مۇسانىڭ 5-جازباسى
31 سودان كەيىن مۇسا كۇللى يسرايلگە بىلاي دەدى: 2 «مىنە، مەن 120 جاسقا كەلدىم+. بۇدان بىلاي سەندەردى باستاپ جۇرە المايمىن، ويتكەنى ەحوبا ماعان: —يورداننىڭ ارعى بەتىنە وتپەيسىڭ،— دەگەن+. 3 سەندەردى ارعى بەتكە ەحوبا قۇدايلارىڭنىڭ ٶزى الىپ وتەدى. ول الدارىڭداعى حالىقتاردى باعىندىرىپ بەرەدى، ال سەندەر ولاردىڭ كوزىن قۇرتاسىڭدار+. ەحوبا ايتقانداي، ارعى بەتكە سەندەردى ەشۋا باستاپ بارادى+. 4 امورلىقتاردىڭ پاتشالارى سيحون مەن وگقا جانە ولاردىڭ ەلىنە جاساعانىن+ ەحوبا سول حالىقتارعا دا جاساپ، قۇرتىپ جىبەرەدى+. 5 ەحوبا سەندەرگە جەڭىس بەرەدى، سوندا ولارعا مەن وزدەرىڭە بەرگەن زاڭدارعا ساي ىستەڭدەر+. 6 باتىل دا بەرىك بولىڭدار+! ولاردان قورقىپ، زارەلەرىڭ ۇشپاسىن+، ويتكەنى ەحوبا قۇدايلارىڭ سەندەرمەن بىرگە جۇرەدى. ول سەندەردى ەشقاشان تاستامايدى، جالعىز قالدىرمايدى+».
7 سوسىن مۇسا ەشۋانى شاقىرىپ الىپ، يسرايل حالقىنىڭ الدىندا وعان: «باتىل دا بەرىك بول+! ويتكەنى مىنا حالىقتى ەحوبا اتا-بابالارىنا ۋادە ەتكەن ولكەگە اپاراتىن — سەنسىڭ. سول جەردى ولاردىڭ يەلىكتەرىنە ٴبولىپ بەرەسىڭ+. 8 ەحوبانىڭ ٶزى الدىڭدا ٴجۇرىپ وتىرادى، ٵرى ساعان ٵردايىم جار بولادى+. سەنى ەشقاشان تاستامايدى، جالعىز قالدىرمايدى. سوندىقتان قورقىپ، زارەڭ ۇشپاسىن+»،— دەدى.
9 سوسىن مۇسا وسى زاڭدى جازىپ+، ەحوبانىڭ كەلىسىم ساندىعىن كوتەرىپ جۇرەتىن لەۋىلىك ٴدىني قىزمەتكەرلەرگە جانە يسرايلدىڭ كۇللى اقساقالدارىنا تابىستاپ، 10 ولارعا بىلاي دەپ بۇيىردى: «ٵربىر جەتىنشى جىلدىڭ سوڭىندا، قارىز كەشىرۋگە بەلگىلەنگەن جىلى+، كۇركەلەر مەيرامىندا+، 11 كۇللى يسرايل ەحوبا قۇدايلارىنىڭ الدىنا+، ٶزى تاڭداعان جەرگە جينالعاندا، وسى زاڭدى ٴدۇيىم جۇرتقا ەستىرتىپ وقيتىن بولىڭدار+. 12 بۇكىل حالىقتى: ەرلەر مەن ايەلدەردى، بالا-شاعانى، قالالارىڭدا تۇرىپ جاتقان جاتجەرلىكتەردى — جيناڭدار+. ولار وسى زاڭدى تىڭداپ، ەحوبا قۇدايلارىڭنان قورقۋدى جانە سوندا ايتىلعانداردى ۇقىپتىلىقپەن ورىنداۋدى ۇيرەنسىن. 13 يورداننىڭ ارعى بەتىنە ٶتىپ، يەمدەنگەن جەردە تۇرىپ جاتقاندارىڭدا+، وسى زاڭدى بىلمەيتىن ۇرپاقتارىڭ دا ونى تىڭداپ+، ٶمىر بويى ەحوبا قۇدايلارىنان قورقۋدى ۇيرەنەتىن بولسىن».
14 سودان سوڭ ەحوبا مۇساعا: «مىنە، كوز جۇماتىن ۋاقىتىڭ تاياپ قالدى+. ەشۋانى شاقىر دا، ەكەۋىڭ كەزدەسۋ شاتىرىنىڭ الدىندا تۇرىڭدار. مەن ونى باسشى ەتىپ تاعايىندايمىن+»،— دەدى. مۇسا مەن ەشۋا كەزدەسۋ شاتىرىنىڭ الدىنا بارىپ تۇردى. 15 سوندا بۇلت باعاناسىنان ەحوبانىڭ ۇلىلىعى كورىندى. سوسىن بۇلت باعاناسى شاتىردىڭ كىرەبەرىسىنە بارىپ تۇردى+.
