ەۆرەيلەرگە
11 سەنىم دەگەنىمىز — نەگىز بار بولعاندىقتان، ۇمىتتەنگەننىڭ جۇزەگە اساتىنىنا بەرىك سەنۋ+ جانە كورىنبەيتىن نارسەلەردىڭ شىن مانىندە بار ەكەنىنىڭ ايقىن دالەلىن كورۋ. 2 ەجەلدە ٶمىر سۇرگەن كىسىلەر سەنىمدەرىنىڭ ارقاسىندا قۇدايدىڭ ىقىلاسىنا يە بولعاندارىنا كۋالىك الدى.
3 سەنىمىمىز بولعاندىقتان ٴبىز قۇداي سوزىمەن الەمنىڭ جاراتىلعانىن* تۇسىنەمىز، دەمەك، كورىنەتىن نارسە كورىنبەيتىن نارسەدەن پايدا بولعان.
4 سەنىمى بولعاندىقتان ٵبىل قۇدايعا قابىلدىكىنەن الدەقايدا باعالى قۇرباندىق ۇسىندى+. وسى سەنىمى ارقىلى ٶزىنىڭ ٵدىل ەكەنىنە قۇدايدان كۋالىك الدى، ويتكەنى ول ونىڭ تارتۋىن قابىل العان ەدى+. ٵبىل ولگەنمەن، سەنىمىنىڭ ارقاسىندا ٵلى دە سويلەۋدە+.
5 سەنىمى بولعاندىقتان ەنوح+ ازاپتى ولىممەن ولمەۋ ٷشىن اكەتىلدى. قۇداي اكەتكەندىكتەن، ول ەش جەردەن تابىلمادى+. سەبەبى اكەتىلمەس بۇرىن، قۇدايعا ۇنامدى بولعانى جونىندە كۋالىك العان ەدى. 6 سەنىم بولماسا، قۇدايعا ۇناۋ مۇمكىن ەمەس. ويتكەنى قۇدايعا جاقىندايتىن اركىم ونىڭ بار ەكەنىنە جانە ٶزىن شىن جۇرەكتەن ىزدەيتىندەرگە سي بەرەتىنىنە سەنۋ كەرەك+.
7 قۇداي ٵلى كوزگە كورىنبەگەن نارسەلەر تۋرالى ەسكەرتكەننەن كەيىن+، نۇح سەنىمى بولعاندىقتان+ قۇدايدان قورقاتىنىن كورسەتىپ، ٷي ٸشىن قۇتقارۋ ٷشىن كەمە* سالدى+. وسى سەنىمى ارقىلى دۇنيەنى ايىپتادى+، ٵرى ادىلدىكتىڭ مۇراگەرى بولدى.
8 سەنىمى بولعاندىقتان ىبىرايىم+ ٶزىن قۇداي شاقىرعاندا، مويىنسۇنىپ، ونىڭ ۋادە ەتكەن جەرىنە باردى. قايدا بارا جاتقانىن بىلمەسە دە، جولعا شىقتى+. 9 سەنىمى بولعاندىقتان ول ۋادە ەتىلگەن جەردە جاتجەرلىك سياقتى ٶمىر ٴسۇرىپ+، قۇدايدان ٴدال سونداي ۋادە العان ىسقاق جانە جاقىپپەن بىرگە+ شاتىرلاردا تۇردى+. 10 سەبەبى ول ساۋلەتشىسى دە، قۇرىلىسشىسى دا قۇدايدىڭ ٶزى بولعان، ىرگەتاسى بەرىك قالانعان قالانى كۇتتى+.
11 سەنىمى بولعاندىقتان سارا دا جاسى كەلىپ قالسا دا، قۇرساق كوتەرىپ، ۇرپاق اكەلۋ ٷشىن كۇش الدى+. سەبەبى ۋادە بەرۋشىنى ٶز سوزىنە ادال دەپ سانادى. 12 سوندىقتان دا ٶلى سانالعان ىبىرايىمنان+، ياعني ٴبىر ادامنان، اسپانداعى جۇلدىزدار مەن تەڭىز جاعاسىنداعى قۇم قيىرشىقتارىنداي سانسىز كوپ+ ۇرپاق تارادى+.
