ەلشىلەردىڭ ىستەرى
15 ياھۋدەيادان الدەبىرەۋلەر كەلىپ، باۋىرلاستارعا: «مۇسا زاڭى بويىنشا سۇندەتكە وتىرماساڭدار+، قۇتقارىلا المايسىڭدار»،— دەپ ۇيرەتە باستادى. 2 ولار پاۋىل جانە بارنابامەن سوزگە كەلىپ، قاتتى ايتىسىپ قالدى. سودان شاكىرتتەر وسى ماسەلەنى شەشۋ ٷشىن ەكەۋىنە باسقا باۋىرلاستاردى قوسىپ، يەرۋساليمدەگى ەلشىلەر مەن اقساقالدارعا جىبەرمەك بولدى+.
3 بۇكىل قاۋىم بولىپ شىعارىپ سالعان سوڭ، ولار ٵرى قاراي فينيكيا مەن ساماريا ارقىلى ٴجۇردى. ولار باسقا ۇلت ادامدارىنىڭ قۇدايعا بەت بۇرعانى جونىندە ەگجەي-تەگجەيلى ايتىپ بەرىپ، باۋىرلاستاردىڭ ٴبارىن زور قۋانىشقا بولەدى. 4 يەرۋساليمدەگى قاۋىم، ەلشىلەر مەن اقساقالدار ولاردى قۇشاق جايا قارسى الدى. ولار بولسا قۇدايدىڭ وزدەرى ارقىلى جاساعان كوپتەگەن ىستەرىن ايتىپ بەردى. 5 الايدا كەزىندە پارىزشىلدار سەكتاسىندا بولعان كەيبىر باۋىرلاستار ورىندارىنان تۇرىپ: «باسقا ۇلتتىق سەنۋشىلەردەن سۇندەتتەلىپ، مۇسا زاڭىن ۇستانۋدى تالاپ ەتۋ كەرەك»+،— دەدى.
6 سودان ەلشىلەر مەن اقساقالدار وسى ماسەلەنى قاراستىرۋ ٷشىن باس قوستى. 7 قىزۋ تالقىلاۋدان* كەيىن پەتىر ورنىنان تۇرىپ، بىلاي دەدى: «باۋىرلاستار، باسقا ۇلت ادامدارى ىزگى حاباردى ەستىپ، سەنۋلەرى ٷشىن+ قۇداي ارالارىڭنان ەڭ الدىمەن مەنى تاڭداپ العانىن جاقسى بىلەسىڭدەر. 8 جۇرەكتەگىنى بىلەتىن قۇداي+ بىزگە بەرگەن كيەلى رۋحىن ولارعا دا بەرىپ+، سول ادامداردى قابىل العانىن راستادى. 9 وسىلايشا قۇداي ٴبىزدىڭ ولاردان ەش ايىرماشىلىعىمىز جوق ەكەنىن كورسەتتى+، ٵرى ولاردىڭ جۇرەكتەرىن سەنىمدەرى ارقىلى تازارتتى+. 10 ەندەشە، نەگە شاكىرتتەردىڭ موينىنا اتا-بابالارىمىز دا، ٴبىز دە كوتەرە الماعان+ مويىنتۇرىقتى*+ سالىپ، قۇدايدى سىناپ جاتىرسىڭدار؟ 11 قايتا، باسقا ۇلت ادامدارى سياقتى، ٴبىز دە يەمىز يسانىڭ راقىمىنىڭ ارقاسىندا+ قۇتقارىلاتىنىمىزعا سەنەمىز+».
12 وسى سوزدەردى ەستىگەندە، ٴبارى ٷنسىز قالىپ، بارنابا مەن پاۋىلدى تىڭدادى. بۇل ەكەۋى باسقا ۇلتتار اراسىندا قۇدايدىڭ وزدەرى ارقىلى جاساعان كوپتەگەن بەلگىلەرى مەن كەرەمەتتەرى جايلى بايانداپ بەردى. 13 ولار سوزدەرىن اياقتاعان سوڭ، جاقىپ بىلاي دەدى: «باۋىرلاستار، ماعان قۇلاق سالىڭدار. 14 قۇداي ٶز اتىمەن اتالاتىن حالىقتى تاڭداپ الۋ ٷشىن باسقا ۇلت ادامدارىنا العاش رەت نازار اۋدارعانىن شيمەون*+ بىزگە ەگجەي-تەگجەيلى ايتىپ بەردى+. 15 بۇل سوزدەر پايعامبارلاردىڭ كەلەسى ايتقاندارىنا ساي كەلەدى: 16 —وسىدان كەيىن مەن قايتا ورالىپ، ٴداۋىتتىڭ قۇلاعان ٷيىن* قايتا تۇرعىزامىن. ونىڭ وپىرىلعان جەرلەرىن جوندەپ، قالپىنا كەلتىرەمىن. 17 مۇنى وسى حالىقتان قالعان تامتىق مەنىڭ اتىممەن اتالاتىن باسقا حالىقتاردىڭ ادامدارىمەن بىرگە، مەنى، ەحوبانى، جان-تاندەرىمەن ىزدەسىن دەپ ىستەيمىن،— دەيدى ەحوبا+، 18 باياعىدان بەلگىلى+ وسى نارسەلەردى جۇزەگە اسىرۋشى قۇداي. 19 سوندىقتان مەن قۇدايعا بەت بۇرىپ جاتقان باسقا ۇلت ادامدارىنا اۋىرتپالىق سالماۋ كەرەك دەگەن توقتامعا كەلدىم+. 20 ٴبىراق ولارعا حات جازىپ، پۇتتارمەن ارامدالعان نارسەلەردەن+، ازعىندىقتان*+، ارام ولگەن مالدىڭ ەتىنەن جانە قاننان اۋلاق بولۋدى ەسكەرتەيىك+. 21 ويتكەنى ەجەلدەن بەرى ٵربىر قالادا وسى زاڭدار جازىلعان مۇسا جازبالارى ۋاعىزدالىپ، ٵر دەمالىس كۇنى ٴماجىلىسحانالاردا داۋىستاپ وقىلىپ كەلەدى+».
