ٴفىلىمونعا
1 ماسىحكە دەگەن سەنىمى ٷشىن تۇرمەدە وتىرعان پاۋىلدان+ جانە باۋىرلاسىمىز تىموتەدەن+ سۇيىكتى قىزمەتتەسىمىز ٴفىلىمون، ساعان، 2 باۋىرلاسىمىز ٵپياعا، مايدانداسىمىز ارقىپقا+ جانە ۇيىڭدە جينالاتىن قاۋىمعا+:
3 سەندەرگە قۇداي اكەمىز بەن يەمىز يسا ٴماسىح راقىمىن جاۋدىرىپ، تىنىشتىق سيلاي كورسىن!
4 سەنى دۇعالارىمدا اۋزىما العاندا، قۇدايىما ۇنەمى ريزاشىلىق بىلدىرەمىن+. 5 ويتكەنى يەمىز يساعا دەگەن سەنىمىڭ، سونداي-اق وعان جانە قاسيەتتىلەردىڭ بارىنە دەگەن سۇيىسپەنشىلىگىڭ جونىندە ەستىپ ٴجۇرمىن. 6 ورتاق سەنىمىمىز ساعان ٴماسىح ارقىلى كوپتەگەن باتالارعا يە بولىپ جاتقانىمىزدى تۇسىنۋگە كومەكتەسسىن دەپ دۇعامدا سۇرايمىن. 7 باۋىرلاسىم، سەنىڭ سۇيىسپەنشىلىگىڭ مەنى قاتتى قۋانتىپ، جۇبانىش بەردى، ويتكەنى قاسيەتتىلەردىڭ كوڭىلىن سەرگىتتىڭ.
8 سوندىقتان ٴماسىحتىڭ ەلشىسى رەتىندە ساعان دۇرىس ارەكەت ەتۋدى ەركىن بۇيىرا السام دا، 9 مەن، پاۋىل، قاريا رەتىندە، سونداي-اق قازىر يسا ٴماسىح ٷشىن تۇرمەدە وتىرعان تۇتقىن رەتىندە، سەنىڭ سۇيىسپەنشىلىگىڭە جۇگىنىپ سۇراپ وتىرمىن. 10 تۇرمەدە وتىرعانىمدا بالامداي بولعان+ ونيسىم*+ جونىندە وتىنەمىن. 11 كەزىندە ول سەن ٷشىن پايداسىز بولعان، ال قازىر ساعان دا، ماعان دا پايدالى. 12 بار كوڭىلىممەن جاقسى كورەتىن ونى ەندى وزىڭە قايتارىپ وتىرمىن.
13 ىزگى حابار ٷشىن بۇعاۋدا وتىرعان+ ماعان سەنىڭ ورنىڭا قىزمەت كورسەتە بەرۋى ٷشىن، ونى قاسىمدا قالدىرايىن دەپ ەدىم. 14 ٴبىراق جاقسىلىقتى ماجبۇرلەۋمەن ەمەس، ٶز ەركىمەن جاساسىن دەپ+، سەنىڭ كەلىسىمىڭسىز ەشتەڭە ىستەگىم كەلمەدى. 15 مۇمكىن، ونىڭ سەنەن ۋاقىتشا كەتىپ قالعانى، ماڭگىلىككە قابىلداۋىڭ ٷشىن بولعان شىعار. 16 ەندى ول قۇل ەمەس+، قۇلدان الدەقايدا جوعارى — سۇيىكتى باۋىرلاسىڭ+ رەتىندە وزىڭە ورالادى. ول مەن ٷشىن وتە قىمبات، ال سەن ٷشىن ٵرى قۇلىڭ، ٵرى يەمىزگە قىزمەت ەتىپ جۇرگەن باۋىرلاسىڭ رەتىندە ودان دا قىمبات. 17 مەنى دوسىم دەپ ەسەپتەسەڭ، ونى دا مەنى قابىلداعانداي جىلى قابىلدا. 18 ال ەگەر ول الدىڭدا كىنالى نە قارىزدار بولسا، ونىسى مەنىڭ موينىمدا دەپ ەسەپتە. 19 مەن، پاۋىل، ٶز قولىممەن جازىپ وتىرمىن: ونىسىن مەن وتەيمىن. ٶزىڭ دە ٶمىرىڭ ٷشىن ماعان قارىزدار ەكەنىڭدى ايتپاسام دا بىلەسىڭ. 20 سونىمەن، باۋىرلاسىم، يەمىز ٷشىن سەنەن ٴبىر پايدا كورەيىن: ٴماسىحتىڭ ٸزباسارى رەتىندە كوڭىلىمدى سەرگىت.
21 سوزىمە قۇلاق اساتىنىڭا سەنىپ، ٴتىپتى مەنىڭ ايتقانىمنان دا كوپ نارسە ىستەيتىنىڭدى ٴبىلىپ جازىپ وتىرمىن. 22 سونداي-اق ماعان تۇراتىن جەر دايىنداپ قويارسىڭ. ويتكەنى دۇعالارىڭنىڭ ارقاسىندا سەندەرگە قايتا ورالامىن* دەپ ۇمىتتەنەمىن+.
23 يسا ٴماسىح ٷشىن مەنىمەن قاماۋدا وتىرعان ەپافراس+ سالەم جولداۋدا. 24 قىزمەتتەستەرىم مارقا، ارىستارق+، ديماس+ پەن لۇقا+ دا سالەم ايتۋدا.
25 تانىتىپ جۇرگەن جاقسى رۋحتارىڭ ٷشىن يەمىز يسا ٴماسىح سەندەرگە راقىمىن جاۋدىرا بەرسىن!