ەفەستىكتەرگە
2 بۇرىن قاتەلىكتەرىڭ مەن كۇنالارىڭنىڭ كەسىرىنەن ٶلى بولعان سەندەردى قۇداي ٴتىرىلتتى+. 2 كەزىندە سەندەر وسى زاماننىڭ* ٶمىر سالتىنا ساي ٶمىر ٴسۇرىپ+، ٴبىزدى اۋا ىسپەتتى قورشاپ تۇرعان ٵرى ٴتىلازار ادامدارعا اسەر ەتىپ جاتقان رۋحتى+ بيلەپ وتىرعان ٵمىرشىنىڭ+ جەتەگىندە جۇردىڭدەر. 3 ٴيا، سونداي ادامداردىڭ اراسىندا جۇرگەن ٴبىز دە بۇرىن ٴتان قۇمارلىقتارىنا+ بەرىلىپ، ٴتانىمىز بەن ويىمىزدىڭ ەركىن ورىندادىق+ جانە باسقالار سياقتى، تۋىلعاننان قۇدايدىڭ قاھارىنا ۇشىرايتىنداردىڭ+ قاتارىنان بولدىق. 4 الايدا اسا مەيىرىمدى قۇداي+ بىزگە زور سۇيىسپەنشىلىگىن كورسەتىپ+، 5 كۇنالارىمىزدىڭ كەسىرىنەن ٶلى بولعان بىزدەردى ٴتىرىلتىپ+، ماسىحپەن بىرىكتىردى. (سەندەر راقىم كورسەتىلگەننىڭ ارقاسىندا عانا قۇتقارىلدىڭدار.) 6 ول ٴماسىح يسامەن بىرلىكتەگى ٴبىزدى ونىمەن بىرگە ٴتىرىلتىپ، كوكتە ونىمەن بىرگە وتىرعىزدى+. 7 وسىلايشا اسا جومارت قۇداي كەلەر زامانداردا* ٴماسىح يسامەن بىرلىكتەگى بىزگە تەڭدەسى جوق راقىمىن كورسەتپەك.
8 سەندەر وسى راقىمنىڭ ارقاسىندا سەنىمدەرىڭ+ ارقىلى قۇتقارىلدىڭدار. بۇل — وزدەرىڭنىڭ جەتىستىكتەرىڭ ەمەس، قۇدايدىڭ سيى. 9 سوندىقتان ەشكىم ىستەرىمنىڭ ارقاسىندا+ قۇتقارىلدىم دەپ ماقتانا المايدى. 10 ٴبىز قۇدايدىڭ جاراتىلىسىمىز+، ٵرى ول ٴماسىح يسامەن بىرلىكتەگى+ ٴبىزدى ٶزى الدىن الا بەلگىلەپ قويعان يگى ىستەردى اتقارسىن دەپ جاراتتى.
11 سوندىقتان ەستەرىڭدە بولسىن، سەندەر باسقا ۇلتتىق بولىپ تۋىلدىڭدار، ادام قولىمەن سۇندەتتەلگەندەر سەندەردى «سۇندەتتەلمەگەندەر» دەيتىن. 12 ول كەزدە سەندەر ٴماسىحتى بىلمەدىڭدەر، يسرايل حالقىنا جاتپادىڭدار، قۇدايدىڭ ۋادەسىنە نەگىزدەلگەن كەلىسىمدەردەن+ تىس بولدىڭدار جانە وسى دۇنيەدە ەش ٷمىتسىز، قۇدايدى بىلمەي ٶمىر كەشتىڭدەر+. 13 قازىر ماسىحپەن بىرلىكتەگى سەندەر بۇرىن قۇدايدان الىس ەدىڭدەر، ال ەندى ٴماسىحتىڭ قانى ارقىلى وعان جاقىندادىڭدار. 14 ٴماسىح — ٴبىزدىڭ تاتۋلاستىرۋشىمىز+. ول بوگەت بولىپ تۇرعان قابىرعانى بۇزىپ+، ەكى جاقتى بىرىكتىردى+. 15 دەنەسىن قۇرباندىققا بەرۋ ارقىلى وشتەستىكتى، ياكي وسيەتتەر مەن جارلىقتاردان تۇراتىن زاڭدى جويدى. ونداعى ماقساتى — ەكى حالىقتان وزىمەن بىرلىكتەگى ٴبىر جاڭا حالىق*+ جاراتىپ، تاتۋلىق ورناتۋ 16 جانە ٶز دەنەسىمەن وشتەستىكتى جويعاندىقتان+، ازاپ باعاناسى*+ ارقىلى ەكى حالىقتى ٴبىر دەنە رەتىندە قۇدايمەن تولىقتاي تاتۋلاستىرۋ. 17 سوندىقتان ول كەلىپ، قۇدايدان الىستاعىلارعا دا، جاقىنداعىلارعا دا تاتۋلىق تۋرالى ىزگى حاباردى جاريالادى. 18 ويتكەنى ول ارقىلى بىزگە، ياعني ەكى حالىققا، ٴبىر كيەلى رۋح ارقىلى اكەگە جاقىنداۋعا جول اشىلدى.
19 سوندىقتان بۇدان بىلاي سەندەر بوتەن نە جاتجەرلىك ەمەسسىڭدەر+، قايتا، قاسيەتتىلەرمەن وتانداسسىڭدار*+ جانە قۇداي وتباسىنىڭ مۇشەسىسىڭدەر+. 20 سەندەر ەلشىلەر مەن پايعامبارلاردان+ سالىنعان ىرگەتاسقا قالاندىڭدار، ال ونىڭ بۇرىشتىق تاسى*+ — ٴماسىح يسانىڭ ٶزى. 21 ونىمەن بىرلىكتەگى بۇكىل عيمارات ۇيلەسە قالانىپ+، ەحوبانىڭ* كيەلى عيباداتحاناسى+ بولۋ ٷشىن ٶسىپ جاتىر. 22 وسىلاي ونىمەن بىرلىكتەگى سەندەردەن قۇداي ٶز رۋحى ارقىلى مەكەندەيتىن تۇراق سوعىلىپ جاتىر+.