ۋاعىزداۋشى
8 دانا ادامعا كىم تەڭ كەلەدى؟ ماسەلەنىڭ شەشىمىن كىم بىلەدى؟ دانالىعى ادامنىڭ ٴجۇزىن جارقىراتادى، قاتال ٴتۇرىن جۇمسارتادى.
2 مەنىڭ ايتارىم مىناۋ: «قۇدايعا بەرگەن انتىڭ ٷشىن+ پاتشانىڭ بۇيرىقتارىن ورىندا+. 3 ونىڭ الدىنان كەتۋگە اسىقپا+. جاماندىقتى قۇپتاما+. ويتكەنى پاتشا قالاعانىنىڭ ٴبارىن ىستەي الادى. 4 پاتشانىڭ ٴسوزى ەكى ەتىلمەيدى+، ولاي بولسا، كىم وعان: —بۇل نە ىستەگەنىڭىز؟— دەي الادى؟»
5 بۇيرىقتى ورىندايتىن ادام ەش زيان شەكپەيدى+. دانانىڭ جۇرەگى دۇرىس ۋاقىت پەن ٴتارتىپتى* بىلەدى+. 6 ادامزاتتىڭ قيىنشىلىعى وتە كوپ بولعاندىقتان، ٵربىر ماسەلە ٶز ۋاقىتىندا، ٶز تارتىبىمەن شەشىلۋ كەرەك+. 7 الدا نە بولارىن ەشكىم دە بىلمەيدى، ەندەشە ونىڭ قالاي بولاتىنىن كىم ايتا الادى؟
8 ەشكىم رۋحقا* بيلىك جۇرگىزىپ، ونى ۇستاپ تۇرا المايتىنىنداي، ولەتىن كۇنگە دە ەشكىم بيلىك جۇرگىزە المايدى+. سوعىس كەزىندە ەشبىر سارباز قىزمەتىنەن بوساتىلمايتىنىنداي، زۇلىمدار زۇلىمدىعىنىڭ زاردابىنان قۇتىلمايدى*.
9 مەن وسىنىڭ ٴبارىن كوردىم، ٴسۇيتىپ، جارىق كۇن استىندا ىستەلىپ جاتقان ٵربىر ىسكە دەن قويعانىمدا، ادامنىڭ ادامعا بيلىك ەتۋى تەك زيان كەلتىرەتىنىن ٴتۇسىندىم+. 10 سونداي-اق قاسيەتتى ورىنعا كەلىپ-كەتىپ جۇرگەن زۇلىمداردىڭ جەرلەنگەنىن كوردىم. وزدەرى زۇلىمدىق جاساعان قالادا ولار تەز-اق ۇمىتىلىپ جاتتى+. بۇل دا بوس اۋرەشىلىك ەكەن.
11 قىلمىسى ٷشىن ادام تەز ارادا جازالانباعاندىقتان+، ونىڭ جۇرەگى جاماندىق جاساۋعا قۇنىعىپ كەتەدى+. 12 كۇناكار ٴجۇز رەت جاماندىق جاساپ، ۇزاق ٶمىر سۇرگەنىمەن، مەن مىنانى بىلەمىن: قۇدايدان قورقاتىندار تۇبىندە يگىلىك كورەدى، ويتكەنى ولار قۇدايدى قاستەرلەيدى+. 13 ال زۇلىم ادام تۇبىندە جاقسىلىق تا كورمەيدى+، كولەڭكە ىسپەتتى وتە شىعاتىن كۇندەرىن ۇزارتا دا المايدى+، ويتكەنى ول قۇدايدان قورىقپايدى.
14 جەر بەتىندە ادام ٷشىن بوس اۋرەشىلىك بولاتىن* تاعى ٴبىر جايت بار: زۇلىمدارعا ٴتيىستى جازانى ادىلدەر تارتىپ جاتادى+، ال ادىلدەرگە ٴتيىستى سي-قۇرمەتتى زۇلىمدار الىپ جاتادى+. مۇنىڭ دا بوس اۋرەشىلىك ەكەنىن ايتتىم.
15 سوندىقتان قۋانىپ-شاتتانۋعا كەڭەس بەرەمىن+، ويتكەنى جارىق كۇن استىندا ادام بالاسىنا ٸشىپ-جەپ، قۋانعاننان ارتىق ەشتەڭە جوق. مۇنى ول قۇدايدىڭ جارىق كۇن استىندا سيلاعان ومىرىندە ەڭبەك ەتە ٴجۇرىپ ىستەگەنى دۇرىس+.
16 مەن كۇندىز-ٴتۇنى ۇيقى كورمەي، دانالىقتى يەمدەنۋگە جانە ادام بالاسىنىڭ جەر بەتىندە اتقارىپ جاتقان بار قام-قارەكەتىن ۇعىنۋعا دەن قويدىم*+. 17 سوندا مەن قۇدايدىڭ بار ٸسىن قاراستىرىپ، مىناداي قورىتىندىعا كەلدىم: ادام بالاسى جارىق كۇن استىندا بولىپ جاتقانداردى تولىق تۇسىنە المايدى+. قانشا تىرىسقانىمەن، ٴبارىبىر ۇعا المايدى. ول ٴبارىن تانىپ-بىلۋگە دانالىعىم جەتەدى دەگەنىمەن، ناعىز ٴمانىن تۇسىنە المايدى+.