30-زەرتتەۋ ماقالاسى
97-ٵن قۇداي سوزىمەن ٶمىر ٴسۇرۋ
كيەلى كىتاپتاعى نەگىزگى شىندىقتار قاشاندا پايدالى
«ٴبارىن بىلسەڭدەر دە،.. شىندىقتا بەرىك تۇرساڭدار دا، ٴبارىبىر بۇلاردى ۇدايى ەستەرىڭە سالىپ وتىرماقپىن» (پەت. 2-ح. 1:12).
نەگىزگى وي
ەحوباعا قىزمەت ەتىپ جۇرگەنىمىزگە قانشا ۋاقىت بولماسىن، كيەلى كىتاپتاعى نەگىزگى شىندىقتار ارقاشان دا پايدالى.
1. كيەلى كىتاپتاعى نەگىزگى شىندىقتاردى بىلگەندە ٶمىرىڭىز قالاي وزگەردى؟
كيەلى كىتاپتاعى نەگىزگى شىندىقتاردى بىلگەندە، كوزىمىز اشىلىپ، ٶمىرىمىز تۇبەگەيلى وزگەردى. قۇدايدىڭ ەسىمى ەحوبا ەكەنىن العاش ەستىگەندە، ونى جانىمىزعا جاقىن تارتىپ، ونىمەن دوس بولىپ كەتتىك (يشايا 42:8). ومىردەن وتكەن جاقىندارىمىز و دۇنيەدە ازاپتالمايتىنىن ٴبىلىپ، ٴبىر جەڭىلدەپ قالدىق (ۋاع. 9:10). ال بۇكىل جەر بەتى جۇماققا اينالاتىنىن بىلگەندە، بولاشاعىمىز قانشالىقتى جارقىن ەكەنىن تۇسىندىك. سونداي-اق ادام دەمدە وتە شىعاتىن 70 نە 80-جىل ەمەس، ماڭگى ٶمىر سۇرەتىنىن بىلدىك (ٴزاب. 37:29؛ 90:10).
2. نەگىزگى شىندىقتار رۋحاني تولىسقان ماسىحشىلەر ٷشىن دە پايدالى ەكەنى پەتىردىڭ 2-حاتى 1:12، 13 تەن قالاي كورىنەدى؟
2 كيەلى كىتاپتاعى نەگىزگى شىندىقتاردىڭ كۇشىن ەلەمەي جۇرمەيىك. ەلشى پەتىر ٴتىپتى «شىندىقتا بەرىك تۇرعان» ماسىحشىلەرگە حات جازىپ، ولار ونسىز دا جاقسى بىلەتىن ىلىمدەردى ەستەرىنە سالعان (پەتىردىڭ 2-حاتى 1:12، 13 وقىڭىز). سول ۋاقىتتارى قاۋىمنىڭ ىشىندە جالعان ۇستازدار مەن قۇدايدان قورىقپايتىن ادامدار باۋىرلاستارعا رۋحاني قاۋىپ ٴتوندىرىپ تۇرعان ەدى (پەت. 2-ح. 2:1—3). پەتىر باۋىرلاستاردىڭ سەنىمىن نىعايتۋ ٷشىن كەيبىر ىلىمدەردى قايتادان ەستەرىنە سالدى. ويتكەنى سول ىلىمدەر ولارعا سوڭىنا دەيىن ادال تۇرۋعا كومەكتەسەتىنىنە سەنىمدى بولدى.
3. نەگە بارلىق ماسىحشىلەردىڭ نەگىزگى شىندىقتاردى ەستەن شىعارماي، وي جۇگىرتىپ جۇرگەندەرى ماڭىزدى؟ مىسال كەلتىرىڭىز.
