مۇسانىڭ 5-جازباسى
30 وسى سوزدەردىڭ ٴبارى — مەن بۇگىن سەندەرگە ايتقان باتالار مەن قارعىستار+ — ورىندالعاندا جانە ەحوبا قۇدايلارىڭ سەندەردى بىتىراتىپ جىبەرگەن+ حالىقتار اراسىندا تۇرىپ جاتىپ، وسىلاردى ەسكە العاندارىڭدا+، 2 سونداي-اق وزدەرىڭ دە، ۇلدارىڭ دا ەحوبا قۇدايلارىڭا بەت بۇرىپ+، بۇگىن مەن ارقىلى بۇيىرىپ وتىرعاندارىنىڭ ٴبارىن بار جۇرەكتەرىڭمەن، بۇكىل جان-تاندەرىڭمەن ورىنداعاندا+، 3 ەحوبا قۇدايلارىڭ سەندەردى تۇتقىندا جۇرگەن جەرلەرىڭنەن قايتارىپ+، راقىمىن تۇسىرەدى+. ٶزى بىتىراتىپ جىبەرگەن حالىقتاردىڭ اراسىنان سەندەردى ەحوبا قۇدايلارىڭ قايتادان جيناپ الادى+. 4 ٴتىپتى جەردىڭ تۇكپىر-تۇكپىرىنە تاراپ كەتكەن بولساڭدار دا، ەحوبا قۇدايلارىڭ سول جەردەن قايتارىپ، باستارىڭدى قوسادى+. 5 ەحوبا قۇدايلارىڭ سەندەردى اتا-بابالارىڭنىڭ جەرىنە اكەلەدى، ٴسۇيتىپ، ونى وزدەرىڭ يەمدەنەسىڭدەر. ول سەندەردى كوركەيتىپ، اتا-بابالارىڭنان دا كوپ ەتەدى+. 6 ەحوبا قۇدايلارىڭ وزدەرىڭنىڭ دە، ۇرپاقتارىڭنىڭ دا جۇرەگىن تازارتادى+، سوندا ەحوبا قۇدايلارىڭدى بار جۇرەكتەرىڭمەن، بۇكىل جان-تاندەرىڭمەن جاقسى كورىپ، ۇزاق عۇمىر كەشەسىڭدەر+. 7 ال وسى قارعىستاردىڭ ٴبارىن ەحوبا قۇدايلارىڭ سەندەردى جەك كورىپ، قۋدالاعان جاۋلارىڭنىڭ باسىنا كەلتىرەدى+.
8 سوندا سەندەر قايتادان ەحوبانىڭ ايتقاندارىنا قۇلاق اسىپ، بۇگىن مەن بۇيىرىپ وتىرعان زاڭدارىنىڭ ٴبارىن ورىندايتىن بولاسىڭدار. 9 ەحوبا قۇدايلارىڭ قولعا العان ىستەرىڭنىڭ ٴبارىن مولىنان جارىلقاپ+، بالا-شاعالارىڭ مەن وتار-تابىندارىڭدى كوبەيتەدى، جەرلەرىڭنىڭ ٶنىمىن دە اعىل-تەگىل مول ەتەدى. ەحوبا سەندەردى دە، اتا-بابالارىڭ سياقتى، كوركەيتۋگە قايتادان قۋانىشتى بولادى+. 10 ويتكەنى سەندەر ەحوبا قۇدايلارىڭا بار جۇرەكتەرىڭمەن، بۇكىل جان-تاندەرىڭمەن بەت بۇرىپ، ەحوبا قۇدايلارىڭنىڭ ايتقانىنا قۇلاق اسىپ، وسى زاڭ كىتابىندا جازىلعان زاڭدارى مەن نۇسقاۋلارىن ورىندايسىڭدار+.
11 مەن سەندەرگە بۇيىرىپ وتىرعان وسى زاڭدى ورىنداۋ تىم قيىن ەمەس، ول قول جەتپەستەي الىستا دا ەمەس+. 12 «تىڭداپ، ورىنداۋىمىز ٷشىن، كوككە بارىپ، ونى بىزگە كىم الىپ كەلەدى؟»+ دەيتىندەي، كوكتە ەمەس. 13 «تىڭداپ، ورىنداۋىمىز ٷشىن، تەڭىزدىڭ ارعى جاعىنا ٶتىپ، ونى بىزگە كىم الىپ كەلەدى؟» دەيتىندەي، تەڭىزدىڭ ارعى بەتىندە دە ەمەس. 14 زاڭنىڭ ٴسوزى سەندەرگە وتە جاقىن جەردە: اۋىزدارىڭدا جانە جۇرەكتەرىڭدە+. سوندىقتان ونى ورىنداي الاسىڭدار+.
15 مىنە، مەن بۇگىن سەندەرگە ەكى جولدى ۇسىنىپ تۇرمىن+: ٴبىرى ٶمىر مەن جاقسىلىققا، ال ەكىنشىسى ٶلىم مەن جاماندىققا اپارادى. 16 ەگەر ەحوبا قۇدايلارىڭنىڭ بۇگىن مەن ارقىلى بۇيىرىپ وتىرعان زاڭدارىنا قۇلاق اسساڭدار، ەحوبا قۇدايلارىڭدى ٴسۇيىپ+، ونىڭ جولدارىمەن جۇرسەڭدەر جانە ونىڭ بۇيرىقتارىن، نۇسقاۋلارى مەن شەشىمدەرىن ۇستانساڭدار، وندا ۇزاق ٶمىر ٴسۇرىپ+، ٶسىپ-ٶنىپ كوبەيەسىڭدەر، يەمدەنگەلى جاتقان جەردە ەحوبا قۇدايلارىڭ سەندەرگە باتاسىن بەرەدى+.
17 ال ەگەر كوڭىلدەرىڭ باسقا جاققا اۋىپ+، قۇلاق اسپاساڭدار، سونداي-اق ازعىرىلىپ، بوتەن تاڭىرلەرگە باس ٴيىپ، قۇلشىلىق ەتسەڭدەر+، 18 وندا سەندەرگە بۇگىن ەسكەرتىپ قويايىن، مىندەتتى تۇردە قۇريسىڭدار+. يورداننان ٶتىپ، يەمدەنۋ ٷشىن بارا جاتقان ەلدە ۇزاق تۇرمايسىڭدار. 19 بۇگىن كوك پەن جەردى* كۋالىككە شاقىرىپ، سەندەرگە ٶمىر مەن ٶلىم، باتا مەن قارعىس ۇسىنىپ تۇرمىن+. وزدەرىڭ دە، ۇرپاقتارىڭ دا+ ۇزاق عۇمىر كەشۋ ٷشىن، ٶمىردى تاڭداڭدار+. 20 ەحوبا قۇدايلارىڭدى ٴسۇيىپ+، ايتقاندارىنا قۇلاق اسىپ، وعان ادال بولىپ جۇرىڭدەر+. سوندا ەحوبا سەندەرگە ٶمىر سيلاپ، اتا-بابالارىڭ ىبىرايىم، ىسقاق پەن جاقىپقا ۋادە ەتكەن جەردە+ ۇزاق عۇمىر كەشەسىڭدەر».