تىموتەگە 1-حات
1 قۇتقارۋشى قۇدايىمىزدىڭ جانە ٷمىتىمىزدىڭ نەگىزى ٴماسىح يسانىڭ+ بۇيرىعىمەن ٴماسىح يسانىڭ ەلشىسى بولعان مەن، پاۋىل، 2 سەنىم جولىنداعى شىنايى بالام+ تىموتەگە*+ جازىپ وتىرمىن.
قۇداي اكەمىز بەن يەمىز ٴماسىح يسا ساعان راقىمىن، مەيىرىمى مەن تىنىشتىعىن سيلاسىن!
3 ماكەدونياعا كەتىپ بارا جاتقانىمدا تالپىندىرعانىمداي، سەنى تاعى تالپىندىرىپ وتىرمىن: ەفەستە قالىپ، جالعان ٸلىم تاراتىپ جۇرگەندەرگە، 4 اڭىزدار+ مەن شەجىرەلەرگە كوپ كوڭىل بولەتىندەرگە تيىم سال. مۇنداي نارسەلەردىڭ ەش پايداسى جوق+، تەك ٴتۇرلى بولجامدار تۋدىرادى. بۇلار قۇدايدىڭ سەنىمدى نىعايتۋ ٷشىن بەرىپ جاتقان نارسەلەرىنە جاتپايدى. 5 ال مەن بەرگەن نۇسقاۋدىڭ ماقساتى — پاك جۇرەك، تازا ار-ۇجدان مەن شىنايى سەنىمنەن+ باستاۋ الاتىن سۇيىسپەنشىلىك وياتۋ+. 6 كەيبىرەۋلەر بۇلاردان باس تارتىپ، بوس اڭگىمەلەرگە بەرىلىپ كەتتى+. 7 ولار زاڭدى ۇيرەتەتىن ۇستاز بولعىسى كەلەدى+، ٴبىراق وزدەرى نە ايتىپ جاتقاندارىن دا، نەنى تابان تىرەسىپ دالەلدەپ جاتقاندارىن دا تۇسىنبەيدى.
8 ال ٴبىز، دۇرىس قولدانىلسا، زاڭنىڭ جاقسى ەكەنىن بىلەمىز. 9 ويتكەنى زاڭ ادىلدەر ٷشىن ەمەس، زاڭسىزدار+، بۇلىكشىلەر، قۇدايسىزدار، كۇناكارلار، وپاسىزدار*، قاسيەتتىنى اياقاستى ەتەتىندەر، اكەسىن نە شەشەسىن ولتىرەتىندەر، كىسى ولتىرۋشىلەر، 10 ازعىندار*، ەركەكقۇمار ەركەكتەر*، كىسى ۇرلاۋشىلار، وتىرىكشىلەر، انتبۇزعىشتار* جانە دۇرىس ىلىمگە قايشى كەلەتىن باسقا دا نارسەلەردى ىستەيتىندەر ٷشىن ورناتىلعانىن تۇسىنەمىز+. 11 بۇل دۇرىس ٸلىم باقىتتى قۇدايدىڭ ماعان سەنىپ تاپسىرعان ۇلى ىزگى حابارىنا+ ساي كەلەدى.
12 مەن يەمىز ٴماسىح يساعا ٴدان ريزامىن. ول ماعان كۇش-قۋات بەردى، ٵرى مەنى سەنىمدى دەپ تاۋىپ، ٶز قىزمەتىن سەنىپ تاپسىردى+. 13 ول مۇنى بۇرىن قۇدايعا ٴتىل تيگىزۋشى، قۋدالاۋشى، ارسىز* بولسام دا ىستەدى+. سوعان قاراماستان ماعان مەيىرىمدىلىك كورسەتىلدى، سەبەبى مەن سەنىمىم بولماعاندىقتان بىلمەستىكپەن وسىلاي ارەكەت ەتتىم. 14 ٴبىراق يەمىزدىڭ راقىمىن مولىنان كوردىم، سونداي-اق ٴماسىح يسا ارقىلى سەنىم مەن سۇيىسپەنشىلىككە كەنەلدىم. 15 مىنا سوزدەر سەنىم ارتۋعا تۇرارلىق، ٵرى ونى تولىق قابىلداۋ قاجەت: ٴماسىح يسا وسى دۇنيەگە كۇناكارلاردى قۇتقارۋ ٷشىن كەلدى+. سولاردىڭ ىشىندەگى ەڭ كۇناكارى مەنمىن+. 16 ايتسە دە بارىپ تۇرعان كۇناكار بولعان مەن ارقىلى ٶزىنىڭ شىدامدىلىعىن بارىنشا كورسەتۋ ٷشىن ٴماسىح يسا ماعان مەيىرىمدىلىك تانىتتى. وسىلاي وزىنە سەنىپ، ماڭگىلىك ومىرگە يە بولاتىندارعا+ مەنى ۇلگى ەتتى.
17 ماڭگىلىك پاتشا+، ەش قۇرىمايتىن+، كوزگە كورىنبەيتىن+، جالعىز قۇداي+ ماڭگى باقي قۇرمەتتەلىپ، دارىپتەلە بەرسىن! اۋمين.
18 تىموتە، بالام، بۇل نۇسقاۋدى وزىڭە قاتىستى ايتىلعان پايعامبارلىقتارعا سايكەس بەرىپ وتىرمىن. سول پايعامبارلىقتارعا ساي ىزگى كۇرەس جۇرگىز+، 19 مۇنى سەنىمىڭدى بەرىك، ار-ۇجدانىڭدى تازا ساقتاي وتىرىپ ىستە+. كەيبىرەۋلەر ار-ۇجداندارىنان بەزىپ، سەنىمدەرى اپاتقا ۇشىراعان كەمە سياقتى قيرادى. 20 سولاردىڭ اراسىندا يمەنەي+ مەن ەسكەندىر بار. مەن ولاردى جازالانىپ، قۇدايعا ٴتىل تيگىزبەۋدى ۇيرەنسىن دەپ شايتانعا تاپسىردىم+.