بيلەر
13 يسرايلدىكتەر تاعى دا ەحوباعا ۇنامسىز ىستەر جاسادى+، سوندىقتان ەحوبا ولاردى 40 جىلعا فىلىستىرلەردىڭ قولىنا بەردى+.
2 سول زاماندا سورا+ قالاسىندا دان+ اۋلەتىنەن شىققان مانۇح+ دەگەن كىسى بولاتىن. ايەلى بەدەۋ بولعاندىقتان، ولاردىڭ بالالارى جوق ەدى+. 3 بىردە ونىڭ ايەلىنە ەحوبانىڭ پەرىشتەسى كورىنىپ، بىلاي دەدى: «سەن بالا تۋا المايتىن بەدەۋسىڭ. ٴبىراق قۇرساق كوتەرىپ، ۇلدى بولاسىڭ+. 4 بۇدان بىلاي شاراپ نە ماس قىلاتىن باسقا دا سۋسىن+ ىشۋدەن، ارامدالعان+ تاماق جەۋدەن ساق بول. 5 ويتكەنى بويىڭا بالا ٴبىتىپ، ۇل تۋاسىڭ. ونىڭ باسىنا ۇستارا تيمەۋ كەرەك+، سەبەبى ول قۇرساقتان شىعىسىمەن قۇدايدىڭ ٴنازيرى* بولىپ، يسرايلدى فىلىستىرلەردەن قۇتقارادى+».
6 سوندا ايەلى مانۇحقا كەلىپ، بىلاي دەدى: «ماعان شىنايى قۇدايدىڭ ادامى كەلدى. ونىڭ ٴتۇر-تۇرپاتى قۇدايدىڭ پەرىشتەسى سياقتى ەكەن، تاڭ-تاماشا قالدىردى. مەن ونىڭ قايدان كەلگەنىن سۇرامادىم، اتىن دا بىلمەيمىن+. 7 ٴبىراق ول مىنانى ايتتى: —سەن قۇرساق كوتەرىپ، ۇل تۋاسىڭ. ەندى شاراپ نە ماس قىلاتىن باسقا دا ىشىمدىك ىشپە، ارامدالعان تاماق تا جەمە. ويتكەنى سەن تۋاتىن بالا قۇرساقتان شىققاننان باستاپ ولە-ولگەنشە قۇدايدىڭ ٴنازيرى بولادى».
8 سوندا مانۇح ەحوباعا: «ەحوبا، ٶزىڭ جىبەرگەن قۇداي ادامى تاعى كەلىپ، تۋىلاتىن بالامىزدى قالاي باعىپ-قاعۋىمىز كەرەكتىگىن ايتىپ بەرسىنشى»،— دەپ جالبارىندى. 9 قۇداي ونىڭ ۇنىنە قۇلاق استى. مانۇحتىڭ ايەلى قالا سىرتىندا وتىرعاندا، وعان تاعى دا شىنايى قۇدايدىڭ پەرىشتەسى كەلدى. بۇل كەزدە مانۇح ايەلىنىڭ قاسىندا ەمەس ەدى. 10 ايەل دەرەۋ كۇيەۋىنە جۇگىرىپ كەلىپ: «وتكەن جولى كەلگەن كىسى تاعى دا كەلىپ تۇر»،— دەدى+.
11 مانۇح ورنىنان تۇردى دا، ايەلىمەن بىرگە الگى كىسىگە كەلىپ: «مەنىڭ ايەلىممەن سويلەسكەن ٴسىز بە ەدىڭىز؟»— دەپ سۇرادى. ول: «ٴيا، مەن»،— دەدى. 12 مانۇح مىنانى ايتتى: «ايتقانىڭىز كەلسىن. ٴبىراق ول بالانى قالاي ٶسىرۋىمىز كەرەك؟ ول كىم بولادى+؟» 13 ەحوبانىڭ پەرىشتەسى بىلاي جاۋاپ بەردى: «ايەلىڭ مەن ايتقان نارسەلەردىڭ بارىنەن اۋلاق ٴجۇرسىن+. 14 جۇزىمنەن جاسالعان ەشتەڭە جەمەسىن، شاراپ نە ماس قىلاتىن باسقا دا ىشىمدىك ىشپەسىن+، ارامدالعان تاماقتى اۋزىنا الماسىن+. مەن ايتقان سوزدەردى تۇگەل ورىنداسىن».