22 سودان ەلشىلەر جانە اقساقالدار بۇكىل قاۋىممەن بىرگە وزدەرىنىڭ اراسىنان جەتەكشىلىك ەتەتىن باۋىرلاستاردى تاڭداپ، پاۋىل مەن بارناباعا قوسىپ انتيوحياعا جونەلتۋدى شەشتى. ولار بارسابا دەپ تە اتالاتىن ياھۋدا مەن سيلاستى+ تاڭدادى. 23 سولار ارقىلى مىنا حاتتى جولدادى:
«باۋىرلاستارىڭنان — ەلشىلەر مەن اقساقالداردان — انتيوحيا+، سيريا مەن كيليكياداعى باسقا ۇلتتان شىققان باۋىرلاستارعا دۇعاي سالەم! 24 ەشقانداي نۇسقاۋ بەرمەسەك تە، ارامىزداعى كەيبىرەۋلەر سوزدەرىمەن سەندەردى مازالاپ+، سەنىمدەرىڭنەن تايدىرماق بولعانىن ەستىدىك. 25 ٴسۇيتىپ، ەكى ادامدى تاڭداپ، سۇيىكتى باۋىرلاستارىمىز بارنابا مەن پاۋىلعا قوسىپ جىبەرۋدى ٴبىراۋىزدان شەشتىك. 26 پاۋىل مەن بارنابا — يەمىز يسا ٴماسىحتىڭ ەسىمى ٷشىن جاندارىن قاتەرگە تىككەن ادامدار+. 27 وسى حاتتا جازىلعانداردى اۋىزشا دا ايتىپ بەرۋ ٷشىن+ ياھۋدا مەن سيلاستى تاڭدادىق. 28 كيەلى رۋح+ سەندەرگە مىنا ماڭىزدى نارسەلەردەن باسقا ەش اۋىرتپالىق سالماۋىمىز كەرەك دەگەن شەشىمگە كەلۋگە كومەكتەستى: 29 پۇتتارعا شالىنعان قۇرباندىقتاردان+، قاننان+، ارام ولگەن مالدىڭ ەتىنەن+ جانە ازعىندىقتان* اۋلاق بولىڭدار+. بۇلاردان بارىنشا ساقتانىپ جۇرسەڭدەر، يگىلىگىن كورەسىڭدەر. ساۋ بولىڭدار!»
30 انتيوحياعا جىبەرىلگەندەر جولعا شىقتى. سوندا جەتكەن سوڭ، ولار بۇكىل شاكىرتتەردى جيناپ، اكەلگەن حاتتارىن ۇسىندى. 31 ال ولار حاتتاعى جىگەر بەرەتىن سوزدەردى وقىپ، قۋانىپ قالدى. 32 ياھۋدا مەن سيلاس پايعامبار بولعاندىقتان، كوپتەگەن جىگەرلەندىرەتىن باياندامالار ايتىپ، باۋىرلاستاردى نىعايتتى+. 33 ەكەۋى سوندا ٴبىراز ۋاقىت بولعان سوڭ، باۋىرلاستار ولارعا اماندىق تىلەپ، يەرۋساليمگە قايتاردى. 34 * —— 35 ال پاۋىل مەن بارنابا انتيوحيادا قالىپ، وزگەلەرمەن بىرگە ٴتالىم بەرىپ، ەحوبانىڭ ٴسوزى تۋرالى ىزگى حاباردى جاريالاپ ٴجۇردى.
36 بىرنەشە كۇننەن كەيىن پاۋىل بارناباعا: «ٴجۇر*، ەحوبانىڭ ٴسوزىن جاريالاعان ٵربىر قالاعا قايتا سوعىپ، سونداعى باۋىرلاستاردىڭ جاعدايىن بىلەيىك+»،— دەدى. 37 بارنابا وزدەرىمەن بىرگە مارقا دەپ تە اتالاتىن جوحاندى ەرتىپ الماق بولدى+. 38 الايدا مارقا ولاردى پامفيليادا تاستاپ، تاپسىرىلعان ٸستى اتقارۋعا بارماعاندىقتان+، پاۋىل ونى ەرتكىسى كەلمەدى. 39 سودان ٴبىر-بىرىنە قاتتى اشۋلانىپ، ەكەۋى ەكى جاققا كەتتى. بارنابا+ مارقانى الىپ، كيپرگە ٴجۇزىپ كەتتى. 40 پاۋىل سيلاستى تاڭداپ الدى دا، باۋىرلاستار ٶزىن ەحوبانىڭ راقىمىنا تاپسىرعان سوڭ+، جولعا شىقتى. 41 ول سيريا مەن كيليكيا ارقىلى ٶتىپ، قاۋىمداردى نىعايتتى.