ايان
22 سوسىن ول ماعان ٴمولدىر* تازا ٶمىر سۋىنىڭ وزەنىن+ كورسەتتى. وزەن قۇداي مەن توقتىنىڭ+ تاعىنان باستاۋ الىپ، 2 قالانىڭ باستى كوشەسىنىڭ ورتاسىمەن اعىپ جاتتى. ونىڭ ەكى جاعالاۋىندا دا اي سايىن، جىلىنا ون ەكى رەت، جەمىس بەرەتىن ٶمىر اعاشتارى ٶسىپ تۇردى. اعاشتاردىڭ جاپىراقتارى حالىقتاردى ساۋىقتىرۋعا ارنالعان ەدى+.
3 بۇدان بىلاي قالاعا ەش قارعىس ايتىلمايدى. قايتا، قۇداي مەن توقتىنىڭ تاعى+ سول جەردە بولىپ، قۇدايدىڭ قۇلدارى وعان قاسيەتتى قىزمەت اتقارماق. 4 ولار ونىڭ بەت-ٴجۇزىن كورەدى+ جانە ماڭدايلارىنا ونىڭ ەسىمى جازىلادى+. 5 ولارعا شىراعدان دا، كۇننىڭ جارىعى دا قاجەت ەمەس، ويتكەنى ەحوبا قۇداي نۇر ٴتۇسىرىپ تۇراتىندىقتان+، قالادا ەشقاشان ٴتۇن بولمايدى+، ٵرى ولار ماڭگىلىك بويى پاتشالىق ەتەدى+.
6 پەرىشتە ماعان بىلاي دەدى: «بۇل سوزدەر سەنۋگە تۇرارلىق ٵرى شىنايى+. ٴيا، پايعامبارلار ارقىلى سويلەيتىن+ ەحوبا قۇداي ٶز قۇلدارىنا جۋىردا بولاتىن جايتتاردى كورسەتۋ ٷشىن پەرىشتەسىن جىبەردى. 7 مىنە، مەن تەز ارادا كەلەمىن+. وسى شيىرشىقتاعى پايعامبارلىق سوزدەردى ورىندايتىن اركىم باقىتتى+».
8 مەن، جوحان، وسىلاردى ەستىپ، كوردىم. ەستىپ جانە كورگەنىمدە، ماعان ولاردى كورسەتكەن پەرىشتەنىڭ اياعىنا جىعىلىپ تابىنباق بولدىم. 9 ٴبىراق ول: «بۇلاي ىستەمە! مەن نەبارى ٶزىڭ جانە پايعامبار باۋىرلاستارىڭ سياقتى، سونداي-اق وسى شيىرشىقتاعى سوزدەردى ورىندايتىندار سياقتى قۇلمىن. قۇدايعا عيبادات ەت!»+— دەدى.
10 تاعى ول ماعان بىلاي دەدى: «بۇل شيىرشىقتاعى پايعامبارلىق سوزدەردى قۇپيا ۇستاما، سەبەبى بەلگىلەنگەن ۋاقىت جاقىن. 11 ادىلەتسىز ادام ادىلەتسىز ىستەرىن جاساي بەرسىن، ارام ادام ارام ىستەرىن ىستەي بەرسىن، ٴبىراق ٵدىل ادام ادىلدىگىنەن، ال قاسيەتتى ادام قاسيەتتىلىگىنەن تايماسىن.
12 —مىنە، مەن تەز ارادا كەلەمىن. اركىمگە ىسىنە قاراي قارىمتاسىن قايتارامىن+. 13 مەن الفا جانە ومەگامىن*+، العاشقى مەن سوڭعى، باسى جانە اياعى مەنمىن. 14 شاپاندارىن جۋىپ+، ٶمىر اعاشتارىنىڭ جەمىسىن جەۋ قۇقىعىنا يە بولىپ+، قاقپالار ارقىلى قالاعا+ كىرەتىندەر باقىتتى. 15 ال يتتەر*، باقسى-بالگەرلىكپەن* اينالىساتىندار، ازعىندار* مەن كىسى ولتىرۋشىلەر، سونداي-اق الداۋدى ۇناتاتىندار جانە سونى جاساي بەرەتىندەر قالانىڭ سىرتىندا قالادى+.
16 —مەن، يسا، قاۋىمنىڭ يگىلىگى ٷشىن وسىلار تۋرالى كۋالىك ەتسىن دەپ، سەندەرگە پەرىشتەمدى جىبەردىم. مەن ٴداۋىتتىڭ تامىرى ٵرى ۇرپاعىمىن+، تاڭعى جارىق جۇلدىزبىن+».
17 رۋح پەن قالىڭدىق+: «كەل!»— دەپ جاتىر. مۇنى ەستىگەن اركىم: «كەل!»— دەسىن. شولدەگەندەردىڭ ٴبارى دە كەلسىن+. ٶمىر سۋىن العىسى كەلگەندەردىڭ ٴبارى ونى تەگىن السىن+.
18 «وسى شيىرشىقتاعى پايعامبارلىق سوزدەردى ەستىگەن اركىمگە بىلاي دەپ كۋالىك ەتەمىن: كىمدە-كىم بۇعان ٴبىر نارسە قوسسا+، قۇداي وعان وسى شيىرشىقتا جازىلعان پالەلەردى قوسىپ بەرەدى+. 19 ال كىمدە-كىم پايعامبارلىق سوزدەر جازىلعان وسى شيىرشىقتان ٴبىر نارسە الىپ تاستاسا، قۇداي ونى وسى شيىرشىقتا جازىلعان ۇلەسىنەن ايىرادى، ياعني ٶمىر اعاشتارىنىڭ جەمىسىنەن جەۋگە+ جانە قاسيەتتى قالاعا+ كىرۋگە رۇقسات ەتپەيدى.
20 وسىلار تۋرالى كۋالىك ەتىپ وتىرعان: —ٴيا، مەن تەز ارادا كەلەمىن+،— دەيدى».
«اۋمين! يەمىز يسا، كەلە كور!»
21 قاسيەتتىلەرگە يەمىز يسا ٴماسىحتىڭ راقىمى جاۋا بەرسىن!