مۇسانىڭ 3-جازباسى
5 الدەكىم قىلمىسقا قاتىستى كۋالىك بەرۋ كەرەكتىگى جايلى حاباردى ەستىپ*+، سول قىلمىسقا كۋا بولا تۇرا نەمەسە سوعان قاتىستى جايتتى كورە نە بىلە تۇرا، كۋالىك بەرمەسە، ول ايىپتى بولىپ، جاۋاپقا تارتىلادى.
2 ەگەر بىرەۋ ارام نارسەگە — ارام اڭنىڭ، ارام مالدىڭ نەمەسە قۇجىناعان ارام ماقۇلىقتىڭ ٴبىرىنىڭ ولىگىنە+ — ٴتيىپ كەتسە، مۇنىسىن ٶزى بىلمەسە دە، ول ٴبارىبىر ارامدالىپ*، ايىپتى بولادى. 3 ال ەگەر بىرەۋ بايقاۋسىزدا ادام دەنەسىنەن بولىنەتىن نە باسقا دا ارام نارسەگە يا ارامدالعان ادامعا ٴتيىپ كەتسە+، مۇنىسىن كەيىن بىلسە دە، ول ٴبارىبىر ايىپتى بولادى.
4 الدەبىرەۋ قانداي دا ٴبىر ٸستى — نە جاقسىلىق، نە جاماندىق بولسىن — ىستەيمىن دەپ اسىعىس انت بەرىپ، كەيىن ٶزىنىڭ اسىعىس انت بەرگەنىن تۇسىنسە، ول ٴبارىبىر ايىپتى بولادى*+.
5 ادام وسى ايتىلعان جايتتاردىڭ بىرەۋىنە قاتىستى ايىپتى بولسا، جاساعان كۇناسىن مويىنداۋ كەرەك+. 6 سونىمەن قاتار كۇناسى ٷشىن ەحوباعا ايىپ قۇرباندىعى+ رەتىندە وتارىنان ۇرعاشى توقتى نە جاس ەشكى اكەلسىن. بۇل سونداي-اق كۇنا ٷشىن اكەلىنگەن قۇرباندىق بولادى. ال ٴدىني قىزمەتكەر ونىڭ كۇناسىن وتەيدى.
7 ەگەر ونىڭ ۇساق مال بەرۋگە جاعدايى كەلمەسە، وندا كۇناسى ٷشىن ەحوباعا ايىپ قۇرباندىعىنا ەكى كەپتەر نەمەسە ەكى جاس كوگەرشىن اكەلسىن+. مۇنىڭ بىرەۋى — كۇنا ٷشىن قۇرباندىق، ال ەكىنشىسى — تۇگەل ورتەلەتىن قۇرباندىق+. 8 ولاردى ٴدىني قىزمەتكەرگە اكەلىپ بەرسىن. ٴدىني قىزمەتكەر الدىمەن كۇنا ٷشىن قۇرباندىققا اكەلىنگەن قۇستىڭ موينىن ۇزەدى، ٴبىراق جۇلىپ المايدى. 9 كەيىن وسى قۇرباندىقتىڭ قانىن قۇرباندىق وشاعىنىڭ قابىرعاسىنا بۇركىپ، قالعان قاندى وشاقتىڭ تۇبىنە اعىزادى+. بۇل — كۇنا ٷشىن اكەلىنگەن قۇرباندىق. 10 ەكىنشى قۇستى، بەرىلگەن نۇسقاۋعا ساي+، تۇگەل ورتەلەتىن قۇرباندىق رەتىندە ۇسىنسىن. وسىلايشا ٴدىني قىزمەتكەر الگى ادامنىڭ جاساعان كۇناسىن وتەيدى، ٴسۇيتىپ، ول كەشىرىمگە يە بولادى+.
11 ال ەگەر ادامنىڭ ەكى كەپتەر نە ەكى جاس كوگەرشىن اكەلۋگە جاعدايى كەلمەسە، ول كۇناسى ٷشىن قۇرباندىققا ساپالى ۇننان ەفانىڭ وننان ٴبىر بولىگىن*+ الىپ كەلسىن. وعان ماي ارالاستىرماسىن، ۇستىنە لادان دا قويماسىن. ويتكەنى بۇل — كۇنا ٷشىن اكەلىنەتىن قۇرباندىق. 12 مۇنى ول ٴدىني قىزمەتكەرگە اكەلىپ بەرسىن. ٴدىني قىزمەتكەر ەسكە سالاتىن تارتۋ رەتىندە ودان ٴبىرۋىس الىپ، ەحوباعا ارناپ ورتەلەتىن قۇرباندىقتاردىڭ ۇستىنە قويىپ، وشاقتا جاعىپ جىبەرەدى. بۇل — كۇنا ٷشىن اكەلىنەتىن قۇرباندىق. 13 وسىلايشا ٴدىني قىزمەتكەر الگى ادامنىڭ جاساعان كۇناسىن وتەيدى. ٴسۇيتىپ، ول وسى ايتىلعان كۇنالاردىڭ قاي-قايسىسىن جاساماسىن، كەشىرىمگە يە بولادى+. استىق تارتۋى+ سياقتى، ەسكە سالاتىن تارتۋدان قالعانى دا ٴدىني قىزمەتكەردىڭ ۇلەسىنە تيەدى+».
14 ەحوبا ٴسوزىن جالعاپ، مۇساعا بىلاي دەدى: 15 «الدەكىم ەحوبانىڭ قاسيەتتى نارسەلەرىنە قاتىستى ابايسىزدا كۇنا جاساسا+، ادالدىققا جاتپايتىن بۇل ارەكەت ٷشىن ول ايىپ قۇرباندىعى+ رەتىندە وتارىنان ەحوباعا ەش كەمىستىگى جوق قوشقار الىپ كەلسىن. ونىڭ قۇنى كۇمىس شەكەلمەن*، قاسيەتتى ورىننىڭ شەكەلىمەن، باعالانسىن+. 16 ول قاسيەتتى نارسەلەردىڭ قۇنىن تولەسىن جانە ۇستىنە وسى قۇننىڭ بەستەن ٴبىر بولىگىن قوسىپ بەرسىن+. مۇنى ول ٴدىني قىزمەتكەرگە بەرۋ كەرەك. ٴدىني قىزمەتكەر ايىپ قۇرباندىعىنا اكەلىنگەن قوشقاردى الىپ، الگى ادامنىڭ كۇناسىن وتەيدى+. ٴسۇيتىپ، ول كەشىرىمگە يە بولادى+.
17 ەگەر بىرەۋ ەحوبا تيىم سالعانداردىڭ ٴبىرىن جاساپ، كۇناعا باتسا، ٴتىپتى مۇنى بىلمەستىكپەن ىستەسە دە، ايىپتى بولادى جانە بۇل ٷشىن جاۋاپقا تارتىلادى+. 18 ول ٴدىني قىزمەتكەرگە ايىپ قۇرباندىعى رەتىندە وتارىنان، بەلگىلەنگەن قۇنعا ساي، ەش كەمىستىگى جوق قوشقار اكەلۋ كەرەك+. ٴدىني قىزمەتكەر الگى ادامنىڭ بىلمەستىكپەن جاساعان كۇناسىن وتەيدى. ٴسۇيتىپ، ونىڭ كۇناسى كەشىرىلەدى. 19 بۇل — ايىپ قۇرباندىعى. ويتكەنى ول ەحوبانىڭ الدىندا كۇناسى ٷشىن ايىپتى بولدى».