مۇسانىڭ 2-جازباسى
34 سوسىن ەحوبا مۇساعا بىلاي دەدى: «تاستان قاشاپ، الدىڭعىلارىنا ۇقسايتىن ەكى تاقتاشا جاسا+. مەن ولارعا ٶزىڭ سىندىرىپ تاستاعان تاقتاشالارداعى+ سوزدەردى جازىپ بەرەمىن. 2 ەرتەڭگىسىن دايىن بول. تاڭەرتەڭ سيناي تاۋىنىڭ باسىنا كوتەرىلىپ، مەنىڭ الدىمدا تۇر+. 3 ٴبىراق ول جاققا سەنىمەن بىرگە ەشكىم كوتەرىلمەسىن، بۇكىل تاۋدا ەشكىم كورىنبەسىن. ونىڭ ماڭىندا ٴتىپتى ٸرىلى-ۇساقتى مال دا جايىلىپ جۇرمەسىن+».
4 سودان مۇسا تاستان قاشاپ، الدىڭعىلارىنا ۇقساس ەكى تاقتاشا جاسادى. ول ەرتەڭگىسىن ەرتە تۇرىپ، ەحوبا وزىنە بۇيىرعانداي، سيناي تاۋىنا كوتەرىلدى. قولىنا ەكى تاس تاقتاشانى الىپ الدى. 5 ەحوبا بۇلتپەن تومەن ٴتۇستى دە+، مۇسانىڭ قاسىندا تۇرىپ، ەحوبا دەگەن ەسىمىن پاش ەتتى+. 6 ەحوبا ونىڭ الدىنان ٶتىپ بارا جاتىپ، بىلاي دەدى: «ەحوبا، ەحوبا — مەيىرىمدى+ دە جاناشىر+، اشۋلانۋعا اسىقپايتىن+، اينىماس سۇيىسپەنشىلىگى مول+ جانە ٵردايىم سوزىنە ادال*+ قۇداي. 7 ول اينىماس سۇيىسپەنشىلىگىن مىڭداعان ۇرپاققا كورسەتەدى+. تەرىس قىلىقتى، قىلمىس پەن كۇنانى كەشىرەدى+، ٴبىراق كىنالىنى ەشقاشان جازاسىز قالدىرمايدى+. اكەلەرى جاساعان كۇنانىڭ سالدارىن ۇلدارى مەن نەمەرەلەرىنە، شوبەرەلەرى مەن شوپشەكتەرىنە تارتقىزادى+».
8 مۇسا دەرەۋ تىزەرلەپ وتىرىپ، جەرگە باس ۇرا تاعزىم ەتتى. 9 سوسىن ول: «ۋا، ەحوبا، سەنىڭ ىقىلاسىڭا يە بولعان بولسام، وتىنەمىن، ەحوبا، توڭمويىن حالىق+ بولساق تا، بىزبەن بىرگە جۇرە كور+. ٴبىزدىڭ تەرىس قىلىقتارىمىز بەن كۇنالارىمىزدى كەشىرىپ+، ٴبىزدى ٶز مەنشىگىڭ ەتە كور»،— دەدى. 10 سوندا قۇدايدىڭ ايتقان جاۋابى مىناۋ بولدى: «مەن مىناداي كەلىسىم جاسايمىن: بۇكىل حالقىڭنىڭ كوز الدىندا بۇرىن-سوڭدى جەر بەتىندە، ەشبىر حالىقتىڭ الدىندا جاساماعان كەرەمەتتەر ىستەيمىن+. اينالاڭدا تۇراتىن حالىقتاردىڭ ٴبارى ەحوبانىڭ ٸسىن كورەدى. مەن سەندەردىڭ بويلارىڭدا قاستەرلەۋ سەزىمىن وياتاتىن ىستەر جاسايمىن+.
11 سەن بۇگىن وزىڭە بۇيىرعانىمنىڭ ٴبارىن ورىندا+. مىنە، مەن الدىڭنان امورلىقتاردى، قاناحاندىقتاردى، حەتتىكتەردى، پەرەزدىكتەردى، حەۆتىكتەر مەن ەبۋستىكتەردى قۋىپ شىعامىن+. 12 بايقا، ٶزىڭ بارا جاتقان سول جەردىڭ تۇرعىندارىمەن كەلىسىم جاساۋشى بولما+! ايتپەسە بۇل سەن ٷشىن تۇزاق بولادى+. 13 ولاردىڭ قۇرباندىق ورىندارىن بۇزىپ، قاسيەتتى تاس باعانالارىن* قيراتىپ، قاسيەتتى اعاش باعانالارىن* شاۋىپ تاستا+. 14 باسقا قۇدايعا تابىنبا+، ويتكەنى ەحوبا — وزىنە قالتقىسىز بەرىلۋدى تالاپ ەتەتىن* قۇداي. ٴيا، ول — وزىنە قالتقىسىز بەرىلۋدى تالاپ ەتەتىن قۇداي+. 15 بايقا، سول جەردىڭ تۇرعىندارىمەن كەلىسىم جاساپ جۇرمە، ويتكەنى ولار ٶز قۇدايلارىمەن ازعىندىق جاساپ، سولارعا قۇرباندىقتار اكەلەدى+. سوندا ارالارىنان بىرەۋى سەنى شاقىرعاندا، قۇرباندىقتارىنان جەپ جۇرەرسىڭ+. 16 سول كەزدە ساعان ولاردىڭ قىزدارىن ۇلدارىڭا الىپ بەرۋگە تۋرا كەلەدى+. قىزدارى ٶز قۇدايلارىمەن ازعىندىق جاساپ، ۇلدارىڭدى دا سوعان ازعىراتىن بولادى+.
