جوحاننىڭ 2-حاتى
1 قۇداي تاڭداعان حانىم مەن ونىڭ بالالارىنا اقساقال جازىپ وتىر. مەن سەندەردى شىن جۇرەكتەن جاقسى كورەمىن، مەن عانا ەمەس، شىندىقتى بىلگەندەردىڭ بارلىعى دا جاقسى كورەدى. 2 ويتكەنى ٴبارىمىزدىڭ جۇرەگىمىزدە شىندىق بار، ٵرى ماڭگى بولا بەرمەك. 3 شىندىق پەن سۇيىسپەنشىلىك، سونداي-اق قۇداي اكە مەن ونىڭ ۇلى يسا ٴماسىحتىڭ راقىمى، مەيىرىمى مەن تىنىشتىعى بىزبەن بىرگە بولادى.
4 بالالارىڭنىڭ كەيبىرى اكەدەن العان وسيەتكە ساي شىندىق جولىندا جۇرگەنىن ٴبىلىپ، قاتتى قۋاندىم+. 5 حانىم، وسى حاتىمدا ٴبىر-ٴبىرىمىزدى سۇيۋگە قاتىستى وسيەتتى ورىنداۋىڭدى ٶتىنىپ وتىرمىن. بۇل وسيەت جاڭا ەمەس، ول بىزدە باستاپقىدان-اق بار+. 6 سۇيىسپەنشىلىك دەگەنىمىز — اكەنىڭ وسيەتتەرى بويىنشا ٴجۇرۋ+. وزدەرىڭ باستاپقىدا ەستىگەن ونىڭ وسى وسيەتىنە ساي، ٵرى قاراي دا سۇيىسپەنشىلىك تانىتىپ ٶمىر سۇرىڭدەر. 7 دۇنيەدە كوپتەگەن الداۋشىلار پايدا بولدى+. ولار يسا ٴماسىحتىڭ ادام بولىپ كەلگەنىن مويىندامايدى+. مۇنداي ادام — الداۋشى جانە ماسىحكە قارسى شىعۋشى+.
8 ەڭبەگىمىز زايا كەتپەي، سيدى تولىقتاي الۋلارىڭ ٷشىن+، وزدەرىڭە ساق بولىڭدار. 9 ٴماسىحتىڭ ٸلىمىن ۇستانباي، كيىپ-جارىپ العا ۇمتىلاتىن ادامنىڭ قۇدايمەن قاتىناسى جوق+. ال وسى ٸلىمدى ۇستاناتىن ادامنىڭ اكەمەن دە، ونىڭ ۇلىمەن دە قاتىناسى بار+. 10 ەگەر سەندەرگە كەلگەن بىرەۋ وسى ٸلىمدى اكەلمەسە، ونى ۇيلەرىڭە كىرگىزبەڭدەر+، سالەمىن دە الماڭدار. 11 ويتكەنى ونىمەن سالەمدەسكەن ادام ونىڭ زۇلىم ىستەرىنە ورتاقتاسادى.
12 سەندەرگە ايتارىم كوپ بولعانىمەن، ونىڭ ٴبارىن سيامەن قاعازعا جازعىم كەلمەدى. ويتكەنى وزدەرىڭە بارىپ، جۇزبە-ٴجۇز سويلەسەمىن دەپ ۇمىتتەنەمىن. سوندا زور قۋانىشقا كەنەلەسىڭدەر.
13 قۇداي تاڭداعان اپكەڭنىڭ بالالارى ساعان سالەم ايتىپ جاتىر.