يشايا
2 وعان ەحوبانىڭ رۋحى قونىپ+،
دانالىق+ پەن مول تۇسىنىك دارىتادى،
ول كەرەمەت كەڭەسشى، زور كۇش+ پەن مول ٴبىلىم يەسى بولادى،
ٵرى ەحوبانى بارىنشا قاستەرلەيتىن بولادى.
3 ەحوبادان قورقۋ وعان قۋانىش سيلايدى+.
ول تەك كورگەنىنە ساي تورەلىك ەتپەيدى،
تەك ەستىگەنىنە ساي تۇزەتپەيدى+.
4 قايتا، جارلىعا ٵدىل ۇكىم شىعارادى،
جەردەگى مومىنداردىڭ مۇددەسى ٷشىن حالىقتى تۋراشىلدىقپەن تۇزەتەدى.
ونىڭ سوزدەرى جەر تۇرعىندارى ٷشىن تاياقپەن دۇرە سوققانداي بولادى+،
زۇلىمداردى اۋزىنان شىققان دەمىمەن جوق قىلادى+.
5 ادىلدىكتى بەلىنە بەلبەۋ ەتىپ تاعادى،
ادالدىقپەن بەلىن بەكەم بۋادى+.
6 سوندا قاسقىر مەن قوزى تاتۋ-ٴتاتتى تۇرادى+،
لاق قابىلانمەن بىرگە تىنىعادى،
بۇزاۋ مەن ارىستان، قوڭدى مال — ٴبارى بىرگە جۇرەدى*+،
ولاردى كىشكەنتاي بالا باستاپ الىپ جۇرەدى.
7 سيىر مەن ايۋ قاتار جايىلىپ،
بۇزاۋلارى مەن قونجىقتارى بىرگە تىنىعادى.
ارىستان بۇقا ىسپەتتى سابان جەيدى+.
8 ەمىزۋلى بالا كوبرا ٸنىنىڭ قاسىندا وينايدى،
ەمشەكتەن شىعارىلعان بالا ۋلى جىلاننىڭ ىنىنە قولىن تىعادى.
ويتكەنى تەڭىزدىڭ سۋعا تولى بولاتىنىنداي،
جەر بەتى ەحوبا تۋرالى بىلىمگە تولادى+.
10 سول كۇنى ەسەيدىڭ تامىرى+ حالىقتار ٷشىن بەلگى بولىپ تۇرادى+.
ۇلتتار سودان باسشىلىق ىزدەيتىن بولادى+،
ونىڭ تىنىعاتىن ورنى داڭققا بولەنەدى.
11 سول كۇنى ەحوبا اسسيريا+، مىسىر+، پاتروس+، قۇش+، ەلام+، شينار*، حاماتتان جانە تەڭىز ارالدارىنان+ حالقىنىڭ امان قالعان تامتىعىن شىعارۋ ٷشىن قايتادان، ەكىنشى رەت قولىن ۇسىنادى. 12 ول ۇلتتار ٷشىن بەلگى قويىپ، يسرايلدىڭ شاشىراپ كەتكەن حالقىن جينايدى+. ياھۋدانىڭ بىتىراپ كەتكەن حالقىن جەردىڭ ٴتورت بۇرىشىنان جيناپ الادى+.
13 ەفرەمنىڭ كۇنشىلدىگى قۇرىپ جوعالادى+،
ياھۋدامەن جاۋلاساتىندار جوق بولادى.
ەفرەم ياھۋدانى كۇندەۋىن قويادى،
ياھۋدا دا ەفرەممەن جاۋلاسپايتىن بولادى+.
14 قايتا، ەكەۋى بىرگە باتىستاعى ٴفىلىستىردىڭ جەلكەسىنە* شۇيلىگەدى؛
شىعىس حالقىن تالان-تاراجعا سالادى.
ىستىق دەمىمەن ونىڭ جەتى سالاسىن ۇرادى دا*،
جۇرت ساندالدارىن شەشپەي-اق وتەتىندەي ەتەدى.