ٴزابۇر
ٵن-كۇي جەتەكشىسىنە. «قۇرتا كورمە» اۋەنىمەن ايتۋعا ارنالعان ٴداۋىتتىڭ جىرى. ميحتام*. ساۋلدان ۇڭگىرگە قاشىپ كەتكەندەگى وقيعاعا قاتىستى جازىلعان+.
57 ىقىلاسىڭدى تۇسىرە كورشى، ۋا، قۇدايىم، ىقىلاسىڭدى تۇسىرە كورشى،
سەبەبى مەن ٶزىڭدى پانالايمىن+.
باسىما تۇسكەن قيىندىق ٶتىپ كەتكەنشە،
قاناتىڭنىڭ استىن سايالايمىن+.
2 مەن اللا تاعالانى،
جاۋلارىمنىڭ كوزىن قۇرتاتىن شىنايى قۇدايدى، كومەككە شاقىرامىن.
3 ول كوكتەن كومەك جىبەرىپ، مەنى قۇتقارادى+.
مەنى تىستەپ، ايىرىلماي جۇرگەن ادامدى ابىگەرگە سالادى. (سەلا)
قۇداي ماعان اينىماس سۇيىسپەنشىلىك پەن ادالدىق تانىتادى+.
4 مەن ارىستاندار اراسىندا قالدىم+؛
جالماپ قويۋعا دايار ادامداردىڭ اراسىندا جاتۋعا ٴماجبۇرمىن.
ولاردىڭ تىستەرى نايزا مەن جەبەدەي،
تىلدەرى وتكىر سەمسەردەي+.
5 ۋا، قۇدايىم، كوكتەن جوعارى اسقاقتاشى!
داڭقىڭدى جەر بەتىنەن جوعارى شارىقتاتشى+!
الدىمنان ولار ور قازدى،
ٴبىراق سوعان وزدەرى قۇلادى+. (سەلا)
7 جۇرەگىم مىزعىماس بەرىك، ۋا، قۇدايىم+،
جۇرەگىم مىزعىماس بەرىك.
قۇدايىم، ٶزىڭدى داڭقتاپ ٵن سالامىن.
8 جان دۇنيەم*، ويان!
ۋا، ىشەكتى اسپاپ، ويان! سەن دە ويان، ۋا، ارفا!
مەن تاڭ شاپاعىمەن بىرگە تۇرامىن+.
9 ۋا، ەحوبا، حالىقتار اراسىندا سەنى ماداقتايمىن+،
ۇلتتار اراسىندا ٶزىڭدى داڭقتاپ ٵن سالامىن+.
10 سەبەبى اينىماس سۇيىسپەنشىلىگىڭ زور، كوككە دەيىن جەتەدى+،
ادالدىعىڭ بۇلتتارعا دەيىن جەتەدى.
11 ۋا، قۇدايىم، كوكتەن جوعارى اسقاقتاشى!
داڭقىڭدى جەر بەتىنەن جوعارى شارىقتاتشى+!