قولوستىقتارعا
1 قۇدايدىڭ ەركىمەن ٴماسىح يسانىڭ ەلشىسى بولعان پاۋىل جانە باۋىرلاسىمىز تىموتە+ 2 ٴماسىح يسامەن بايلانىستا جۇرگەن قولوستاعى قاسيەتتى دە ادال باۋىرلاستارعا جازىپ وتىر.
قۇداي اكەمىز سەندەرگە راقىمى مەن تىنىشتىعىن سيلاسىن!
3 سەندەر ٷشىن دۇعا ەتكەن سايىن، يەمىز يسا ٴماسىحتىڭ اكەسى قۇدايعا ۇنەمى العىس ايتامىز. 4 سەندەردىڭ ٴماسىح يسانىڭ ٸزباسارلارى رەتىندەگى سەنىمدەرىڭ مەن بارلىق قاسيەتتىلەرگە دەگەن سۇيىسپەنشىلىكتەرىڭ جايلى ەستىدىك. 5 ال بۇل سەنىمدەرىڭ مەن سۇيىسپەنشىلىكتەرىڭ وزدەرىڭ ٷشىن كوكتە ساقتاۋلى تۇرعان ۇمىتكە نەگىزدەلگەن+. وسى ٷمىت جايلى سەندەر ىزگى حاباردىڭ شىنايى سوزدەرىن ەستىگەندە بىلدىڭدەر. 6 وزدەرىڭە جەتكەن وسى ىزگى حابار بۇكىل دۇنيەدە قالاي جەمىس بەرىپ، قالاي تارالىپ جاتقان بولسا+، قۇدايدىڭ راقىمى تۋرالى شىندىقتى ەستىگەن جانە سول جايلى تۋرا ٴبىلىم العاننان بەرى سەندەردىڭ ارالارىڭدا دا تاپ سولاي بولۋدا. 7 بۇل راقىم جايىندا سەندەر ٶزىمىز سياقتى قۇل، سۇيىكتى ەپافراستان+ بىلدىڭدەر. ول — ٴبىزدىڭ ورنىمىزعا وزدەرىڭە قىزمەت ەتىپ جۇرگەن ٴماسىحتىڭ ادال قىزمەتشىسى. 8 رۋح ارقىلى دامىتقان سۇيىسپەنشىلىكتەرىڭدى بىزگە سول ايتىپ جەتكىزدى.
9 سوندىقتان دا بۇل تۋرالى ەستىگەن كۇننەن باستاپ، سەندەر ٷشىن قۇدايعا ۇنەمى دۇعا ەتىپ+، ونىڭ ەركى جايلى تۋرا بىلىمدەرىڭ ارتا بەرسىن+، ٵرى دانالىق پەن كيەلى رۋح بەرەتىن تۇسىنىككە يە بولسىن دەپ سۇرايمىز+. 10 ٴبىز ەحوبانىڭ* ەسىمىنە لايىقتى ٶمىر ٴسۇرىپ، وعان بارلىق جاعىنان ۇنامدى ٵرى ٵربىر يگى ىستە جەمىستى بولساڭدار ەكەن، سونداي-اق قۇداي جايلى تۋرا بىلىمدەرىڭ تەرەڭدەي تۇسسە ەكەن دەيمىز+. 11 سەندەر ونىڭ ۇلى قۇدىرەتىنەن قاجەتتى كۇش الىپ+، بارىنە شىدامدىلىقپەن جانە قۋانىشپەن ٴتوزسىن 12 ٵرى جارىقتاعى قاسيەتتىلەردىڭ مۇراسىنا+ ورتاقتاسۋعا وزدەرىڭدى لايىق ەتكەن اكەگە ٵردايىم العىس ايتسىن دەپ دۇعا ەتۋدەمىز.
