قورىنتتىقتارعا 1-حات
11 مەن ماسىحكە ەلىكتەگەندەي، سەندەر دە ماعان ەلىكتەڭدەر+.
2 بارلىق جاعدايدا مەنى ەستەن شىعارماي، وزدەرىڭە قالدىرعان داستۇرلەردى ۇستانىپ جۇرگەندەرىڭ ٷشىن سەندەردى ماقتايمىن. 3 ەندى مىنانى دا بىلگەندەرىڭدى قالايمىن: ٵربىر ەركەكتىڭ باسى — ٴماسىح+، ايەلدىڭ باسى — ەركەك+، ال ٴماسىحتىڭ باسى — قۇداي+. 4 دۇعا نە پايعامبارلىق ايتقاندا، باسىن جاباتىن ەر كىسى ٶز باسىن ۇياتقا قالدىرادى. 5 سونداي-اق دۇعا نە پايعامبارلىق ايتقاندا+، باسىن جاپپايتىن ايەل ٶز باسىن* ۇياتقا قالدىرادى. سەبەبى بۇل شاشىن تاقىرلاپ الىپ تاستاعان* ايەل سياقتى بولعانمەن تەڭ. 6 ەگەر ايەل باسىن جاپپايتىن بولسا، وندا شاشىن قىرقىپ تاستاسىن. ال ايەل ٷشىن شاشىن قىرقىپ نە تاقىرلاپ الىپ تاستاعانى ۇيات بولسا، باسىن جاپسىن.
7 ەر كىسى باسىن جاپپاۋ كەرەك، ويتكەنى ول — قۇدايدىڭ بەينەسى+ ٵرى داڭقى، ال ايەل — ەر كىسىنىڭ داڭقى. 8 ەركەك ايەلدىڭ ەمەس، ايەل ەركەكتىڭ دەنەسىنەن جاراتىلعان+. 9 ونىڭ ۇستىنە، ەركەك ايەل ٷشىن ەمەس، ايەل ەركەك ٷشىن جاراتىلعان+. 10 سوندىقتان ايەل باعىنىشتى ەكەنىنىڭ بەلگىسى رەتىندە پەرىشتەلەر ٷشىن+ باسىن جابۋى كەرەك.
11 دەسە دە يەمىزدىڭ ٸزباسارلارىنىڭ اراسىندا ايەل ەركەكتەن، ال ەركەك ايەلدەن دەربەس ەمەس. 12 ايەل ەركەكتىڭ دەنەسىنەن جارالعان+، ال ەركەك ايەلدەن تۋىلادى، ٴبىراق ٴبارىن قۇداي جاراتقان+. 13 وزدەرىڭ اقىلعا سالىڭدارشى، قۇدايعا دۇعا ەتكەندە، ايەلدىڭ جالاڭباس بولعانى ورىندى ما؟ 14 ەر كىسىنىڭ شاشى ۇزىن بولعانى ۇيات ەكەنىن تابيعاتتىڭ ٶزى ۇيرەتەدى ەمەس پە؟ 15 ال ايەلدىڭ شاشى ۇزىن بولعانى ماقتانىشى ەمەس پە؟ ۇزىن شاش ايەلگە ورامال ورنىنا بەرىلگەن. 16 ال ەگەر بىرەۋ باسقا ٴبىر سالتتى العا تارتىپ، تالاسقىسى كەلسە، بىزدە دە، قۇدايدىڭ قاۋىمىندا دا باسقا سالت جوق.
17 بۇل نۇسقاۋلاردى سەندەردى ماقتاۋ ٷشىن بەرىپ وتىرعان جوقپىن، سەبەبى جينالىستارىڭنىڭ پايداسىنان گورى زيانى كوپ ەكەن. 18 ەستۋىمشە، جينالىسقا كەلگەندە، جىككە بولىنەدى ەكەنسىڭدەر، بۇعان بەلگىلى ٴبىر شامادا سەنەمىن دە. 19 كىمنىڭ قۇدايعا ۇنامدى ەكەنى كورىنۋ ٷشىن، ارالارىڭدا سەكتالاردىڭ دا پايدا بولارى ٴسوزسىز+.