15 مانۇح ەحوبانىڭ پەرىشتەسىنە: «ٴبىر لاق سويىپ، اس دايارلاپ اكەلگەنشە بوگەلە تۇرىڭىزشى»+،— دەدى. 16 ٴبىراق ەحوبانىڭ پەرىشتەسى وعان: «بوگەلە تۇرعانمەن، سەنىڭ تاماعىڭدى جەمەيمىن. ال ونى تۇگەل ورتەلەتىن قۇرباندىق رەتىندە ەحوباعا ۇسىنامىن دەسەڭ، ۇسىنا بەر»،— دەپ جاۋاپ بەردى. مانۇح ونىڭ ەحوبانىڭ پەرىشتەسى ەكەنىن بىلگەن جوق ەدى. 17 مانۇح ەحوبانىڭ پەرىشتەسىنە: «اتىڭىز كىم+؟ سوزدەرىڭىز جۇزەگە اسقاندا، سىزگە قۇرمەت كورسەتكىمىز كەلەدى»،— دەگەندە، 18 ەحوبانىڭ پەرىشتەسى: «اتىمدى نەسىنە سۇرايسىڭ، ول كەرەمەت»،— دەدى.
19 سوسىن مانۇح ٴبىر لاق جانە استىق تارتۋىن الىپ، تاستىڭ ۇستىنە قويدى دا، ەحوباعا قۇرباندىق رەتىندە ۇسىندى. سوندا قۇداي مانۇح پەن ايەلىنىڭ كوز الدىندا ٴبىر كەرەمەت نارسە ىستەدى: 20 قۇرباندىق ورنىنان شىققان وتتىڭ جالىنى جوعارى كوتەرىلگەندە، ەحوبانىڭ پەرىشتەسى مانۇح پەن ايەلىنىڭ كوزىنشە سول جالىنمەن كوككە كوتەرىلدى. الگى ەكەۋى بولسا ەتپەتتەپ جەرگە قۇلاي كەتتى. 21 بۇدان كەيىن ەحوبانىڭ پەرىشتەسى مانۇح پەن ايەلىنە قايتىپ كورىنبەدى. سوندا مانۇح ونىڭ ەحوبانىڭ پەرىشتەسى بولعانىن ٴتۇسىندى+. 22 ول ايەلىنە: «ەندى ٴبىز امان قالماسپىز، سەبەبى قۇدايدى كوردىك»+،— دەدى. 23 ٴبىراق ايەلى وعان مىنانى ايتتى: «ەحوبا ٴبىزدى ولتىرگىسى كەلسە، تۇگەل ورتەلەتىن قۇرباندىعىمىز+ بەن استىق تارتۋىمىزدى قابىلداماس ەدى عوي. بىزگە وسىنىڭ ٴبارىن كورسەتپەس تە ەدى، ەستىگەن سوزدەرىمىزدى دە ايتپاس ەدى».
24 كەيىنىرەك مانۇحتىڭ ايەلى ۇل تۋىپ، اتىن سامسون+ دەپ قويدى. بالا وسە بەردى، ال ەحوبا وعان جار بولىپ ٴجۇردى. 25 كۇندەردىڭ كۇنىندە سورا مەن ەشتاعولدىڭ+ اراسىندا ورنالاسقان ماحانەح-داندا+ وعان ەحوبانىڭ رۋحى اسەر ەتە باستادى+.