ۋاعىزداۋشى
4 تاعى دا كوز سالىپ، جارىق كۇن استىندا جاسالىپ جاتقان ٴتۇرلى زورلىق-زومبىلىققا نازار اۋداردىم. سوندا قانالعانداردىڭ كوز جاسىن، ال ولاردى جۇباتاتىن ەشكىمنىڭ جوق ەكەنىن كوردىم+. قاناۋشىلاردىڭ قولىندا بيلىك بولعاندىقتان، قانالعاندارعا جانى اشىپ، جۇباتاتىن ەشكىم تابىلمادى. 2 سوندا مەن ٴتىرى جۇرگەن ادامنان گورى ومىردەن وتكەن ادامنىڭ جاعدايى جاقسى ەكەن دەپ وي ٴتۇيدىم+. 3 ال دۇنيەگە ٵلى كەلمەگەننىڭ جاعدايى سول ەكەۋىنە قاراعاندا الدەقايدا ارتىق ەكەن+. ويتكەنى ول جارىق كۇن استىندا جاسالىپ جاتقان زۇلىم ىستەردى كورگەن جوق+.
4 سونداي-اق جانتالاسىپ، بار ونەرىن سالىپ ەڭبەكتەنۋ ادامدار اراسىندا باقتالاستىق تۋدىراتىنىن كوردىم+. بۇل دا جەلدىڭ سوڭىنان قۋعانداي بوس اۋرەشىلىك ەكەن.
5 اقىماق ەكى قولىن قۋسىرىپ، اشتان ولەدى*+.
6 تىنىمسىز ەڭبەكتەنىپ*، جەلدىڭ سوڭىنان قۋعانشا، ازىراق تىنىعىپ العان* ارتىق+.
7 مەن جارىق كۇن استىنداعى تاعى ٴبىر بوس اۋرەشىلىككە نازار سالدىم. 8 جالعىزباستى، قاسىندا سەرىگى جوق ادام بولادى. ونىڭ نە ۇلى، نە باۋىرى جوق، سوندا دا ول تىنباي ەڭبەك ەتەدى. ٴبىراق بايلىققا كوزى ەش تويمايدى+. ايتسە دە ىشتەي: «ٶمىردىڭ قىزىعىنان قالىپ، كىم ٷشىن اۋىر ەڭبەكتەنىپ ٴجۇرمىن؟»— دەپ ويلانادى+. بۇل دا بوس اۋرەشىلىك جانە قۋ تىرشىلىك ەكەن+.
9 جالعىز بولعاننان ەكەۋ بولعان جاقسى+، ويتكەنى بىرىگىپ اتقارعان ەڭبەكتەرىنىڭ يگى جەمىسىن كورەدى. 10 بىرەۋى قۇلاسا، ەكىنشىسى دەمەپ تۇرعىزادى. ال قۇلاعاندا تۇرعىزاتىن ەشكىمى جوق اداممەن نە بولماق؟
11 ونىڭ ۇستىنە، ەكەۋ بولىپ جاتسا، جىلىنادى. ال جالعىز ادام قالاي جىلىنباق؟ 12 جالعىز ادامدى بىرەۋ جەڭە الار، ال ەكى ادام وعان قارسى تۇرا الادى. ٷش قابات ٴجىپ وڭايلىقپەن ۇزىلمەس.
13 قارت بولسا دا، ەسكەرتۋدى ەلەمەيتىن اقىلسىز پاتشادان+ گورى جارلى بولسا دا، اقىلدى جاس جىگىت ارتىق+. 14 ويتكەنى ول پاتشالىقتا جارلى بولىپ تۋىلسا دا+، پاتشا بولۋ ٷشىن تۇرمەدەن شىقتى+. 15 جارىق كۇن استىندا جۇرگەندەردىڭ ٴبارىن، سونداي-اق پاتشانىڭ ورنىن باسقان جاس جىگىتپەن نە بولاتىنىن كوردىم. 16 ونىڭ جاقتاستارى سانسىز كوپ بولعانىمەن، كەيىنگىلەر وعان ريزا بولمايدى+. بۇل دا جەلدىڭ سوڭىنان قۋعانداي بوس اۋرەشىلىك ەكەن.