ەزەكيەل
18 ەحوبا تاعى دا ماعان ٴسوزىن ارناپ بىلاي دەدى: 2 «يسرايل ەلىندە ايتىلىپ جۇرگەن «قىشقىل ٴجۇزىم جەگەن — اكەلەرى، ال تىستەرى قامالعان — بالالارى» دەگەن نە قىلعان ماتەل+؟
3 الەمنىڭ ٵمىرشىسى ەحوبا مىنانى ايتادى: —ٶز اتىممەن انت ەتەمىن*، بۇل ماتەل يسرايل ەلىندە ەندى قايتىپ اۋىزعا الىنبايتىن بولادى. 4 ٴبىلىپ قويىڭدار، ٴتىرى جاننىڭ ٴبارى — اكەسى نە بالاسى بولسىن — ٴيا، ٵربىر جان مەنىكى! ال كۇنا جاساعان جان ولەدى.
5 ٴبىر ٵدىل ادام ادىلەتتى دە دۇرىس ارەكەت ەتەدى دەلىك: 6 ول توبەلەردە جالعان تاڭىرلەرگە ارنالعان قۇرباندىقتاردان جەمەيدى+، يسرايل ٷيىنىڭ جەركەنىشتى پۇتتارىنا ارقا سۇيەمەيدى، وزگەنىڭ ايەلىمەن دە+، ەتەككىرى كەلىپ جۇرگەن ايەلمەن دە جاقىنداسپايدى+؛ 7 ەشكىمنىڭ الا ٴجىبىن اتتامايدى+، بەرگەن قارىزى ٷشىن العان كەپىلىن قايتارىپ بەرەدى+، ۇرلىق جاسامايدى+، اش-جالاڭاش جۇرگەندەرگە تاماق+ پەن كيىم بەرەدى+؛ 8 بەرگەن قارىزى ٷشىن ٶسىم دە، ۇستەمە دە المايدى+، ادىلەتسىزدىكتەن اۋلاق جۇرەدى+، داۋلاسقاندارعا ٵدىل تورەلىك ايتادى+؛ 9 ادال ٴجۇرىپ-تۇرۋ ٷشىن مەنىڭ جارلىقتارىم مەن شەشىمدەرىمدى ۇستانادى. ٵدىل جان وسىنداي بولادى. ول مىندەتتى تۇردە ٶمىر سۇرەدى+. مۇنى ايتىپ وتىرعان — الەمنىڭ ٵمىرشىسى ەحوبا.
10 ٴبىراق ونىڭ ۇرلىقشى+ نە كىسى ٶلتىرۋشى+ نە مىنا نارسەلەردىڭ ٴبارىن ىستەيتىن بالاسى بار دەلىك: 11 (اكەسى بۇلاردىڭ ەشقايسىسىن ىستەمەسە دە) ول توبەلەردە جالعان تاڭىرلەرگە ارنالعان قۇرباندىقتاردان جەيدى، وزگەنىڭ ايەلىمەن جاقىنداسادى، 12 ٴمۇساپىر مەن جارلى-جاقىبايعا قىسىم جاسايدى+، جۇرتتى تونايدى، العان كەپىلىن قايتارمايدى، جەركەنىشتى پۇتتارعا ارقا سۇيەپ+، باسقا دا جەكسۇرىن ىستەر جاسايدى+، 13 بەرگەن قارىزى ٷشىن ٶسىم مەن ۇستەمە الادى+. مۇنداي ادام امان قالمايدى. جاساعان بارلىق جەركەنىشتى ىستەرى ٷشىن ول مىندەتتى تۇردە ولەدى، ٵرى قانى ٶز موينىندا بولادى.
14 تاعى ٴبىر جاعدايدى الايىق، اكەسىنىڭ جاساپ جۇرگەن كۇنالارىن كورسە دە، ٶزى وندايعا بارمايتىن بىرەۋ بار دەلىك. 15 ول توبەلەردە جالعان تاڭىرلەرگە ارنالعان قۇرباندىقتاردان جەمەيدى، يسرايل ٷيىنىڭ جەركەنىشتى پۇتتارىنا ارقا سۇيەمەيدى، وزگەنىڭ ايەلىمەن جاقىنداسپايدى؛ 16 ەشكىمنىڭ الا ٴجىبىن اتتامايدى، بەرگەن قارىزى ٷشىن العان كەپىلىن قايتارادى، ەشكىمدى تونامايدى، اش-جالاڭاش جۇرگەندەرگە تاماعى مەن كيىمىن بەرەدى؛ 17 جارلى-جاقىبايعا قىسىم جاسامايدى، قارىزدى ٶسىم مەن ۇستەمە الۋ ٷشىن بەرمەيدى، قايتا، مەنىڭ شەشىمدەرىم مەن جارلىقتارىمدى ۇستانادى. مۇنداي ادام اكەسى جاساعان كۇنانىڭ كەسىرىنەن ولمەيدى. ول مىندەتتى تۇردە ٶمىر سۇرەدى. 18 ال ونىڭ اكەسى الاياقتىق جاساپ، باۋىرىن توناپ، ٶز حالقىنىڭ اراسىندا بۇرىس قىلىق جاسادى، سوندىقتان ٶز كۇناسى ٷشىن ولەدى.
