9-ساباق
قاۋىم كەزدەسۋىنە دايىندالۋدىڭ ٴتيىمدى جولى قانداي؟
كامبودجا
ۋكراينا
ەحوبا كۋاگەرلەرىمەن كيەلى كىتاپتى زەرتتەپ جۇرگەن بولساڭىز، ٵر ساباققا الدىن الا دايىندالۋعا تىرىساتىن شىعارسىز. قاۋىم كەزدەسۋلەرىنە دە ٴدال سولاي دايىندالىپ بارساڭىز، مۇنىڭ كوپ پايداسىن كورەتىنىڭىز ٴشۇباسىز. بۇل ٷشىن جاقسىلاپ جوسپار قۇرىپ العانىڭىز ماڭىزدى.
قاشان جانە قاي جەردە دايىندالاتىنىڭىزدى شەشىپ الىڭىز. ٴسىز قاي كەزدە زەيىن قويىپ وقي الاسىز: تاڭ سارىدە جۇمىس كۇنى باستالماي تۇرىپ پا، الدە كەشكە بالالار ۇيىقتاعان سوڭ با؟ ۇزاق ۋاقىت وتىرىپ دايىندالۋعا مۇمكىندىگىڭىز بولماسا، ٶز جاعدايىڭىزعا قاراي قانشا ۋاقىت بولە الاتىنىڭىزدى شەشىپ الىپ، سونى بەرىك ۇستانۋعا تىرىسىڭىز. تىنىش جەرگە بارىڭىز دا، راديو، تەلەديدار جانە ۇيالى تەلەفون سياقتى الاڭداتاتىن قۇرىلعىلاردى ٶشىرىپ قويىڭىز. دايىندىقتىڭ الدىندا دۇعا ەتىپ العانىڭىز سول كۇنگى ۋايىمدارىڭىزدى ۇمىتىپ، بار نازارىڭىزدى قۇداي سوزىنە اۋدارۋعا كومەكتەسەدى (فىلىپىلىكتەرگە 4:6، 7).
جاۋاپتاردىڭ استىن سىزىپ، تۇسىنىكتەمە بەرۋگە دايىندالىڭىز. الدىمەن ماقالا نە تاراۋ جايلى جالپى ماعلۇمات العانىڭىز جاقسى. ونىڭ نەگىزگى تاقىرىبى تۋرالى جانە ٵر تاقىرىپشانىڭ وسى تاقىرىپپەن قانداي بايلانىسى بار ەكەنىن ويلانىڭىز. سونداي-اق ٵربىر سۋرەتتى جانە نەگىزگى ويلاردى اشاتىن قايتالاۋعا ارنالعان سۇراقتاردى قاراپ شىعىڭىز. سوسىن ابزاستاردى وقىپ، سولارعا بەرىلگەن سۇراقتارعا جاۋاپ بەرىپ كورىڭىز. سوندا كورسەتىلگەن جازبا ورىندارىن دا اشىپ وقىپ، ولاردىڭ ابزاستاعى ويلاردى قالاي راستايتىنىن بايقاۋعا تىرىسىڭىز (ەلشىلەردىڭ ىستەرى 17:11). سۇراقتاردىڭ جاۋابىن تاپقان سوڭ، نەگىزگى سوزدەردىڭ نە تىركەستەردىڭ استىن سىزىپ قويعانىڭىز جاقسى. بۇل سىزگە تالقىلاۋ بارىسىندا سۇراقتىڭ جاۋابىن وڭاي ەسكە تۇسىرۋگە كومەكتەسەدى. قالاساڭىز، كەزدەسۋ كەزىندە قولىڭىزدى كوتەرىپ، ٶز سوزىڭىزبەن قىسقاشا تۇسىنىكتەمە بەرۋىڭىزگە بولادى.
قاۋىم كەزدەسۋلەرىندە اپتا سايىن تالقىلاناتىن ٵرتۇرلى تاقىرىپتاردى قاراستىرعانىڭىزدىڭ ارقاسىندا كيەلى كىتاپ شىندىقتارى ساقتالعان «قازىناڭىزعا» جاڭا ويلار قوساسىز (ماتاي 13:51، 52).
قاۋىم كەزدەسۋلەرىنە دايىندالۋدى قالاي جوسپارلاۋىڭىزعا بولادى؟
كەزدەسۋدە تۇسىنىكتەمە بەرە الۋ ٷشىن قالاي دايىندالعانىڭىز جاقسى؟