3 رۋحاني تولىسقان سايىن، كيەلى كىتاپتاعى نەگىزگى شىندىقتاردى جاڭا قىرىنان كورە بەرەسىڭ. مىسالى، تاجىريبەلى اسپاز بەن اسپاز بولۋدى ەندى ۇيرەنىپ جۇرگەن ادامدى سالىستىرايىق. ەكەۋىنە بىردەي ازىق-تۇلىك بەرىلدى دەلىك. تاجىريبەلى اسپاز جىلدار بويى تاماق ىستەپ جۇرگەندىكتەن، سول ازىق-تۇلىكتەن نەشە ٴتۇرلى، كەرەك دەسەڭ، جاڭا تاعامدار دا دايىنداپ بەرە الادى. ال اسپاز بولۋدى ەندى ۇيرەنىپ جۇرگەن ادام بىردەن ولاي ەتە المايدى. تۋرا سول سياقتى، زەرتتەۋشىدەن ايىرماشىلىعى، ەحوباعا ۇزاق ۋاقىتتان بەرى قىزمەت ەتىپ جۇرگەن ٴماسىحشى نەگىزگى شىندىقتاردى جاڭا قىرىنان كورە الادى. ويتكەنى شومىلدىرۋ راسىمىنەن وتكەننەن كەيىن ول ٵرتۇرلى جاعدايلاردى باستان كەشەدى، ٴتۇرلى قىزمەتتەر اتقارىپ كورەدى. ومىردە وزگەرىستەر بولعان سايىن، جاڭا جاعدايدا نەگىزگى ىلىمدەردى جاڭا قىرىنان بايقاپ، ولاردىڭ پايداسىن جاڭاشا كورە بەرەدى. ال قازىر كەلەسى نەگىزگى ٷش شىندىقتان تولىسقان ماسىحشىلەر نە ۇيرەنە الاتىنىن كورەيىك.
ەحوبا — جاراتۋشى
4. «ەحوبا — جاراتۋشى» دەگەن نەگىزگى شىندىق ومىرىمىزگە قالاي اسەر ەتتى؟
4 كيەلى كىتاپتا ايتىلعانداي، «ٴبارىنىڭ جاراتۋشىسى — قۇداي» (ەۆر. 3:4). جەر مەن ونداعى تىرشىلىك اسا دانا ٵرى قۇدىرەتى شەكسىز جاراتۋشىنىڭ ارقاسىندا پايدا بولدى. ادام بالاسىن دا قۇداي جاراتقاندىقتان، وعان ٸشىمىز دە، سىرتىمىز دا تۇگەل ايان. سوندىقتان ٴبىز ٷشىن نەنىڭ جاقسى ەكەنىن ول عانا بىلەدى. قۇداي ادامداردى جاقسى كورەدى جانە ولاردى قامقورلاپ جۇرەدى. «ەحوبا — جاراتۋشى» دەگەن وسى ٴبىر عانا شىندىق ومىرىمىزگە ٴمان بەرىپ، ماعىناعا تولتىردى.
5. كىشىپەيىل بولىپ قالۋ ٷشىن نەنى ەستەن شىعارماۋىمىز كەرەك؟ (يشايا 45:9—12)
5 «ەحوبا — جاراتۋشى» دەگەن شىندىق قانشالىقتى كىشىپەيىل بولۋىمىز كەرەكتىگىن تۇسىنۋگە كومەكتەسەدى. كەزىندە ٵيۇپ ەحوبا جايلى قاتە تۇجىرىم جاساپ، ٶزىنىڭ ٵدىل ەكەنىن دالەلدەمەك بولدى. سول كەزدە ەحوبا ٶزىنىڭ قۇدىرەتى شەكسىز جاراتۋشى ەكەنىن ونىڭ ەسىنە سالدى (ٵيۇپ 38:1—4). سوندا ٵيۇپ تاۋبەگە كەلىپ، ەحوبانىڭ جولدارى مەن ويلارى ادامدىكىنەن تىم بيىك ەكەنىن ٴتۇسىندى. يشايا پايعامبار دا پەندە قۇدايدىڭ دانالىعىنان ەشقاشان اسىپ تۇسە المايتىنىن كورسەتىپ، بىلاي دەگەن: «سازبالشىق قۇمىراشىعا: «نە ىستەپ جاتىرسىڭ؟»— دەي مە؟» (يشايا 45:9—12 وقىڭىز).