13 بۇلاردىڭ ٴبارى قۇدايدىڭ ۋادە ەتكەندەرىنە يە بولماسا دا، سەنىمدەرىن جوعالتپاي دۇنيەدەن ٶتتى+. ٴبىراق سولاردى الىستان كورىپ قۋاندى+، سونداي-اق وزدەرىنىڭ سول جەردە جاتجەرلىك ٵرى ۋاقىتشا تۇرعىندار ەكەندەرىن اشىق ايتتى. 14 وسىلاي ايتاتىندار بار ىقىلاسىمەن ٶز مەكەندەرىن ىزدەپ جۇرگەنىن كورسەتەدى. 15 ولار تاستاپ كەتكەن جەرلەرىن+ ەسكە الا بەرسە، كەرى قايتۋدىڭ امالىن تابار ەدى. 16 ٴبىراق ولار الدەقايدا جاقسى، ياعني كوككە تيەسىلى، مەكەنگە ۇمتىلاتىندىقتان، قۇداي ولاردىڭ قۇدايى دەپ اتالۋدان ۇيالمايدى+، ٴتىپتى ولارعا قالا دا دايىنداپ قويدى+.
17 سەنىمى بولعاندىقتان ىبىرايىم سىنالعاندا+، ىسقاقتى قۇرباندىققا شالدى دەۋگە بولادى. ٴيا، ۋادەلەردى قۋانىشپەن قابىلداعان سول كىسى جالعىز ۇلىن قۇرباندىققا بەرمەك بولدى+. 18 ال وعان بولسا: «ۋادە ەتىلگەن «ۇرپاق» ىسقاقتان شىعادى»+،— دەلىنگەن ەدى. 19 ىبىرايىم ۇلىن ولىمنەن قايتا تىرىلتۋگە قۇدايدىڭ قۇدىرەتى جەتەدى دەپ ەسەپتەدى، ٵرى ونى ولىمنەن قايتارىپ الدى دا. ال مۇنىڭ استارلى ماعىناسى بار ەدى+.
20 سەنىمى بولعاندىقتان ىسقاق جاقىپ پەن ەساۋعا+ كەلەشەكتە بولاتىن جايتتارعا قاتىستى باتاسىن بەردى+.
21 سەنىمى بولعاندىقتان جاقىپ ولەر الدىندا+ ٴجۇسىپتىڭ ۇلدارىنا باتاسىن بەردى+، سونداي-اق تاياعىنا سۇيەنىپ، قۇدايعا تاعزىم ەتتى+.
22 سەنىمى بولعاندىقتان ٴجۇسىپ كوزىن جۇماردا يسرايل ۇلدارىنىڭ مىسىردان شىعاتىنى جايلى ايتىپ، ٶزىنىڭ سۇيەگىن بىرگە الا كەتۋدى اماناتتادى+.
23 سەنىمى بولعاندىقتان مۇسانىڭ اتا-اناسى جاڭا تۋىلعان نارەستەسىنىڭ ادەمى ەكەنىن كورىپ+، پاتشانىڭ جارلىعىنان قايمىقپاي+، ونى ٷش اي بويى جاسىردى+. 24 سەنىمى بولعاندىقتان مۇسا ەرجەتكەندە+ پەرعاۋىن قىزىنىڭ ۇلى دەپ اتالۋدان باس تارتتى+. 25 ول كۇنادان ۋاقىتشا راقات الۋدان گورى قۇداي حالقىمەن بىرگە جابىرلەنۋدى تاڭدادى. 26 ويتكەنى بار نازارىن الاتىن سيىنا تىككەندىكتەن، مايلانعان* رەتىندە قورلىق كورۋدى مىسىردىڭ قازىنالارىنان ارتىق بايلىققا سانادى. 27 سەنىمى بولعاندىقتان مۇسا مىسىردى تاستاپ كەتتى+. پاتشانىڭ قاھارىنان قورىققاننان ەمەس+، كوزگە كورىنبەيتىن تۇلعانى كورىپ تۇرعانداي بەرىك بولعاندىقتان سولاي ەتتى+. 28 سەنىمى بولعاندىقتان ول قۇتقارىلۋ مەيرامىن* تويلاپ، قۇداي پەرىشتەسى يسرايلدىكتەردىڭ تۇڭعىشتارىنا تيىسپەسىن دەپ ەسىك جاقتاۋلارىنا قان جاقتى+.