20 جينالعاندارىڭدا، يەمىزدىڭ كەشكى اسى+ لايىقتى تۇردە جەلىنبەيدى ەكەن. 21 ويتكەنى ونى جەيتىن ۋاقىت كەلمەس بۇرىن، اركىم ٶز اسىن ٸشىپ-جەپ الادى ەكەن دە، قايسىبىرەۋ اش قالىپ، ال وزگە بىرەۋ ماس بولادى ەكەن. 22 ٸشىپ-جەۋگە ٶز ۇيلەرىڭ بار ەمەس پە؟ الدە قۇدايدىڭ قاۋىمىن مەنسىنبەي، تۇگى جوقتاردى ۇيالتقىلارىڭ كەلە مە؟ سەندەرگە نە دەسەم ەكەن؟ ماقتايىن با؟ جوق، بۇل ٷشىن ماقتامايمىن!
23 مەن يەمىزدەن قابىل العانىمدى سەندەرگە دە ۇيرەتتىم: يەمىز يسا وزىنە وپاسىزدىق جاسالاتىن ٴتۇنى+ قولىنا نان الىپ، 24 العىس ايتتى دا، سىندىرىپ، بىلاي دەدى: «بۇل سەندەر ٷشىن ۇسىنىلاتىن دەنەمدى بىلدىرەدى+. مەنى ەسكە الۋ ٷشىن وسىلاي ىستەپ تۇرىڭدار»+. 25 كەشكى استان كەيىن توستاعاندى دا الىپ+: «مىنا توستاعان مەنىڭ توگىلەتىن قانىما نەگىزدەلگەن جاڭا كەلىسىمدى+ بىلدىرەدى+. مەنى ەسكە الىپ، ودان ىشكەن سايىن، وسىلاي ەتىڭدەر+»،— دەدى. 26 سەندەر وسى ناندى جەپ، توستاعاننان ىشكەن سايىن، يەمىز كەلگەنشە، ونىڭ ٶلىمىن جاريالايسىڭدار.
27 سوندىقتان كىمدە-كىم لايىقسىز تۇردە يەمىزدىڭ نانىن جەپ، توستاعانىنان ىشسە، يەمىزدىڭ دەنەسى مەن قانىنا قارسى كۇنا جاسايدى. 28 ناننان جەپ، توستاعاننان ىشپەس بۇرىن، اركىم سوعان لايىق پا، جوق پا — كوز جەتكىزىپ السىن+. 29 ال دەنەنىڭ نەنى بىلدىرەتىنىن تۇسىنبەي جەيتىن جانە ىشەتىن ادام وزىنە ۇكىم شىعارادى. 30 سوندىقتان ارالارىڭدا السىزدەر مەن اۋرۋلار كوپ، ٴبىرازىڭ ٶلىم ۇيقىسىندا جاتىرسىڭدار*+. 31 ەگەر ٶزىمىزدى تەكسەرسەك، بىزگە ۇكىم شىعارىلماس ەدى. 32 ال ۇكىم شىعارىلسا، ٴبىزدى ەحوبا تۇزەتەدى+. ول مۇنى ٴبىز وسى دۇنيەمەن بىرگە ايىپتالماۋىمىز ٷشىن ىستەيدى+. 33 سول سەبەپتى، باۋىرلاستارىم، وسى استى جەۋگە جينالعاندا، ٴبىر-ٴبىرىڭدى كۇتىڭدەر. 34 ال كىم اش بولسا، ۇيىندە تاماقتانسىن. وسىلايشا جينالعاندا، وزدەرىڭە ۇكىم شىعارۋ+ ٷشىن جينالمايسىڭدار. قالعان ماسەلەلەردى وزدەرىڭە بارعاندا رەتتەيمىن.