شەجىرەلەر 2-جازبا
23 جەتىنشى جىلى ەحوداي باتىل ارەكەت ەتىپ، كەلەسى ٴجۇزباسىلارمەن كەلىسىم جاساستى+: ەروحام ۇلى ازارياح، جوحانان ۇلى ىسماعۇل، عابيت ۇلى ازارياح، اداياح ۇلى ماعاسەياح، زيحري ۇلى ەليشاپات. 2 وسى ٴجۇزباسىلار ياھۋدا ەلىن ارالاپ، بارلىق قالالارداعى لەۋىلىكتەر+ مەن يسرايل ٷيىنىڭ اۋلەتباسىلارىن جينالۋعا شاقىردى. ولار يەرۋساليمگە كەلگەندە، 3 كۇللى قاۋىم شىنايى قۇدايدىڭ ۇيىندە پاتشامەن كەلىسىم جاساستى+. بۇدان كەيىن ەحوداي بىلاي دەدى: «ەحوبانىڭ ٴداۋىتتىڭ ۇلدارىنا قاتىستى بەرگەن ۋادەسىنە ساي، ەندى پاتشا ۇلى بيلىك قۇرادى+. 4 سەندەر بىلاي ەتىڭدەر: ٴدىني قىزمەتكەرلەر مەن لەۋىلىكتەر ٷش توپقا ٴبولىنىپ، ٴبىر توبى+ دەمالىس كۇنى قاقپانى كۇزەتسىن+. 5 كەلەسى توپ پاتشانىڭ ٷيىن+، ال سوڭعى توپ ىرگەتاس قاقپاسىن كۇزەتسىن. بۇكىل حالىق بولسا ەحوبانىڭ ٷيىنىڭ اۋلالارىندا تۇرسىن+. 6 ەحوبانىڭ ۇيىنە سوندا قىزمەت ەتەتىن ٴدىني قىزمەتكەرلەر مەن لەۋىلىكتەردەن+ باسقا ەشكىم جىبەرىلمەسىن. ال ولار كىرە بەرسىن، ويتكەنى ولار قاسيەتتى قىزمەت اتقارۋعا تاعايىندالعان. قالعان حالىق سىرتتا تۇرىپ، ەحوبانىڭ الدىنداعى مىندەتتەرىن ورىنداسىن. 7 لەۋىلىكتەر قولدارىنا قارۋلارىن الىپ، پاتشانى اينالدىرا قورشاپ تۇرۋلارى كەرەك. ۇيگە كىرمەك بولعان كەز كەلگەن ادامدى ولتىرىڭدەر! پاتشا قايدا بارماسىن، ودان ٴبىر ەلى قالماڭدار!»
8 لەۋىلىكتەر مەن كۇللى ياھۋدا ٴدىني قىزمەتكەردىڭ بۇيرىعىن ەكى ەتپەي ورىندادى. ولار دەمالىس كۇنى كۇزەتكە تۇسكەن جانە سول كۇنى كۇزەتتەن شىققان ادامدارىن جيناپ الدى+. ويتكەنى ٴدىني قىزمەتكەر ەحوداي توپتاردىڭ+ ەشقايسىسىن قىزمەتتەرىنەن بوساتپاعان ەدى. 9 ول ٴجۇزباسىلارعا+ شىنايى قۇدايدىڭ ۇيىندە+ ساقتاۋلى تۇرعان ٴداۋىت پاتشانىڭ نايزالارى مەن قالقاندارىن+ بەردى. 10 سوسىن قولدارىنا قارۋ ۇستاعان جۇرتتى ورىن-ورنىنا تۇرعىزدى. ولار ٷيدىڭ وڭ جاق قاناتىنان سول جاق قاناتىنا قاراي قۇرباندىق وشاعى مەن ٷيدى بويلاي پاتشانى ورتاعا الىپ تۇردى. 11 بۇدان كەيىن ولار پاتشا ۇلىن+ الىپ شىعىپ، ٴتاج كيگىزدى دە، توبەسىنە كەلىسىمدى*+ قويىپ، ونى پاتشا ەتتى. ەحوداي مەن ونىڭ ۇلدارى بولسا وعان ماي جاقتى. سوسىن بارلىعى: «پاتشا مىڭ جاساسىن+!»— دەپ جار سالدى.
