مۇسانىڭ 3-جازباسى
17 ەحوبا ٴسوزىن جالعاپ، مۇساعا بىلاي دەدى: 2 «حارونعا، ونىڭ ۇلدارىنا جانە كۇللى يسرايلدىكتەرگە مىنانى ايت: —ەحوبانىڭ بۇيرىعى مىناۋ:
3 ەگەر يسرايل حالقىنان بىرەۋ قوستىڭ ىشىندە نە ونىڭ سىرتىندا بۇقا، جاس قوشقار نە تەكە سويسا، 4 ٴبىراق ونى ەحوباعا ارنالعان تارتۋ رەتىندە كەزدەسۋ شاتىرىنىڭ كىرەبەرىسىنە، ياعني ەحوبانىڭ شاتىرىنىڭ الدىنا، اكەلىپ سويماعان بولسا، مالدىڭ قانى سول ادامنىڭ موينىنا جۇكتەلەدى. ول قان توككەندىكتەن، حالقىنىڭ اراسىنان كوزى قۇرتىلسىن. 5 سوندىقتان يسرايلدىكتەر بۇدان بىلاي مالدى قۇرباندىققا اشىق دالادا شالماي، ونى ەحوباعا، كەزدەسۋ شاتىرىنىڭ كىرەبەرىسىنە، ٴدىني قىزمەتكەرگە اكەلسىن. ولار مالدى ەحوباعا ارنالعان تاتۋلىق قۇرباندىعى رەتىندە ۇسىنۋ قاجەت+. 6 ٴدىني قىزمەتكەر مالدىڭ قانىن كەزدەسۋ شاتىرىنىڭ كىرەبەرىسىندەگى ەحوبانىڭ قۇرباندىق وشاعىنا بۇركىپ، مايىن ەحوباعا ۇنامدى حوش ٴيىس رەتىندە ورتەپ جىبەرەدى+. 7 يسرايلدىكتەر ەندىگارى ەشكى كەيپىندەگى جىندارعا*+ قۇرباندىقتار شالىپ، وپاسىزدىق* جاساماسىن+. بۇل — سەندەرگە ۇرپاقتان ۇرپاققا بەرىلەتىن ماڭگىلىك نۇسقاۋ.
8 ولارعا بىلاي دەپ ايت: —يسرايل حالقىنان بىرەۋ نەمەسە ارالارىڭدا تۇراتىن جاتجەرلىكتەردىڭ ٴبىرى تۇگەل ورتەلەتىن نە باسقا دا قۇرباندىق شالسا، 9 ٴبىراق مالدى ەحوباعا ۇسىنۋ ٷشىن كەزدەسۋ شاتىرىنىڭ كىرەبەرىسىنە الىپ بارماعان بولسا، حالقىنىڭ اراسىنان مۇنداي ادامنىڭ كوزى قۇرتىلسىن+.
10 ەگەر يسرايل حالقىنان بىرەۋ نەمەسە ارالارىڭدا تۇراتىن جاتجەرلىكتەردىڭ ٴبىرى قان اتاۋلىنى جەيتىن بولسا+، مەن ونداي جانعا قارسى شىعىپ، حالقىنىڭ اراسىنان كوزىن قۇرتامىن. 11 ويتكەنى تىرشىلىك يەلەرىنىڭ ٶمىرى* قاندا عوي+. سەندەردىڭ كۇنالارىڭدى وتەۋ ٷشىن قاندى قۇرباندىق وشاعىنا اكەلۋگە بەلگىلەدىم+. قاندا ٶمىر بولعاندىقتان، قان ارقىلى ادامنىڭ كۇناسى وتەلەدى+. 12 سوندىقتان دا يسرايلدىكتەرگە: —ەشقايسىسىڭ دا، ارالارىڭداعى ەشبىر جاتجەرلىك تە+ قاندى جەۋشى بولماسىن+،— دەدىم.
13 ەگەر يسرايلدىكتەردىڭ نەمەسە ارالارىڭدا تۇراتىن جاتجەرلىكتەردىڭ ٴبىرى اڭ اۋلاپ ٴجۇرىپ، جەۋگە جارامدى اڭ نە قۇس ۇستاپ السا، ونىڭ قانىن اعىزىپ+، جەرگە كومىپ تاستاسىن. 14 ٶمىر قاندا بولعاندىقتان، كەز كەلگەن تىرشىلىك يەسىنىڭ ٶمىرى ونىڭ قانى بولىپ تابىلادى. سول سەبەپتى مەن يسرايلدىكتەرگە: —سەندەر قان اتاۋلىنى جەۋشى بولماڭدار، ويتكەنى كەز كەلگەن تىرشىلىك يەسىنىڭ ٶمىرى ونىڭ قانى بولىپ تابىلادى. قاندى جەيتىن ادامنىڭ كوزى قۇرتىلسىن+،— دەدىم. 15 قانداي دا ٴبىر جان، مەيلى يسرايلدىك نە جاتجەرلىك بولسىن، ارام ولگەن نە جىرتقىش اڭ جارىپ كەتكەن جانۋاردىڭ ەتىن جەسە+، كيىمىن جۋىپ، سۋعا شومىلسىن. ول كەشكە دەيىن ارام بولادى+، تەك سودان كەيىن عانا تازا بولىپ ەسەپتەلەدى. 16 ال ەگەر كيىمىن جۋىپ، شومىلماسا، ول كۇناسى ٷشىن جاۋاپ بەرەدى+».