6. جاراتۋشىمىزدىڭ قانشالىقتى اسقاق ەكەنى جايلى وي جۇگىرتكەنىمىز نەگە ماڭىزدى؟ (سۋرەتتەردى دە قاراڭىز.)
6 ەحوباعا ۇزاق ۋاقىتتان بەرى قىزمەت ەتىپ جۇرگەن ٴماسىحشى اباي بولماسا، ەحوبا مەن ونىڭ سوزىنە جۇگىنۋدىڭ ورنىنا، ٶز اقىلىنا سەنىم ارتىپ كەتۋى مۇمكىن (ٵيۇپ 37:23، 24). بۇعان جول بەرمەس ٷشىن، ونىڭ جاراتۋشىنىڭ ۇشان-تەڭىز دانالىعى مەن شەكسىز قۇدىرەتى جايلى تەرەڭ وي جۇگىرتكەنى ماڭىزدى (يشايا 40:22؛ 55:8، 9). سوندا ول كىشىپەيىل بولىپ، ٶزىنىڭ ويىن ەشقاشان ەحوبانىكىنەن جوعارى قويمايدى.
ٶز وي-پىكىرىمىزدى ەحوبانىكىنەن دە ارتىق ساناپ كەتپەس ٷشىن نە ىستەۋىمىز كەرەك؟ (6-ابزاستى قاراڭىز)e
7. راحەلا باۋىرلاسقا ۇيىمداعى وزگەرىستەردى قابىلداۋعا نە كومەكتەستى؟
7 «ەحوبا — جاراتۋشى» دەگەن شىندىق سلوۆەنياداعى راحەلا باۋىرلاسقا ۇيىمداعى وزگەرىستەردى قابىلداۋعا كومەكتەسكەن. ول بىلاي دەيدى: «ماعان ۇيىمدا باسشىلىقتى قولعا العان باۋىرلاستاردىڭ شەشىمدەرىن ٴتۇسىنۋ كەيدە قيىن. مىسالى، ەر باۋىرلاستارعا ساقال قويۋعا بولادى دەگەندە، باسقارۋشى كەڭەستىڭ ۇندەۋىنa كورىپ شىقسام دا، بۇل وزگەرىستى قابىلداي المادىم. ساقال قويعان باۋىرلاس العاش رەت ساحناعا شىققاندا، بۇل ماعان وتە ەرسى كورىندى. سودان كەيىن ەحوباعا دۇعا ەتىپ، وسى وزگەرىستى قابىلداۋعا كومەكتەسۋىن سۇرادىم». راحەلا ەحوبانىڭ كوك پەن جەردى جاراتقان جاراتۋشى ەكەنى جايلى وي جۇگىرتتى، سونىڭ ارقاسىندا ەحوبا ٶز ۇيىمىن بۇرىس باعىتتاۋى مۇمكىن ەمەس ەكەنىن ٴتۇسىندى. سىزگە دە جاڭا تۇسىنىكتەر مەن ۇيىمداعى وزگەرىستەردى قابىلداۋ قيىن با؟ وندا كىشىرەيىپ، جاراتۋشىمىزدىڭ قانشالىقتى دانا، قانشالىقتى قۇدىرەتتى ەكەنى جايلى وي جۇگىرتىپ كورىڭىز (ريم. 11:33—36).
