ەرەميا
29 بابىل پاتشاسى ناۆۋحودونوسور يەرۋساليمنەن بابىلعا جەر اۋدارىپ اكەتكەن حالىقتىڭ اراسىنداعى اقساقالدارعا، ٴدىني قىزمەتكەرلەرگە، پايعامبارلار مەن كۇللى حالىققا ەرەميا پايعامبار يەرۋساليمنەن حات جولدادى. 2 بۇل حات ەحونيا+ پاتشا، ونىڭ پاتشايىم اناسى+، ساراي قىزمەتكەرلەرى، ياھۋدا مەن يەرۋساليمنىڭ امىرشىلەرى، قولونەرشىلەر مەن ۇستالار* يەرۋساليمنەن ايدالىپ كەتكەننەن كەيىن جازىلعان ەدى+. 3 ول بۇل حاتتى بابىلعا شافان+ ۇلى ەلاساق پەن حەلكيا ۇلى گەمارياح ارقىلى بەرىپ جىبەردى. ولاردى ياھۋدانىڭ پاتشاسى سەدەكيا+ بابىل پاتشاسى ناۆۋحودونوسورعا جىبەرگەن بولاتىن. حاتتا بىلاي دەلىنگەن:
4 «اسكەرباسى ەحوبا، يسرايلدىڭ قۇدايى جەر اۋدارىلعان حالىققا، ٶزى يەرۋساليمنەن بابىلعا ايدالۋىنا جول بەرگەن حالىققا، بىلاي دەيدى: 5 —ۇيلەر سوعىپ، سوندا تۇرىڭدار. باۋ-باقشالار وتىرعىزىپ، جەمىسىن جەڭدەر. 6 ايەل الىپ، ۇل-قىزدى بولىڭدار. ۇلدارىڭدى ۇيلەندىرىپ، قىزدارىڭدى كۇيەۋگە بەرىڭدەر. ولار دا بالالى-شاعالى بولسىن. وسىلايشا سول جەردە ٶسىپ-ٶنىپ كوبەيىڭدەر، قاتارلارىڭ سيرەمەسىن. 7 مەن وزدەرىڭدى جەر اۋدارتىپ جىبەرگەن سول قالانىڭ تىنىشتىعىن تىلەپ، ەحوباعا دۇعا ەتىڭدەر، ويتكەنى سول جەر تىنىش بولسا، سەندەر دە تىنىش بولاسىڭدار+. 8 اسكەرباسى ەحوبا، يسرايلدىڭ قۇدايى سەندەرگە بىلاي دەيدى: —ارالارىڭداعى پايعامبارلار مەن ساۋەگەيلەرگە الدانىپ قالماڭدار+. ولار كورگەن تۇستەرىن ايتقاندا، تىڭداماڭدار. 9 سەبەبى ولار مەنىڭ اتىمنان جالعان پايعامبارلىق ەتۋدە. ولاردى مەن جىبەرگەن جوقپىن+،— دەيدى ەحوبا.
10 ەحوبا بىلاي دەيدى: —بابىلدا بولعاندارىڭا 70 جىل تولعاندا، سەندەرگە نازارىمدى سالامىن+. ٴسۇيتىپ، سەندەردى وسى جەرگە قايتارامىن دەگەن ىزگى ۋادەمدى ورىندايمىن+.
11 ەحوبا بىلاي دەيدى: —سەندەرگە قاتىستى وي-نيەتىم وزىمە ايان. سەندەرگە اپات جىبەرۋدى ەمەس، تىنىشتىق بەرۋدى+، جارقىن بولاشاق پەن ٷمىت سيلاۋدى ويلاپ ٴجۇرمىن+. 12 سەندەر مەنى شاقىراسىڭدار، ماعان كەلىپ، دۇعا ەتەسىڭدەر، سوندا تىڭدايتىن بولامىن+.
13 ماعان بەت بۇرىپ، عيبادات ەتەسىڭدەر+، ويتكەنى بار جۇرەكتەرىڭمەن مەنىڭ باسشىلىعىمدى ىزدەيتىن بولاسىڭدار+. 14 مەن عيباداتتارىڭدى قابىل الامىن+،— دەيدى ەحوبا.— تۇتقىندا جۇرگەن سەندەردى جينايمىن. ٶزىم بىتىراتىپ جىبەرگەن حالىقتار مەن جەرلەردەن سەندەردى جيناپ، باستارىڭدى بىرىكتىرەمىن+. جەر اۋدارىپ جىبەرگەن سەندەردى قايتادان وسى ەلگە اكەلەمىن،— دەيدى ەحوبا+.
15 ٴبىراق سەندەر: —ەحوبا بابىلدا ٴبىز ٷشىن پايعامبارلار تاعايىندادى،— دەيسىڭدەر.
16 ٴداۋىتتىڭ تاعىندا وتىرعان پاتشاعا+ جانە وسى قالادا تۇرىپ جاتقان كۇللى جۇرتقا، سەندەرمەن بىرگە جەر اۋدارىلماعان باۋىرلارىڭا، قاتىستى ەحوبا بىلاي دەيدى: 17 —مىنە، ولارعا سەمسەر، اشتىق پەن ىندەت جىبەرەمىن+،— دەيدى اسكەرباسى ەحوبا.— ولاردى جەۋگە جارامسىز*، شىرىگەن ٸنجىر جەمىستەرىندەي ەتەمىن+.