13 ول ٴبىزدى تۇنەكتىڭ بيلىگىنەن قۇتقارىپ+، سۇيىكتى ۇلىنىڭ پاتشالىعىنا ەنگىزدى. 14 ٴبىز ونىڭ ۇلىنىڭ تولەمى ارقىلى ازات ەتىلدىك، ياعني كۇنالارىمىز كەشىرىلدى+. 15 ول — كوزگە كورىنبەيتىن قۇدايدىڭ كەيپى+، جاراتىلىس اتاۋلىنىڭ تۇڭعىشى+. 16 ويتكەنى كوكتەگى مەن جەردەگىنىڭ، كوزگە كورىنەتىن مەن كورىنبەيتىننىڭ — تاقتار، بيلەۋشىلەر، ۇكىمەتتەر مەن باسشىلاردىڭ — ٴبارى سول ارقىلى جاراتىلدى+. بارلىعى سول ارقىلى+ جانە سول ٷشىن جاراتىلدى. 17 سونداي-اق ول بارلىق نارسەدەن بۇرىن بار بولعان+، ٵرى باسقا نارسەلەردىڭ ٴبارى سول ارقىلى جاراتىلعان. 18 ول — دەنەنىڭ، ياعني قاۋىمنىڭ باسى+. بارلىق نارسەنىڭ العاشقىسى بولۋ ٷشىن ول ٴبارىنىڭ باستاماسى جانە ولىمنەن قايتا تىرىلگەندەردىڭ تۇڭعىشى بولدى+. 19 ويتكەنى قۇداي بارلىق نارسەنىڭ ونىڭ بويىندا تولىق بولعانىن+، 20 سونداي-اق ونىڭ ازاپ باعاناسىندا* توگىلگەن قانى+ ارقىلى جەردەگى مەن كوكتەگىنىڭ ٴبارىن وزىمەن تاتۋلاستىرۋدى ٴجون كوردى+.
21 كەزىندە قۇدايدان الشاق بولعان ٵرى زۇلىم ىستەر جونىندە ويلاپ ونىمەن جاۋلاسىپ جۇرگەن سەندەردى 22 ەندى ول ۇلىنىڭ تاندىك دەنەسى، ياعني ٶلىمى، ارقىلى وزىمەن تاتۋلاستىردى. قۇداي مۇنى ٶزىنىڭ الدىندا قاسيەتتى، تازا ٵرى ەش ايىپسىز بولۋلارىڭ ٷشىن ىستەدى+. 23 ال بۇل ٷشىن سەندەر سەنىمدەرىڭدى ساقتاپ+، نەگىزدەرىڭدە نىق تۇرىپ+، بەرىك بولۋلارىڭ+، ٵرى وزدەرىڭ ەستىگەن جانە بارلىق جەردە ۋاعىزدالعان+ وسى ىزگى حابارعا نەگىزدەلگەن ۇمىتتەن تايماۋلارىڭ كەرەك. مەن، پاۋىل، وسى ىزگى حاباردى ۋاعىزدايتىن قىزمەتشى بولدىم+.
24 قازىر سەندەر ٷشىن ازاپ شەگىپ جاتقانىما قۋانامىن+، ٴبىراق ٴماسىحتىڭ دەنەسىنىڭ، ياعني قاۋىمنىڭ+، مۇشەسى رەتىندە مەن ٵلى جەتكىلىكتى ازاپ شەككەن جوقپىن دەپ ەسەپتەيمىن+. 25 مەن وسى قاۋىمنىڭ قىزمەتشىسى بولدىم، ويتكەنى سەندەردىڭ يگىلىكتەرىڭ ٷشىن قۇداي ماعان مىندەت جۇكتەپ+، ٶز ٴسوزىن تولىقتاي ۋاعىزداۋدى، 26 ياعني قاسيەتتى قۇپيانى+ ۋاعىزداۋدى تاپسىردى. بۇل قۇپيا بۇرىنعى زامانداردا* جانە وتكەن ۇرپاقتارعا جاسىرىن بولىپ كەلدى+، ال ەندى ونىڭ قاسيەتتى قىزمەتشىلەرىنە اشىلدى+. 27 قۇداي ولارعا قاسيەتتى قۇپيانىڭ زور بايلىعىن باسقا ۇلتتار اراسىندا اشىپ بەرۋدى دۇرىس كوردى+. بۇل قۇپيا — وزدەرىڭمەن بايلانىستاعى ٴماسىح، ياعني ونىمەن بىرگە داڭققا بولەنۋ ٷمىتى+. 28 ٴبىز ٴماسىح جايىندا جاريالاپ، ٵربىر ادامعا ەسكەرتۋ جاساپ، بارىنشا دانالىقپەن ٴتالىم بەرىپ ٴجۇرمىز. بۇنى قۇداي الدىندا ٵربىر ادامدى ٴماسىحتىڭ رۋحاني تولىسقان شاكىرتى ەتۋ ٷشىن ىستەۋدەمىز+. 29 وسى ٷشىن مەن بويىمدا ارەكەت ەتىپ جاتقان قۇدايدىڭ كۇشىنە سۇيەنىپ، جان سالا ەڭبەك ەتىپ ٴجۇرمىن+.