قۇداي قايعى-قاسىرەتكە سەبەپشى ەمەس
8. قۇداي قايعى-قاسىرەتكە نە ٷشىن جول بەرىپ وتىرعانىن بىلگەنىمىزدىڭ قانداي پايداسىن كورىپ ٴجۇرمىز؟
8 قۇداي قايعى-قاسىرەتكە نە ٷشىن جول بەرىپ وتىرعانىن بىلمەگەندىكتەن، بىرەۋلەر قۇدايدى كىنالاسا، بىرەۋلەر «قۇداي جوق» دەپ، ودان باز كەشىپ كەتكەن (ناق. س. 19:3). ال ٴبىز قايعى-قاسىرەتكە ەحوبا ەمەس، كۇنا مەن كەمەلسىزدىگىمىز سەبەپشى ەكەنىن بىلەمىز. ەحوبا قايعى-قاسىرەتتى توقتاتپاي، نەگە وعان جول بەرىپ وتىرعانى دا بىزگە ٴمالىم. ەحوبانىڭ شىدامدىلىعىنىڭ ارقاسىندا ميلليونداعان ادام ونى تانىپ-ٴبىلىپ، جۋىردا ول قايعى-قاسىرەتتى ٴبىرجولا جوياتىنىن ٴبىلىپ جاتىر (پەت. 2-ح. 3:9، 15). وسى نەگىزگى شىندىقتى بىلگەنىمىز بىزگە جۇبانىش بەرىپ، ەحوباعا ودان سايىن جاقىنداتا تۇسەدى.
9. ەحوبا قايعى-قاسىرەتكە نە ٷشىن جول بەرىپ وتىرعانى جايلى اسىرەسە قاي كەزدە وي جۇگىرتكەنىمىز ماڭىزدى؟
9 ەحوبا قايعى-قاسىرەتتى ٴبىرجولا جويعانشا، بىزگە دە شىدامدى بولۋ قاجەت. ايتۋعا وڭاي، ارينە. ٴبىراق ٶزىمىز نە جاقىنىمىز ادىلەتسىزدىك كورسە، قايعىلى جاعدايعا دۋشار بولسا، «ەحوبا قينالعانىمىزعا قاشانعى قاراپ وتىرا بەرەدى» دەپ ناليتىن شىعارمىز (ابق. 1:2، 3). سوندايدا ەڭ دۇرىسى — ەحوبا ادىلدەردىڭ قاسىرەت شەگۋىنە نە ٷشىن جول بەرەتىنىن ەسكە ٴتۇسىرىپ، سول جايلى وي جۇگىرتۋb (ٴزاب. 34:19). سونداي-اق ەحوبانىڭ قايعى-قاسىرەتتى ٴبىرجولا جويامىن دەگەن نيەتى جايلى ويلانعانىمىز دۇرىس.
10. اننا باۋىرلاس قايعىسىن قالاي جەڭدى؟
10 ەحوبانىڭ قايعى-قاسىرەتكە نە ٷشىن جول بەرەتىنىن بىلگەنىمىز بىزگە قايعىنىڭ اۋىر جۇگىن كوتەرۋگە كومەكتەسەدى. ٷندى مۇحيتىنداعى مايوتتا ارالىندا تۇراتىن اننا باۋىرلاس بىلاي دەيدى: «بىرنەشە جىل بۇرىن انام قايتىس بولدى. ونىڭ جوقتىعىنا كونۋ ماعان وتە قيىن. ٴبىراق بۇلاي بولعانىنا ەحوبا كىنالى ەمەس دەپ قايتا-قايتا وزىمە ايتىپ وتىرامىن. كەرىسىنشە، ول قايعى-قاسىرەتتى جويۋعا جانە مارقۇمداردى تىرىلتۋگە اسىق ەكەنى جايلى ويلانامىن. بۇل شىندىقتار جانىما جاي بەرىپ، تىنىشتىق سيلايتىنى سونشا — كەيدە بۇعان قايران قالامىن».