19 سەندەر: —نەگە اكەسىنىڭ كۇناسى ٷشىن ۇلى ايىپتالمايدى؟— دەپ سۇرارسىڭدار. ۇلى زاڭدى دا ٵدىل ارەكەت ەتىپ، مەنىڭ بارلىق جارلىقتارىمدى ۇستانىپ جۇرگەنى ٷشىن، مىندەتتى تۇردە ٶمىر سۇرەدى+. 20 كۇنا جاساعان جان بۇنىسى ٷشىن ٶزى ولەدى+. بالاسى اكەسىنىڭ، ال اكەسى بالاسىنىڭ كۇناسى ٷشىن ايىپتالمايدى. ٵدىل ادامعا ادىلدىگىنىڭ، ال زۇلىم ادامعا زۇلىمدىعىنىڭ قارىمتاسى بەرىلەدى+.
21 ٴبىراق ەگەر زۇلىم ادام جاساپ جۇرگەن كۇنالارىن تاستاپ، مەنىڭ جارلىقتارىمدى ورىنداسا ٵرى زاڭدى دا ٵدىل ارەكەت ەتەتىن بولسا، مىندەتتى تۇردە ٶمىر سۇرەدى. ول ولمەيدى+. 22 بۇرىن جاساعان كۇنالارىنىڭ ەشقايسىسى ەسكەرىلمەيدى+. ول جاساپ جۇرگەن ٵدىل ىستەرى ٷشىن ٶمىر سۇرەدى+.
23 الەمنىڭ ٵمىرشىسى ەحوبا مىنانى ايتادى: —مەنى زۇلىم ادامنىڭ ولىمىنە قۋانادى دەيسىڭدەر مە+؟ جوق، قايتا، تەرىس جولىنان قايتىپ، ٶمىر سۇرسە، سوعان قۋانامىن+.
24 ال ەگەر ٵدىل ادام ادىلدىگىنەن تايىپ، زۇلىمدار جاسايتىن جەركەنىشتى ىستەردى قايتالاپ، بۇرىس قىلىق جاساسا شە؟ ول ٶمىر سۇرە مە؟ ونىڭ ٵدىل ىستەرىنىڭ ەشقايسىسى ەسكە الىنبايدى+. وپاسىزدىعى مەن جاساعان كۇناسى ٷشىن ول ولەدى+.
25 سەندەر: —ەحوبانىڭ بۇلاي ەتكەنى ادىلدىككە جاتپايدى،— دەرسىڭدەر+. ەي، يسرايل ٷيى، سوزىمە قۇلاق سالىڭدارشى، مەنىڭ ەمەس+، سەندەردىڭ ىستەرىڭ ادىلدىككە جاتپايدى+!
26 ٵدىل ادام ادىلدىگىنەن تايىپ، جاساعان بۇرىس قىلىعى ٷشىن ولسە، ول ٶز ادىلەتسىزدىگى ٷشىن ولەدى.
27 زۇلىم ادام جاساپ جۇرگەن زۇلىمدىعىن قويىپ، ٵدىل دە دۇرىس ارەكەت ەتە باستاسا، ٶز جانىن ساقتاپ قالادى+. 28 ول زاڭسىزدىقتارىنىڭ ٴبارىن مويىنداپ، سولاي ەتۋىن قويسا، مىندەتتى تۇردە ٶمىر سۇرەدى. ول ولمەيدى.
29 يسرايل ٷيى: —ەحوبانىڭ بۇلاي ەتكەنى ادىلدىككە جاتپايدى،— دەيدى. ەي، يسرايل ٷيى، مەنىڭ ەمەس، سەندەردىڭ ىستەرىڭ ادىلدىككە جاتپايدى+!
30 الەمنىڭ ٵمىرشىسى ەحوبا مىنانى ايتادى: —ەي، يسرايل ٷيى، مەن ٴارقايسىسىڭا ىسىڭە قاراي ۇكىم شىعارامىن+. ماعان بەت بۇرىڭدار، ٴيا، بارلىق زاڭسىزدىقتارىڭنان ارىلىپ، ماعان بەت بۇرىڭدار. زاڭسىزدىقتارىڭ سۇرىندىرەتىن تاس بولىپ، سەندەردى ايىپتى ەتپەسىن. 31 جاساعان زاڭسىزدىقتارىڭنىڭ بارىنەن ارىلىپ+، جاڭا جۇرەك پەن جاڭا رۋحقا يە بولىڭدار+. ەي، يسرايل ٷيى، وزدەرىڭدى ولىمگە دۋشار ەتىپ قايتەسىڭدەر+؟
32 الەمنىڭ ٵمىرشىسى ەحوبا مىنانى ايتادى: —مەن ەشكىمنىڭ دە ولىمىنە قۋانبايمىن+. سوندىقتان ماعان بەت بۇرىڭدار دا، ٶمىر سۇرىڭدەر+».