يشايا
9 ٴبىراق بۇل تۇنەك كەزىندە زابۋلون جەرى مەن نافتاليم جەرى قاسىرەتكە ۇشىراپ، ماسقارا بولعان كەزدەگىدەي بولمايدى+. كەيىنگى ۋاقىتتا تەڭىز بويىنداعى جول، يوردان ايماعى، باسقا ۇلتتار مەكەندەيتىن عاليلەيا قۇرمەتكە بولەنەدى.
2 تۇنەكتە جۇرگەندەر عالامات نۇردى كوردى.
قويۋ قاراڭعىلىق باسقان جەردە تۇراتىندارعا نۇر توگىلدى+.
3 سەن بۇل حالىقتى كوبەيتتىڭ،
ونى زور قۋانىشقا بولەدىڭ.
ولار سەنىڭ الدىڭدا ناۋقان كەزىندەگىدەي،
قۋانا ولجا بولىسكەندەگىدەي شاتتانادى.
4 ويتكەنى سەن ولاردىڭ اۋىر مويىنتۇرىعىن*،
يىقتارىنداعى تاياقتى، جۇمىسقا سالۋشىنىڭ توقپاعىن،
ماديان جەڭىلگەن كۇندەگىدەي تاس-تالقان ەتتىڭ+.
5 جەردى دىرىلدەتە باسقان ٵربىر اياقكيىمدى،
قانعا مالىنعان ٵربىر كيىمدى وت جالمايدى.
6 ٴبىز ٷشىن بالا تۋىلدى+،
بىزگە ۇل بالا سيعا بەرىلدى.
ونىڭ موينىنا* بيلىك قۇرۋ مىندەتى جۇكتەلەدى+.
ەسىمى ونىڭ كەرەمەت كەڭەسشى+، كۇشتى قۇداي*+، ماڭگىلىك اكە، تىنىشتىق بەكزاداسى بولادى.
7 ول ٴداۋىتتىڭ تاعى مەن پاتشالىعىن يەمدەنىپ+،
بيلىگى كەڭ جايىلادى،
سوندا ماڭگىلىك بويى تىنىشتىق ورنايدى+.
پاتشالىق بيلىگى قازىردەن باستاپ ماڭگى باقي
ادىلدىك+ پەن تۋرالىق+ ارقىلى
بەرىك ورنىعىپ+، نىعايۋ ٷشىن سولاي بولادى.
اسكەرباسى ەحوبا بۇنى قۇلشىنا جۇزەگە اسىرادى.
8 ەحوبا جاقىپقا قارسى ٴسوزىن جىبەردى،
ٵرى بۇل يسرايلدىڭ باسىنا كەلدى+.
9 بۇل بۇكىل حالىققا،
ەفرەمگە دە، ساماريا تۇرعىندارىنا دا ٴمالىم بولادى.
ويتكەنى ولار تاكاپپارلانا، ورەسكەلدىكپەن بىلاي دەيدى:
10 «كىرپىشتەر قۇلادى،
ٴبىراق ٴبىز قاشالعان تاستان سوعىپ الامىز+.
ٸنجىر اعاشتارى شابىلدى،
ٴبىراق ٴبىز ولاردى قاراعايمەن الماستىرامىز».
11 ەحوبا رەسيننىڭ دۇشپاندارىن ەفرەمگە قارسى كوتەرەدى،
جاۋلارىن سوعىسقا قامداندىرىپ،
12 شىعىستان سيريانى، باتىستان فىلىستىرلەردى اتتاندىرادى+،
ولار اراندارىن اشىپ، يسرايلدى جالماپ قويادى+.
سوندىقتان قۇدايدىڭ قاھارى باسىلمايدى،
ونىڭ قولى جازالاۋ ٷشىن ٵلى دە سوزۋلى تۇر+.
13 ويتكەنى حالىق ٶزىن جازالاپ جاتقان قۇدايعا بەت بۇرمادى،
اسكەرباسى ەحوبانى ىزدەمەدى+.
15 باس — اقساقال مەن سيلى ادام،
قۇيرىق — جالعان نۇسقاۋ بەرەتىن پايعامبار+.
16 حالىقتى باسقارىپ وتىرعاندار ونى اداستىرۋدا،
ولارعا ەرگەندەر ابدىراپ قالدى.
17 مىنە، سول سەبەپتى ەحوبا ولاردىڭ جىگىتتەرىنە قۋانبايدى،
جەتىمدەر مەن جەسىرلەرگە مەيىرىمدىلىك تانىتپايدى.
ويتكەنى ولاردىڭ ٴبارى قۇدايدان بەزگەندەر، قىلمىسكەرلەر+؛
اۋىزدارىنان تەك ٴمان-ماعىناسىز ٴسوز شىعادى.
سوندىقتان قۇدايدىڭ قاھارى باسىلمايدى،
ونىڭ قولى جازالاۋ ٷشىن ٵلى دە سوزۋلى تۇر+.
18 زۇلىمدىق ٶرت ىسپەتتى قاۋلاپ،
تىكەندى بۇتالار مەن ٵرامشوپتى جالمايدى.
ورمان بۇتالارى ورتكە ورانادى،
ولاردان شىققان ٴتۇتىن بۋداقتاپ جوعارى كوتەرىلەدى.
19 اسكەرباسى ەحوبانىڭ قاھارىنان جەر ورتكە ورانىپ،
ادامداردى وت جالمايدى.
ەشكىم ٶز باۋىرىن ايامايدى.
20 ٴبىرى وڭ جاعىنان كەسىپ جەيدى،
ٴبىراق ٴبارىبىر اش بولادى.
ەكىنشىسى سول جاعىنان كەسىپ جەيدى،
ٴبىراق ٴبارىبىر تويمايدى.
ٴارقايسىسى ٶز قولىنىڭ ەتىن اسايدى:
21 ماناسا ەفرەمدى،
ەفرەم ماناسانى جالمايدى.
ەكەۋى بىرىگىپ، ياھۋداعا قارسى اتتانادى+.
سوندىقتان قۇدايدىڭ قاھارى باسىلمايدى،
ونىڭ قولى جازالاۋ ٷشىن ٵلى دە سوزۋلى تۇر+.