ۋاعىزداۋشى
11 نانىڭدى سۋعا اعىز+، سەبەبى كوپ كۇننەن كەيىن ونى قايتا تاباسىڭ+. 2 وزىڭدە باردى جەتى، ٴتىپتى سەگىز اداممەن ٴبولىس+، ويتكەنى جەر بەتىندە قانداي اپات بولاتىنىن بىلمەيسىڭ.
3 بۇلتتار سۋعا تولسا، جەرگە نوسەرلەپ جاۋىن جاۋار. اعاش كۇنگەيگە نە تەرىسكەيگە قۇلاسا، سول قۇلاعان جەرىندە جاتا بەرەر.
4 جەل باققان تۇقىم سەپپەس، بۇلت اڭدىعان ٶنىم جيناماس+.
5 جۇكتى ايەلدىڭ قۇرساعىنداعى بالانىڭ سۇيەكتەرىندە رۋحتىڭ قالاي ارەكەت ەتەتىنىن بىلمەيتىنىڭدەي+، ٴبارىن جاسايتىن قۇدايدىڭ دا ىستەرىن بىلمەيسىڭ+.
6 تۇقىمىڭدى تاڭەرتەڭ سەپ، كەشكە دەيىن دە قولىڭ تىنىم تاپپاسىن+. ويتكەنى قايسىسىنىڭ ٶنىپ شىعاتىنىن: اناۋى ما، مىناۋى ما، الدە ەكەۋى دە مە — مۇنى بىلمەيسىڭ.
7 جارىق جاعىمدى، كوزدىڭ كۇن نۇرىن كورگەنى دە قانداي عانيبەت! 8 ەگەر ادام كوپ جاساسا، ٵربىر كۇنىنە قۋانسىن+. ٴبىراق ول قاراڭ كۇندەردىڭ دە كوپ بولاتىنىن ۇمىتپاسىن. الداعى كۇندەردىڭ ٴبارى — بوس اۋرەشىلىك+.
9 ۋا، بوزبالا، جاستىق شاعىڭدا قۋان؛ جاس كۇنىڭدە جۇرەگىڭ شاتتىققا تولسىن. جۇرەگىڭ قالاعان، كوزىڭ كورگەن نارسەنى ىستە. ٴبىراق وسىنىڭ ٴبارى ٷشىن قۇداي الدىندا جاۋاپ بەرەتىنىڭدى ٴبىلىپ ٴجۇر+. 10 سوندىقتان مازالايتىن نارسەلەردى جۇرەگىڭنەن الاستات، زياندى نارسەلەردى تانىڭە جولاتپا. سەبەبى جاستىق كەز بەن البىرت شاق — بوس اۋرەشىلىك+.