16 ەحوبا مۇساعا بىلاي دەدى: «مىنە، اتا-باباڭا قوسىلاتىن ۋاقىتىڭ تايادى. مىنا حالىق وزدەرى بارا جاتقان جەردەگى حالىقتاردىڭ قۇدايلارىنا تابىنىپ، ازعىندىق جاسايتىن بولادى+. مەنىمەن جاساسقان كەلىسىمدى بۇزىپ، مەنى تاستاپ كەتەدى+. 17 سوندا قاھارىمدى توگىپ+، وزدەرىن تاستاپ كەتەمىن+، جويىلىپ كەتكەندەرىنشە، بەت-ٴجۇزىمدى جاسىرامىن+. باستارىنا نەبىر اپات پەن قاسىرەت تۇسكەندە+، ولار: —باسىمىزعا وسى باقىتسىزدىقتىڭ ٴبارى قۇداي ارامىزدا بولماعاندىقتان ٴتۇسىپ جاتىر ەمەس پە+؟!— دەيتىن بولادى. 18 ولار بوتەن تاڭىرلەرگە بەت بۇرىپ، زۇلىمدىق جاساعاندىقتان، مەن ٵرى قاراي دا ولاردان ٴجۇزىمدى جاسىرامىن+.
19 ەندەشە، مىنا جىردى جازىپ+، يسرايل حالقىنا ۇيرەت+، ولار جاتتاپ السىن. ويتكەنى بۇل جىر يسرايل حالقىنىڭ ەسىنە مەنىڭ ەسكەرتۋلەرىمدى سالىپ تۇراتىن بولادى+. 20 مەن ولاردى اتا-بابالارىنا ۋادە ەتكەن+، اعى مەن بالى اعىل-تەگىل مول جەرگە الىپ كىرەمىن+. سوندا ولار تويىنا ٸشىپ-جەپ، سەمىرگەننەن كەيىن+، بوتەن تاڭىرلەرگە بەت بۇرىپ، قۇلشىلىق ەتە باستايدى، ٴسۇيتىپ، مەنى قاستەرلەمەي، كەلىسىمىمدى بۇزادى+. 21 باستارىنا ٴتۇرلى اپات پەن قاسىرەت تۇسكەندە+، وسى جىر ولارعا ەسكەرتۋ بولادى (سەبەبى ۇرپاقتارى ونى ۇمىتپاي، ايتىپ جۇرەدى). مەن ولاردىڭ پيعىلى قازىردىڭ وزىندە، ۋادە ەتكەن جەرگە اپارماي تۇرىپ-اق، قانداي ەكەنىن كورىپ تۇرمىن+».
22 سول كۇنى مۇسا وسى جىردى جازىپ، يسرايلدىكتەرگە ۇيرەتتى.
23 ول* نۇن ۇلى ەشۋانى باسشى ەتىپ تاعايىنداپ+، وعان: «باتىل دا بەرىك بول+! ويتكەنى يسرايلدىكتەردى مەن ۋادە ەتكەن جەرگە سەن الىپ باراسىڭ+، مەن ساعان ٵردايىم جار بولامىن»،— دەدى.
24 مۇسا وسى زاڭدى كىتاپ بەتىنە تۇسىرگەن سوڭ+، 25 ەحوبانىڭ كەلىسىم ساندىعىن الىپ جۇرەتىن لەۋىلىكتەرگە بىلاي دەپ بۇيىردى: 26 «مىنا زاڭ كىتابىن+ الىپ، ەحوبا قۇدايلارىڭنىڭ كەلىسىم ساندىعىنىڭ جانىنا قويىڭدار+. ول سەندەرگە قارسى ايعاق بولادى. 27 ويتكەنى سەندەردىڭ بۇلىكشىل+، قىڭىر+ ەكەندەرىڭدى جاقسى بىلەمىن. كوزىم ٴتىرى كەزىندە ەحوباعا قارسى شىعىپ، وسىنشاما بۇلىكشىل بولساڭدار، مەن ولگەن سوڭ بۇدان بەتەر بولمايسىڭدار ما؟! 28 رۋباسىلارىڭ مەن باسشىلارىڭدى تۇگەل قاسىما جيناڭدار. مەن ولارعا وسى سوزدەردى جاريالاپ، كوك پەن جەردى* ولارعا قارسى كۋا بولۋعا شاقىرامىن+. 29 سەبەبى مەن كوز جۇمعان سوڭ، سەندەردىڭ زۇلىم ىستەر جاساپ+، نۇسقاعان جولىمنان تايىپ كەتەتىندەرىڭدى جاقسى بىلەمىن. ەحوبانىڭ كوز الدىندا جاماندىق جاساپ، ىستەگەن ىستەرىڭمەن ونى رەنجىتەتىندىكتەن، بولاشاقتا اپاتقا ۇشىرايسىڭدار+».
30 بۇدان كەيىن مۇسا كۇللى يسرايل قاۋىمىنا ەستىرتىپ، كەلەسى جىردى تۇگەل ايتىپ بەردى+.