىن تۇندە تۇرىپ، قاسىما بىرنەشە ادام ەرتىپ الدىم. ٴبىراق يەرۋساليمگە قاتىستى قۇدايىم جۇرەگىمە قانداي وي سالعانىن ەشكىمگە ايتقان جوقپىن. استىمداعى جانۋاردان باسقا ەشقانداي جانۋار بولعان جوق. 13 تۇندە اڭعار قاقپاسىنان+ شىعىپ، ٴداۋ جىلان بۇلاعىنىڭ الدىنان ٶتىپ، كۇل-قوقىس قاقپاسىنا+ دەيىن كەلىپ، يەرۋساليمنىڭ قيراعان قابىرعالارى مەن ورتەنىپ كەتكەن قاقپالارىن قاراپ شىقتىم+. 14 سوسىن بۇلاق قاقپاسى+ مەن پاتشا حاۋىزىنا قاراي بەت الدىم، ٴبىراق وندا استىمداعى جانۋار وتەتىن جەر بولمادى. 15 سودان ٴتۇن ىشىندە اڭعارمەن+ كوتەرىلە وتىرىپ، سونداعى قابىرعانى تەكسەرىپ شىقتىم. كەيىن كەرى قايتىپ، اڭعار قاقپاسى ارقىلى ىشكە كىردىم.
16 باسقارۋشىلار+ قايدا بارعانىمدى، نە ىستەپ جۇرگەنىمدى بىلگەن جوق. ويتكەنى ياھۋديلەرگە دە، ٴدىني قىزمەتكەرلەرگە دە، بەدەلدى ادامدارعا دا، باسقارۋشىلار مەن جۇمىسشىلارعا دا ٵلى ەشتەڭە ايتقان جوق ەدىم. 17 اقىرىندا، مەن ولارعا: «جاعدايىمىزدىڭ قانداي مۇشكىل ەكەنىن، يەرۋساليمنىڭ قيراپ، قاقپالارى ورتەنىپ كەتكەنىن وزدەرىڭىز كورىپ تۇرسىزدار. يەرۋساليمنىڭ قابىرعاسىن قايتا تۇرعىزايىق، ٵرى قاراي ماسقارا بولمايىق»،— دەدىم. 18 سوسىن ولارعا قۇدايىمنىڭ مەنى قالاي قولداعانىن+، پاتشانىڭ ماعان نە دەگەنىن ايتىپ بەردىم+. سوندا ولار: «ماقۇل، قابىرعانى تۇرعىزايىق!»— دەپ، وسى يگى ىسكە بىلەك سىبانا كىرىسۋگە بەل بۋدى+.
19 حوروندىق سانبالات، امموندىق+ قىزمەتكەر توبيا+ مەن ارابيالىق گەشەم+ بۇل تۋرالى ەستىگەندە، ٴبىزدى مازاق ەتىپ+، جاقتىرماي: «ٵي، بۇل ىستەپ جاتقاندارىڭ نە؟ پاتشاعا قارسى شىقپاقسىڭدار ما؟»— دەدى+. 20 مەن ولارعا: «كوكتەگى قۇدايدىڭ ٶزى ٴبىزدىڭ ٸسىمىزدى وڭعارادى+. بىزدەر، ونىڭ قىزمەتشىلەرى، قابىرعانى قايتا تۇرعىزامىز. ال سەندەردىڭ يەرۋساليمدە ۇلەستەرىڭ دە، وعان قاتىستى قۇقىقتارىڭ دا، تاريحىندا العان ورىندارىڭ دا جوق»،— دەپ جاۋاپ بەردىم+.