11. ەحوبا قايعى-قاسىرەتكە نە ٷشىن جول بەرەتىنىن بىلگەنىمىز ٴبىزدى نە ىستەۋگە تالپىندىرادى؟
11 قۇدايدىڭ قايعى-قاسىرەتكە نە ٷشىن جول بەرىپ وتىرعانى جايلى شىندىق ٴبىزدى ۋاعىزداي بەرۋگە تالپىندىرادى. پەتىر ەحوبانىڭ شىدامدىلىق تانىتىپ وتىرعانىن ايتقان سوڭ: «سەندەردىڭ ٴجۇرىس-تۇرىستارىڭ قاسيەتتى، ال ٸس-ارەكەتتەرىڭ قۇدايعا شىن بەرىلگەن ادامدارعا ٴتان بولۋ كەرەك»،— دەپ جازعان (پەت. 2-ح. 3:11). ۋاعىز ٸسى دە «قۇدايعا شىن بەرىلگەن ادامدارعا ٴتان» ٸس-ارەكەتتەرگە جاتادى. كوكتەگى اكەمىز ەحوبا سياقتى ٴبىز دە ادامداردى جاقسى كورەمىز. ولار دا جاڭا دۇنيەدە ٶمىر سۇرسە ەكەن دەيمىز. ەحوبا ٴسىزدىڭ اۋماعىڭىزداعى ادامدارعا دا شىدامدىلىق تانىتىپ وتىر. سول ادامدارعا شىندىقتى جەتكىزىپ، ەحوبامەن قىزمەتتەسۋ ۇلكەن مارتەبە ەمەس پە؟! (قور. 1-ح. 3:9).
ٴبىز سوڭعى كۇندەرى ٶمىر ٴسۇرىپ جاتىرمىز
12. «سوڭعى كۇندەرى» ٶمىر ٴسۇرىپ جاتقانىمىزدى بىلگەنىمىزدىڭ قانداي پايداسى بار؟
12 كيەلى كىتاپتا «سوڭعى كۇندەرى» ادامداردىڭ قالاي وزگەرەتىنى ناقتى سيپاتتالعان (ٴتىم. 2-ح. 3:1—5). قايدا قاراما، وسى پايعامبارلىقتىڭ ورىندالىپ جاتقانىن كورىپ ٴجۇرمىز. ادامداردىڭ مىنەز-قۇلقى مەن ٴجۇرىس-تۇرىسى بارعان سايىن ناشارلاپ جاتقانى قۇداي ٴسوزىنىڭ سەنىم ارتۋعا تۇرارلىق ەكەنىنە ودان سايىن كوزىمىزدى جەتكىزەدى (ٴتىم. 2-ح. 3:13—15).
13. لۇقا 12:15—21 تارماقتاردا جازىلعان يسانىڭ مىسالى ٴبىزدى نە جايلى ويلانۋعا تالپىندىرۋ كەرەك؟
13 سوڭعى كۇندەرى ٶمىر ٴسۇرىپ جاتقانىمىزدى بىلگەنىمىزدىڭ ارقاسىندا ٶمىرىمىزدى الدەقايدا ماڭىزدى ىستەرگە ارنايمىز. ٶمىرىمىزدى نەگە ارنايتىنىمىز بەيجاي قارايتىن نارسە ەمەس ەكەنىن كورسەتۋ ٷشىن يسا ٴبىر مىسال كەلتىرگەن (لۇقا 12:15—21 وقىڭىز). يسا باي كىسىنى نە ٷشىن «تۇيسىكسىز» دەپ اتادى؟ بايلىعى ٷشىن بە؟ جوق، ومىردە نەنىڭ ماڭىزدى ەكەنىن ۇقپاعانى ٷشىن. بۇل ادام «ٶزى ٷشىن بايلىق جيناپ، ٴبىراق قۇدايدىڭ كوز الدىندا باي بولمادى». ونىڭ بۇنىسى ۇلكەن قاتەلىك بولدى. قۇداي وعان: «بۇگىن تۇندە جانىڭ الىنادى»،— دەگەندىكتەن، بىردەڭەنى وزگەرتۋ تىم كەش ەدى. بۇل مىسالدان نە تۇيەمىز؟ وسى دۇنيەنىڭ اقىرىندا ٶمىر ٴسۇرىپ جاتقاندىقتان، بىزدە دە ۋاقىت از. سوندىقتان بىلاي دەپ ويلانىڭىز: «ماقساتتارىمنان ۋاقىت از قالعانىن تۇسىنەتىنىم كورىنە مە؟ بالالارىمدى قانداي ماقساتتارعا تالپىندىرىپ ٴجۇرمىن؟ كۇشىمدى، ۋاقىتىمدى، قاراجاتىمدى كوبىنە قايدا جۇمسايمىن — وزىمە بايلىق جيناۋعا ما، الدە كوكتە بايلىق جيناۋعا ما؟»
