10-ساباق
ينتوناسيا
ناقىل سوزدەر 8:3، 4، 7
ساباقتىڭ باستى ويى: داۋىس كۇشىن، داۋىس سارىنى (تون) مەن سويلەۋ قارقىنىن (تەمپ) وزگەرتە وتىرىپ، ويلاردى انىق جەتكىزىڭىز جانە تىڭداۋشىلاردىڭ سەزىمدەرىنە اسەر ەتىڭىز.
ۇيرەنۋ جولدارى:
داۋىس كۇشىن وزگەرتىپ وتىرۋ. باستى ويلارعا ەكپىن ٴتۇسىرۋ ٷشىن يا تىڭداۋشىلاردى ٸس-ارەكەتكە تالپىندىرۋ ٷشىن داۋسىڭىزدى كۇشەيتىڭىز. كيەلى كىتاپتاعى ۇكىمدەردى وقىعاندا دا وسىلاي ىستەڭىز. تىڭداۋشىلاردى قىزىقتىرۋ ٷشىن نەمەسە قورقىنىش پەن ۋايىمدى جەتكىزۋ ٷشىن داۋىستى باسەڭدەتىڭىز.
داۋىس سارىنىن وزگەرتىپ وتىرۋ. شابىتتى جەتكىزۋ ٷشىن نەمەسە كولەم مەن قاشىقتىقتى سۋرەتتەۋ ٷشىن داۋىس سارىنىن كوتەرىڭىز. ال ۋايىم-قايعى، مازاسىزدىق سياقتى سەزىمدەردى جەتكىزگىڭىز كەلسە، داۋىس سارىنىن تومەندەتىڭىز.
داۋىس قارقىنىن وزگەرتىپ وتىرۋ. قۋانىش پەن شاتتىقتى كورسەتۋ ٷشىن ٴسال شيراق سويلەڭىز. ماڭىزدى ويلاردى ايتىپ جاتقاندا، باياۋلاۋ سويلەڭىز.