17 بالقىتىپ قۇيىپ، وزىڭە تاڭىرلەر جاساما+.
18 اشىماعان نان مەيرامىن اتاپ ٶت+. ساعان بۇيىرعانىمداي، ابيب* ايىنىڭ بەلگىلەنگەن كەزىندە جەتى كۇن بويى اشىتقىسىز پىسىرىلگەن نان جە، ويتكەنى مىسىردان ابيب ايىندا شىققانسىڭ+.
19 قۇرساقتان شىققان تۇڭعىش ۇلدارىڭ مەنىكى+، مالىڭنىڭ العاش تۋىلعان ەركەك ٴتولى دە، بۇزاۋ نە قوزى بولسىن، مەنىكى+. 20 ەسەكتىڭ العاشقى ٴتولىنىڭ قۇنىن قويمەن وتەپ ال. ەگەر ولاي ەتپەسەڭ، ونىڭ موينىن ٷز. ٵربىر تۇڭعىش ۇلدىڭ دا قۇنىن وتەپ ال+. ەشكىم مەنىڭ الدىما قۇرالاقان كەلمەسىن.
21 التى كۇن جۇمىس ىستەپ، جەتىنشى كۇنى دەمال+. جەر جىرتۋ مەن ەگىن جيناۋ مەرزىمىندە دە سول كۇنى دەمالاتىن بول.
22 بيدايدىڭ العاشقى ٶنىمىن جيناعاندا، اپتالار مەيرامىن* تويلا. ال جىل سوڭىندا سابانتوي مەيرامىن* وتكىز+.
23 ەر ادامدارىڭنىڭ ٴبارى جىلىنا ٷش رەت يەلەرىڭ ٵرى يسرايلدىڭ قۇدايى ەحوبانىڭ الدىنا كەلسىن+. 24 مەن الدىڭنان باسقا حالىقتاردى قۋىپ شىعىپ+، شەگاراڭدى كەڭەيتەمىن. جىلىنا ٷش رەت ەحوبا قۇدايىڭنىڭ الدىنا بارعان كەزدە، ەشكىم دە جەرىڭدى تارتىپ الۋعا تىرىسپايدى.
25 ماعان شالىنعان قۇرباندىقتىڭ قانىن اشىتىلعان ەش نارسەمەن قوسىپ ۇسىنبا+. قۇتقارىلۋ مەيرامىندا شالىنعان مال ەتى تاڭ اتقانشا قالىپ قويماسىن+.
26 جەرىڭنەن جيناعان العاشقى ٶنىمنىڭ ەڭ جاقسىسىن ەحوبا قۇدايىڭنىڭ ۇيىنە الىپ كەل+.
لاقتىڭ ەتىن ەنەسىنىڭ سۇتىنە پىسىرمە+».
27 سوسىن ەحوبا مۇساعا: «وسى سوزدەردى جازىپ قوي+، سەبەبى سەنىمەن جانە يسرايل حالقىمەن وسى سوزدەردىڭ نەگىزىندە كەلىسىم جاسايمىن+»،— دەدى. 28 مۇسا 40 كۇن، 40 ٴتۇن بويى ەحوبانىڭ قاسىندا بولىپ، نان دا جەمەدى، سۋ دا ىشپەدى+. ول* تاس تاقتاشاعا كەلىسىمنىڭ سوزدەرىن، ون زاڭدى*، جازدى+.
29 مۇسا قولىنا ەكى كۋالىك تاقتاشانى ۇستاپ، سيناي تاۋىنان ٴتۇستى+. ول قۇدايمەن سويلەسكەندىكتەن، بەت-ٴجۇزى نۇر شاشىپ جارقىراپ تۇردى، ٴبىراق مۇنى ٶزى بىلگەن جوق. 30 حارون مەن بۇكىل يسرايلدىكتەر مۇسانى كورگەندە، ونىڭ ٴجۇزى نۇر شاشىپ تۇردى، سوندىقتان قاسىنا جاقىنداۋعا باتىلدارى بارمادى+.
31 ٴبىراق مۇسا شاقىرعان سوڭ، حارون مەن كۇللى قاۋىم باسشىلارى ونىڭ قاسىنا كەلدى. سوندا مۇسا ولارمەن سويلەستى. 32 بۇدان كەيىن يسرايلدىكتەردىڭ ٴبارى جاقىندادى. مۇسا ولارعا ەحوبانىڭ سيناي تاۋىندا بەرگەن بۇيرىقتارىن تۇگەل جەتكىزدى+. 33 ولارمەن سويلەسىپ بولعان سوڭ، مۇسا بەتىن پەردەمەن جاۋىپ الاتىن+. 34 ٴبىراق ەحوبامەن تىلدەسۋ ٷشىن ونىڭ الدىنا كىرگەن سايىن، پەردەسىن الىپ تاستايتىن+. سوسىن سىرتقا شىعىپ، قۇدايدان العان بۇيرىقتارىن يسرايلدىكتەرگە جەتكىزەتىن+. 35 سول كەزدە ولار مۇسانىڭ بەت-ٴجۇزى نۇر شاشىپ تۇرعانىن كورەتىن. ول قۇدايمەن تىلدەسۋگە كىرگەنگە دەيىن ٴجۇزىن پەردەمەن جاۋىپ الاتىن+.