14. ميكي باۋىرلاستىڭ جاعدايىنان كورەتىنىمىزدەي، سوڭعى كۇندەرى ٶمىر ٴسۇرىپ جاتقانىمىز جايلى وي جۇگىرتۋ نەگە ماڭىزدى؟
14 سوڭعى كۇندەرى ٶمىر ٴسۇرىپ جاتقانىمىز جايلى وي جۇگىرتسەك، بۇل ٴبىزدىڭ ومىرلىك ماقساتتارىمىزعا دا اسەر ەتەدى. وسى جايلى ميكي دەگەن باۋىرلاس بىلاي دەيدى: «مەكتەپتى بىتىرگەن سوڭ ۋنيۆەرسيتەتكە ٴتۇسىپ، زوولوگيا ماماندىعىن تاڭداعىم كەلدى. ويتكەنى ماعان جانۋارلار الەمى قاتتى ۇنايتىن. ٴبىراق مەنىڭ تۇراقتى ٸزاشار بولسام، قاجەتتىلىك بار جەرگە كوشسەم دەگەن ويىم دا بار ەدى. سول كەزدە رۋحاني تولىسقان دوستارىم كوپ كومەكتەستى. ولار مەنى ۋنيۆەرسيتەتتە وقىپ ٴجۇرىپ رۋحاني ماقساتتارعا جەتۋ قانشالىقتى مۇمكىن بولاتىنى جايلى ويلانىپ كورۋگە تالپىندىردى. سونداي-اق وسى دۇنيەنىڭ اقىرى جاقىن ەكەنىن ەسىمە سالدى. ٶزىم دە جۇماقتاعى ٶمىردى ەلەستەتىپ، وزىمە ۇنايتىن جانۋارلاردى ماڭگىلىك بويى زەرتتەيتىنىم تۋرالى وي جۇگىرتتىم. ٴسۇيتىپ، مەن ۋنيۆەرسيتەتكە تۇسپەي، از ۋاقىتتىڭ ىشىندە ٴبىر كۋرس وقىپ الدىم. سونىڭ ارقاسىندا ىڭعايلى جۇمىس تاۋىپ، ٸزاشارلىقتى باستادىم. ال كەيىن قىزمەت اياسىن كەڭەيتىپ، ەكۆادورعا كوشىپ كەتتىم». قازىر ميكي كۇيەۋىمەن ەكۆادوردا اۋداندىق قىزمەتتە ٴجۇر.
15. ىزگى حابارعا قۇلاق اسپاعان ادامداردان نەگە كۇدەر ۇزبەۋىمىز كەرەك؟ مىسال كەلتىرىڭىز. (سۋرەتتەردى دە قاراڭىز.)
15 سوڭعى كۇندەرى ٶمىر ٴسۇرىپ جاتقانىمىزدى ەستە ۇستاساق، ۋاعىز ىسىنە شۇعىل ٸس دەپ قارايمىز. ادامدار ىزگى حابارعا ٴبىر دەگەننەن قۇلاق اسپاي جاتسا، بۇعان كوڭىلىڭىز تۇسپەسىن. ويتكەنى ۋاقىت وتە ادامداردىڭ ويى وزگەرۋى مۇمكىن. بۇعان ٴبىر دالەل — يسانىڭ باۋىرى جاقىپ. ول يسامەن ٴبىر ۇيدە ٶستى، ونىڭ جاساعان كەرەمەتتەرىنەن، بەرگەن تالىمدەرىنەن تەگىن ادام ەمەس ەكەنىن كورىپ ٴجۇردى. ٴبىراق سوندا دا يسانىڭ سوڭىنان ەرمەدى. جاقىپ يسا قايتا تىرىلگەننەن كەيىن عانا ونىڭ ٴماسىح ەكەنىن مويىنداپ، ٸزباسارى بولدى. ول ٴتىپتى قۇلشىنىسپەن قىزمەت ەتىپ، قاۋىمنىڭ تىرەگىنە اينالدىc (جوح. 7:5؛ عال. 2:9). ەندەشە، شىندىققا قىزىقپاعان تۋىستارىمىز بەن باسقا دا ادامدارعا ىزگى حاباردى تاعى ٴبىر ايتىپ كورۋدەن تارتىنبايىق. بۇنى ۋاقىتتى تەككە قۇرتۋ دەپ ويلامايىق. ويتكەنى ٴبىزدىڭ قازىر ايتقان حابارىمىز ٴبىراز ۋاقىتتان كەيىن، ٴتىپتى زور الاپات باستالعاندا، ەستەرىنە ٴتۇسىپ، جۇرەكتەرىنە اسەر ەتۋى مۇمكىنd.