12 اتاليا پاتشانى ماداقتاپ جۇگىرىپ جۇرگەن جۇرتتىڭ ايعايىن ەستي سالا، جينالعان حالىق اراسىنا، ەحوبانىڭ ۇيىنە كەلدى+. 13 ول كىرەبەرىستەگى باعانانىڭ قاسىندا تۇرعان پاتشانى كوردى. قاسىندا بەكزادالار+ مەن كەرنەيشىلەر تۇر ەكەن. جينالعانداردىڭ ٴبارى قۋانىپ+، كەرنەي تارتىپ جاتتى. قاستارىندا باسقارۋشىلاردىڭ جەتەكشىلىگىمەن ساز اسپاپتاردا ويناپ، ماداق ايتىپ جاتقان ٵنشى-كۇيشىلەر دە تۇردى. سوندا اتاليا كيىمىنىڭ ٶڭىرىن ايىرىپ جىبەرىپ: «قاستاندىق، قاستاندىق جاسالدى!»— دەپ ايعايلادى. 14 ٴدىني قىزمەتكەر ەحوداي اسكەر ۇستىنەن قويىلعان ٴجۇزباسىلارعا: «اتاليانى جۇرت اراسىنان الىپ شىعىڭدار! كىم ونىڭ سوڭىنان ەرسە، سەمسەرمەن ولتىرىڭدەر!»— دەپ بۇيىردى. بۇدان الدىن ول: «ونى ەحوبانىڭ ۇيىندە ولتىرمەڭدەر»،— دەپ تاپسىرعان ەدى. 15 الگىلەر اتاليانى ۇستاپ الىپ، پاتشا سارايىنىڭ جىلقى قاقپاسىنىڭ الدىنا اكەلىپ، سول جەردە ٶلتىردى.
16 بۇدان كەيىن ەحوداي ەحوبانىڭ حالقى بولىپ قالا بەرۋگە قاتىستى بۇكىل حالىقپەن جانە پاتشامەن ٶزارا كەلىسىم جاساستى+. 17 سوسىن كۇللى حالىق باعالدىڭ عيباداتحاناسىنا كەلىپ، ونى قيراتىپ تاستادى+. ولار باعالعا ارنالعان قۇرباندىق ورىندارى مەن ونىڭ مۇسىندەرىنىڭ دە تاس-تالقانىن شىعاردى+. ال باعالدىڭ ابىزى ماتاندى قۇرباندىق ورىندارىنىڭ الدىندا ٶلتىردى+. 18 بۇدان كەيىن ەحوداي ٴدىني قىزمەتكەرلەر مەن لەۋىلىكتەرگە ەحوبانىڭ ٷيىن كۇتىپ ۇستاۋدى تاپسىردى. كەزىندە ٴداۋىت ولاردى مۇسا زاڭىندا جازىلعانداي+، ەحوبانىڭ ۇيىندە ەحوباعا ارناپ تۇگەل ورتەلەتىن قۇرباندىقتار شالۋ ٷشىن توپتارعا بولگەن ەدى+. سونداي-اق ولار ٴداۋىتتىڭ نۇسقاۋىنا ساي، قۋانا ٵن شىرقاۋلارى كەرەك بولاتىن. 19 سونىمەن قاتار ەحوداي قانداي دا ٴبىر سەبەپپەن ارامدالىپ قالعان ادام ەحوبانىڭ ۇيىنە كىرمەۋ ٷشىن، ونىڭ قاقپالارىنا كۇزەتشىلەر+ قويدى. 20 سوسىن ول پاتشانى ەحوبانىڭ ۇيىنەن الىپ شىعۋ ٷشىن قاسىنا ٴجۇزباسىلاردى+، بەدەلدى ادامداردى، حالىق باسشىلارىن جانە كۇللى حالىقتى ەرتىپ الدى. ولار جوعارعى قاقپا ارقىلى سارايعا كەلىپ، پاتشانى تاققا+ وتىرعىزدى+. 21 بۇكىل ەل قۋاندى، ال قالادا تىنىشتىق ورنادى. ويتكەنى اتاليا سەمسەرمەن ولتىرىلگەن بولاتىن.