18 سەمسەرمەن+، اشتىقپەن جانە ىندەتپەن سوڭدارىنا تۇسەمىن. ولاردى جەر بەتىندەگى پاتشالىقتار كورگەندە، شوشىناتىن بولادى+. ٶزىم بىتىراتىپ جىبەرگەن جەرلەردىڭ تۇرعىندارى ولاردى قارعايتىن، كورىپ تاڭعالاتىن، ىسقىراتىن+، مازاق ەتەتىن بولادى+. 19 ويتكەنى ولار وزدەرىنە جىبەرگەن قىزمەتشىلەرىم — پايعامبارلار ارقىلى ايتقان سوزدەرىمە قۇلاق اسپادى. مەن ولاردى قايتا-قايتا* جىبەردىم+،— دەيدى ەحوبا.— ٴبىراق سەندەر دە تىڭدامادىڭدار+،— دەيدى ەحوبا.
20 ال ەندى، يەرۋساليمنەن بابىلعا جەر اۋدارىلعان حالىق، ٴبارىڭ دە ەحوبانىڭ سوزىنە قۇلاق تۇرىڭدەر. 21 اسكەرباسى ەحوبا، يسرايلدىڭ قۇدايى ٶزىنىڭ اتىنان جالعان پايعامبارلىق ايتىپ جۇرگەن+ قولايا ۇلى احاب پەن ماعاسەياح ۇلى سەدەكياعا قاتىستى مىنانى ايتادى: —مەن ولاردى بابىل پاتشاسى ناۆۋحودونوسوردىڭ قولىنا بەرەمىن. پاتشا ەكەۋىن كوز الدارىڭدا ولتىرەدى. 22 ولارمەن بولعان جاعداي بابىلعا جەر اۋدارىلعان ياھۋديلەردىڭ اراسىندا «ەحوبا سەنى بابىل پاتشاسى وتقا قاقتاعان سەدەكيا مەن احاب ىسپەتتى ەتسىن!» دەگەن قارعىس سوزگە اينالاتىن بولادى. 23 ويتكەنى ولار وزگەنىڭ ايەلىمەن ازعىندىق جاساپ، مەن بۇيىرماعان سوزدەردى ايتىپ، مەنىڭ اتىمنان جالعان پايعامبارلىق ەتىپ+، يسرايلدە ماسقارا ىستەر جاسادى+. مەن مۇنى بىلەمىن، ٵرى بۇعان ٶزىم كۋامىن+،— دەيدى ەحوبا.
24 ال نەحەلامدىق شەماياحقا+ 25 اسكەرباسى ەحوبا، يسرايلدىڭ قۇدايى ايتتى دەپ، بىلاي دە: —سەن ٶز اتىڭنان يەرۋساليمدەگى كۇللى جۇرتقا، ٴدىني قىزمەتكەر ماعاسەياح ۇلى سافونياعا+ جانە ٴدىني قىزمەتكەرلەردىڭ بارىنە حاتتار جولداپ، بىلاي دەپسىڭ: 26 ەحوبا سەنى، سافونيا، ٴدىني قىزمەتكەر ەحودايدىڭ ورنىنا ەحوبانىڭ ٷيىن باقىلايتىن ٴدىني قىزمەتكەر ەتىپ، پايعامبارشا ارەكەت ەتەتىن ٵربىر ەسى اۋىسقان ادامدى بۇعاۋعا وتىرعىزۋ ٷشىن، وعان كىسەن سالۋ ٷشىن قويدى+. 27 ارالارىڭدا پايعامبارشا ارەكەت ەتىپ جۇرگەن اناتوتتىق+ ەرەميانى نەگە جازالامايسىڭ+؟ 28 ول ٴتىپتى بابىلداعى بىزدەرگە: «سەندەر ۇزاق ۋاقىتقا جەر اۋدارىلدىڭدار. سوندىقتان ۇيلەر سوعىپ، سوندا تۇرىڭدار. باۋ-باقشا وتىرعىزىپ، جەمىسىن جەڭدەر+»،— دەپ ايتىپ جىبەرىپتى».
29 ٴدىني قىزمەتكەر سافونيا+ وسى حاتتى ەرەميا پايعامبارعا وقىپ بەرگەندە، 30 ەحوبا ەرەمياعا ٴسوزىن ارناپ بىلاي دەدى: 31 «جەر اۋدارىلعان حالىققا ەحوبا نەحەلامدىق شەماياح تۋرالى مىنانى ايتادى دە: —مەن جىبەرمەسەم دە، شەماياح پايعامبارلىق ەتىپ، سەندەردى وتىرىككە يلاندىرعىسى كەلدى+، 32 سوندىقتان ەحوبا مىنانى ايتادى: «مىنە، مەن نەحەلامدىق شەماياحتى جانە ونىڭ ٷرىم-بۇتاعىن جازالايمىن. مىنا حالىقتىڭ اراسىندا ونىڭ ۇرپاعىنان بىردە-بىرەۋ امان قالمايدى، ول حالقىما جاسايتىن يگىلىگىمنىڭ ەشقايسىسىن كورمەيدى،— دەيدى ەحوبا،— ويتكەنى ول جۇرتتى ەحوباعا قارسى بۇلىككە يتەرمەلەدى».