عالاتتىقتارعا
6 باۋىرلاستار، ەگەر بىرەۋ ٶزى اڭداماي شالىس قادام جاساپ جاتسا، رۋحاني تولىسقان سەندەر مۇنداي ادامدى جۇمساقتىقپەن تۇزەتىڭدەر+. ٴبىراق وزدەرىڭ دە ازعىرىلىپ قالماۋ ٷشىن+، مۇنى ساقتىقپەن ىستەڭدەر+. 2 ٴبىرىڭنىڭ اۋىرتپالىعىڭدى ەكىنشىڭ كوتەرىسىڭدەر+، وسىلاي ٴماسىحتىڭ زاڭىن ورىندايسىڭدار+. 3 كىم شىن مانىندە ەشكىم ەمەس بولا تۇرا، ٶزى تۋرالى جوعارى ويدا بولسا+، ٶز-ٶزىن الدايدى. 4 اركىم ٶز ٸس-ارەكەتىن تەكسەرسىن+، سوندا ٶزىن باسقالارمەن سالىستىرماي+، ٶز ىستەرىنە قۋانادى. 5 سەبەبى اركىم ٶز جۇگىن ٶزى كوتەرەدى*+.
6 بۇعان قوسا، قۇداي سوزىنەن ٴتالىم العان اركىم وزىنە وسىنداي ٴتالىم بەرگەن اداممەن بار يگىلىگىمەن ٴبولىسسىن+.
7 الدانباڭدار! قۇداي ٶزىن مازاقتاتىپ قويمايدى. ادام نە ەكسە، سونى ورادى+: 8 ٴتان قۇمارلىعىن ويلاپ سەپكەن ادام سودان تۋاتىن ٶلىمدى ورادى*. ال قۇداي رۋحىن ويلاپ سەپكەن ادام سول رۋح بەرەتىن ماڭگىلىك ٶمىردى ورادى+. 9 جاقسىلىق جاساۋدان ەش تالمايىق. سەبەبى شارشاپ قالماساق، ٶز ۋاقىتىندا ونىڭ ٶنىمىن ورامىز+. 10 ولاي بولسا، مۇمكىندىك باردا بارىنە، اسىرەسە سەنىمى ٴبىر باۋىرلاستارعا، جاقسىلىق جاساي بەرەيىك.
11 قاراڭدارشى، سەندەرگە ٶز قولىممەن، ۇلكەن ارىپتەرمەن جازىپ وتىرمىن.
12 ادامدارعا جاعىنۋدى قالايتىندار سەندەردى سۇندەتتەلۋگە ماجبۇرلەگىسى كەلەدى. ولاردىڭ بار ويى — ايتەۋىر ٴماسىحتىڭ ازاپ باعاناسى* ٷشىن قۋدالانباۋ. 13 سۇندەتتەلەتىندەردىڭ ٶزى زاڭدى ۇستانبايدى+، ٴبىراق سەندەردىڭ سۇندەتتەلگەندەرىڭدى ماقتان تۇتۋ ٷشىن، وسى ٴراسىمدى جاساعاندارىڭدى قالايدى. 14 ال مەن يەمىز يسا ٴماسىحتىڭ ازاپ باعاناسىنان باسقا ەشتەڭەگە ماقتانعىم كەلمەيدى+. ٴماسىح ارقىلى وسى دۇنيە مەن ٷشىن، ال مەن وسى دۇنيە ٷشىن ٶلدىم. 15 ويتكەنى ماڭىزدىسى — سۇندەتتەلۋ نە سۇندەتتەلمەۋ ەمەس+، جاڭا جاراتىلىس بولۋ+. 16 وسى ەرەجەگە ساي ٶمىر سۇرەتىندەردىڭ بارىنە، ياعني قۇدايدىڭ يسرايلىنە+، تىنىشتىق بولىپ، مەيىرىمدىلىك جاۋسىن!
17 بۇدان بىلاي ماعان ەشكىم قيىنشىلىق تۋدىرماسىن، ويتكەنى دەنەمدە ٴماسىحتىڭ قۇلى ەكەنىمدى كورسەتەتىن تاڭبالار بار+.
18 باۋىرلاستار، تانىتىپ جاتقان جاقسى رۋحتارىڭ ٷشىن يەمىز يسا ٴماسىح راقىمىن جاۋدىرسىن! اۋمين.