29 سەنىمى بولعاندىقتان يسرايلدىكتەر قىزىل تەڭىزدەن قۇرعاق جەرمەن وتكەندەي ٶتتى+. ال سولاي ىستەمەك بولعان مىسىرلىقتار سۋعا كەتتى+.
30 سەنىمى بولعاندىقتان يسرايلدىكتەر يەريحوندى جەتى كۇن اينالعاننان كەيىن، قالا قابىرعالارى قۇلاپ ٴتۇستى+. 31 سەنىمى بولعاندىقتان جەزوكشە راحاب مويىنسۇنباعاندارمەن بىرگە جويىلعان جوق، ويتكەنى كەلگەن تىڭشىلاردى جىلى قابىلداعان ەدى+.
32 تاعى كىمدەر جايىندا ايتايىن؟ گەدەون+، باراق+، سامسون+، ەفتا+، ٴداۋىت+، سامۋيل+ جانە باسقا دا پايعامبارلار جايىندا ايتۋعا ۋاقىتىم جەتپەس ەدى. 33 ولار سەنىمدەرىنىڭ ارقاسىندا پاتشالىقتاردى جەڭدى+، ٵدىل ارەكەت ەتتى، قۇدايدان ۋادەلەر الدى+، ارىستانداردىڭ اۋزىن جاپتى+، 34 ٶرت جالىنىنان زاقىم كورمەدى+، سەمسەر جۇزىنەن امان قالدى+، ٵلسىز كەزىندە قۇدىرەتكە يە بولدى+، باتىل شايقاستى+، باسقىنشىلاردىڭ جاساقتارىن جايراتتى+. 35 ايەلدەر ولگەندەرى ٴتىرىلىپ، ولارمەن قاۋىشتى+. ال باسقالار بولسا ازاپتالىپ ٶلتىرىلدى، ويتكەنى اناعۇرلىم جاقسى قايتا تىرىلۋگە جەتۋ ٷشىن سەنىمدەرىنەن باس تارتقان جوق. 36 تاعى باسقالارى كەلەكە-مازاققا ۇشىراپ، دۇرە سوعىلىپ، ٴتىپتى كىسەندەلىپ+، تۇرمەگە جابىلدى+. 37 ولار تاسپەن اتقىلاندى+، سەنىمدەرى سىنالدى، ارالانىپ ەكىگە ٴبولىندى، سەمسەرمەن شابىلدى+، قوي-ەشكى تەرىلەرىن جامىلىپ ٴجۇردى+، جوقشىلىق، ازاپ+، ٴجابىر كوردى+. 38 بۇل دۇنيە مۇنداي ادامدارعا لايىق ەمەس ەدى. ولار ٴشول دالادا، تاۋلى-تاستى جەرلەردە قاڭعىپ ٴجۇرىپ، ۇڭگىرلەر+ مەن اپانداردى پانالادى.
39 ولاردىڭ بارلىعى سەنىمدەرى ارقىلى قۇدايدىڭ ىقىلاسىنا يە بولعانىنا كۋالىك السا دا، ونىڭ ۋادە ەتكەنىن يەمدەنبەدى. 40 سەبەبى ولار ٴبىزسىز كەمەلدىلىككە جەتپەۋ ٷشىن، قۇداي بىزگە ارناپ الدەقايدا جاقسى نارسە ويلاستىرىپ قويعان+.