ريمدىكتەرگە
6 وندا نە دەمەكپىز؟ قۇدايدىڭ راقىمى مولايسىن دەپ كۇنا جاساي بەرەيىك پە؟ 2 ارينە، جوق! ٴبىز كۇنا ٷشىن ٶلىمىز+، وندا قالايشا كۇنا جاساپ ٶمىر سۇرە بەرمەكپىز+؟ 3 جوق الدە ٴبارىمىز ٴماسىح يسامەن بىرلىكتە بولۋ ٷشىن شومىلدىرۋ راسىمىنەن وتكەندە+، مۇنى ونىڭ ولىمىنە ورتاقتاسۋ ٷشىن ىستەگەنىمىزدى بىلمەيسىڭدەر مە+؟ 4 سوندىقتان وسى شومىلدىرۋ راسىمىنەن ٶتۋ ارقىلى ونىمەن بىرگە جەرلەندىك+. وسىلايشا اكەنىڭ داڭقتى قۇدىرەتىمەن ٴماسىحتىڭ قايتا تىرىلگەنىندەي، ٴبىز دە جاڭاشا ٶمىر ٴسۇرۋىمىز كەرەك+. 5 ويتكەنى ٴماسىح سياقتى ولسەك+، وندا سول سياقتى قايتا تىرىلەتىنىمىز دە ٴسوزسىز، وسىلاي ونىمەن بىرلىكتە بولامىز+. 6 ٴبىز مىنانى بىلەمىز: كۇناكار ٴتانىمىز بىزگە بيلىك ەتپەۋ ٷشىن+ جانە بۇدان بىلاي كۇنانىڭ قۇلى بولماۋىمىز ٷشىن+، ەسكى بولمىسىمىز ماسىحپەن بىرگە باعاناعا ٸلىندى+. 7 سەبەبى ولگەن ادام كۇناسىنان ارىلادى.
8 ەگەر ماسىحپەن بىرگە ولگەن بولساق، ونىمەن بىرگە ٶمىر سۇرەتىنىمىزگە دە سەنەمىز: 9 ولىمنەن قايتا تىرىلگەن ٴماسىحتىڭ+ ەندى قايتىپ ولمەيتىنىن+ جانە وعان ٶلىمنىڭ بيلىگى جۇرمەيتىنىن بىلەمىز. 10 ويتكەنى ول كۇنانى قۇرتۋ ٷشىن ٴبىر رەت ٶلدى+، ال قازىر قۇداي ٷشىن ٶمىر سۇرۋدە. 11 سەندەر دە وزدەرىڭدى كۇنا ٷشىن ٶلى، ال ٴماسىح يسا ارقىلى قۇداي ٷشىن ٴتىرىمىز دەپ ساناڭدار+.
12 سوندىقتان ٴتان قۇمارلىعىنىڭ جەتەگىندە كەتپەۋلەرىڭ ٷشىن، اجالدى تاندەرىڭە كۇنا پاتشالىق ەتپەسىن+. 13 تاندەرىڭدى كۇنا جاساۋ ٷشىن ادىلەتسىزدىكتىڭ قارۋى ەتۋگە ارناماڭدار، قايتا، ٶلى بولىپ، ەندى تىرىلگەندەر رەتىندە، وزدەرىڭدى قۇدايعا ارناپ، تاندەرىڭدى ادىلدىكتىڭ قارۋى ەتىڭدەر+. 14 كۇنا سەندەرگە ۇستەمدىك ەتپەسىن، سەبەبى سەندەر زاڭعا ەمەس+، قۇدايدىڭ راقىمىنا باعىنىشتىسىڭدار+.
15 ولاي بولسا، قانداي قورىتىندى جاساۋىمىز كەرەك؟ زاڭعا ەمەس، قۇدايدىڭ راقىمىنا باعىنىشتى بولعاندىقتان+ كۇنا جاساي بەرەيىك پە؟ ارينە، جوق! 16 سەندەر كىمگە قۇل سياقتى مويىنسۇنساڭدار، سونىڭ قۇلى بولاتىندارىڭدى بىلەسىڭدەر عوي+. سوندىقتان سەندەر نە ولىمگە اپاراتىن+ كۇنانىڭ+، نە ادىلدىككە جەتكىزەتىن مويىنسۇنۋشىلىقتىڭ قۇلىسىڭدار. 17 قۇدايعا شۇكىر، بۇرىن سەندەر كۇنانىڭ قۇلى ەدىڭدەر، ال ەندى وزدەرىڭە سەنىپ تاپسىرىلعان ىلىمگە شىن جۇرەكتەن مويىنسۇندىڭدار. 18 ٴيا، سەندەر كۇنانىڭ قۇلدىعىنان بوساتىلىپ+، ادىلدىكتىڭ قۇلى بولدىڭدار+. 19 تاندەرىڭنىڭ ٵلسىز ەكەنىن ەسكەرىپ، بۇنى قاراپايىم سوزدەرمەن ايتىپ وتىرمىن. كەزىندە دەنە مۇشەلەرىڭدى ارام ىستەر مەن زاڭسىزدىقتىڭ قۇلى ەتكەندەرىڭ ىسپەتتى، ەندى ولاردى قاسيەتتى ىستەرگە ارناۋ ٷشىن ادىلدىكتىڭ قۇلى ەتىڭدەر+. 20 سەبەبى كۇنانىڭ قۇلدىعىندا جۇرگەندە، ادىلدىكتىڭ بيلىگىندە بولمادىڭدار.
21 سول كەزدەگى جەمىستەرىڭ قانداي ەدى؟ قازىر وزدەرىڭ ۇيالاتىن ىستەر ەدى عوي، ال ولاردىڭ ناتيجەسى — ٶلىم+. 22 الايدا ەندى سەندەر كۇنادان بوساپ، قۇدايدىڭ قۇلى بولدىڭدار. سوندىقتان جەمىستەرىڭ — قاسيەتتىلىك+، ال ناتيجەسى — ماڭگىلىك ٶمىر+. 23 ويتكەنى كۇنانىڭ بەرەتىنى — ٶلىم+، ال قۇدايدىڭ سيى — يەمىز ٴماسىح يسا ارقىلى بەرىلەتىن+ ماڭگىلىك ٶمىر+.