تيتكە
3 مىنالاردى ٵرى قاراي دا ەستەرىنە سالا بەر: ولار ۇكىمەت پەن بيلىك يەلەرىنە باعىنسىن+، مويىنسۇنسىن، بارشا يگى ىسكە دايىن بولسىن، 2 ەشكىمدى تىلدەمەسىن، داۋكەس بولماي، قايتا، بارىنە بىردەي جۇمساقتىق تانىتسىن+، ەستى*+ بولسىن. 3 سەبەبى ٴبىز دە كەزىندە تۇيسىكسىز، ٴتىلازار بولدىق، اداسىپ جۇردىك، ٴتۇرلى قالاۋىمىز بەن قۇمارلىقتارىمىزدىڭ قۇلى بولدىق، زۇلىمدىق پەن قىزعانىشقا بەرىلىپ ٶمىر كەشتىك، وزگەلەرگە جەكسۇرىن بولدىق، ٴبىر-ٴبىرىمىزدى دە جەك كوردىك.
4 الايدا قۇتقارۋشى قۇدايىمىزدىڭ مەيىرىمى+ مەن ادامزاتقا دەگەن سۇيىسپەنشىلىگى كورسەتىلگەندە، 5 ول ٴبىزدى قانداي دا ٴبىر ٵدىل ىستەرىمىز ٷشىن ەمەس+، مەيىرىمدى بولعاندىقتان قۇتقاردى+. مۇنى ول ٴبىزدى ومىرگە اكەلۋ ٷشىن تازارتۋ*+ جانە كيەلى رۋحپەن جاڭارتۋ ارقىلى ىستەدى+. 6 قۇتقارۋشى يسا ٴماسىح ارقىلى ول بىزگە كيەلى رۋحىن مولىنان بەردى+. 7 ٴبىز ونىڭ راقىمىمەن ٵدىل دەپ جاريالانعاننان كەيىن+، ۇمىتىمىزگە ساي، ماڭگىلىك ٶمىردى+ مۇرا ەتەمىز+.
8 بۇل — سەنىم ارتۋعا تۇراتىن سوزدەر. قۇدايعا سەنەتىندەر ىزگى ىستەر جاساي بەرۋگە دەن قويۋ ٷشىن، وسى جايتتارعا ٵردايىم باسا نازار اۋدارعانىڭدى قالايمىن. ويتكەنى بۇلار ادامدارعا ىزگىلىكتى ٵرى پايدالى.
9 ٴمانسىز ايتىستاردان، شەجىرەلەردى زەرتتەۋدەن، داۋلاسۋدان، زاڭ تۋرالى تارتىستاردان اۋلاق بول. ولار ەش پايداسىز، بوس اۋرەشىلىك+. 10 سەكتا قۇراتىن+ اركىمگە ٴبىر-ەكى رەت ەسكەرتۋ جاسا+، تىڭداماسا، ونىمەن بايلانىستى ٷز+. 11 مۇنداي ادامنىڭ جولدان اداسىپ، كۇنا جاساپ جۇرگەنىن ٵرى ٶز ۇكىمىن ٶزى شىعارعانىن بىلەسىڭ.
12 ارتەمانى نە تيحيكتى+ ساعان جىبەرگەنىمدە، مۇمكىندىگىنشە، نيكوپولعا كەلۋگە تىرىس، سەبەبى مەن سول جەردە قىستاپ شىعۋدى شەشتىم. 13 زاڭدى جەتىك بىلەتىن زەناعا جانە اپوللوسقا جولدارىنا قاجەتتىنىڭ ٴبارىن جاقسىلاپ دايىنداپ بەرۋگە تىرىس+. 14 ٴبىزدىڭ باۋىرلاستار دا ٶز مۇقتاجدىقتارىن قاناعاتتاندىرۋ ٷشىن يگى ىستەر جاساي بەرۋدى ۇيرەنسىن+، سوندا قىزمەتتەرى ٶنىمدى بولادى+.
15 قاسىمداعىلاردىڭ ٴبارى دە ساعان سالەم ايتىپ جاتىر. ٴبىزدى جاقسى كورەتىن باۋىرلاستارعا سالەمىمدى جەتكىز.
بارلىعىڭا قۇدايدىڭ راقىمى جاۋسىن!