تۋىستارىمىزدان كۇدەر ۇزبەۋگە نە كومەكتەسەدى؟ (15-ابزاستى قاراڭىز)f
نەگىزگى شىندىقتاردى باعالاي بەرەيىك
16. كيەلى كىتاپتاعى نەگىزگى شىندىقتاردىڭ قانداي پايداسىن كورىپ ٴجۇرمىز؟ («نەگىزگى شىندىقتاردى وزگەلەرگە جاقسىراق ٴتۇسىندىرۋ ٷشىن...» دەگەن قورشاۋدى دا قاراڭىز.)
16 ادال دا اقىلدى قۇل بەرىپ وتىرعان رۋحاني اس-سۋدىڭ كەيبىرى بۇرىن-سوڭدى ىزگى حاباردى ەستىپ كورمەگەن ادامدارعا ارنالعان. بۇلار: اپتا سايىنعى كوپشىلىككە ارنالعان باياندامالار، org.jw تور بەكەتىندەگى كەيبىر ماقالالار مەن ۆيدەولار جانە كوپشىلىككە ارنالعان جۋرنالدار. ٴبىراق بۇل ماتەريالداردىڭ پايداسىن ٴبىز دە كورە الامىز. سولاردىڭ كومەگىمەن ەحوباعا دەگەن سۇيىسپەنشىلىگىمىز ارتادى، ونىڭ سوزىنە دەگەن سەنىمىمىز نىعايادى، سونداي-اق نەگىزگى شىندىقتاردى وزگەلەرگە جاقسىراق تۇسىندىرە الامىز (ٴزاب. 19:7).
17. نەگىزگى شىندىقتار جايلى اسىرەسە قاي جاعدايلاردا وي جۇگىرتۋ ماڭىزدى؟
17 ارينە، كيەلى كىتاپتاعى شىندىقتارعا قاتىستى تۇسىنىگىمىز جاڭارىپ جاتسا، بۇعان قۋانامىز. ٴبىراق ٴبىز نەگىزگى شىندىقتاردى دا قاتتى باعالايمىز. ويتكەنى ٴبىزدى ەحوباعا العاش رەت جاقىنداتقان — سول شىندىقتار. وسى ماقالادان بىلگەنىمىزدەي، بۇل شىندىقتاردىڭ پايداسىن قازىر دە كورە الامىز. ۇيىمداعى وزگەرىستەردى قابىلداۋ قيىن بولىپ، ٶز ويىمىز دۇرىسىراق كورىنىپ جاتسا، كىشىپەيىلدىلىك تانىتىپ، ۇيىمدى جەتەلەپ وتىرعان دانا دا قۇدىرەتى شەكسىز جاراتۋشى ەكەنىن ەستە ۇستايىق. ەگەر ٶزىمىز نە جاقىنىمىز قينالىپ جۇرسە، شىدامدىلىق تانىتىپ، ەحوبا قايعى-قاسىرەتكە نە ٷشىن جول بەرىپ وتىرعانى جايلى وي جۇگىرتەيىك. ال ٶمىرىمىزدى نەگە ارنايتىنىمىزدى شەشكەندە، سوڭعى كۇندەرى ٶمىر ٴسۇرىپ جاتقانىمىزدى ەسكەرەيىك. لايىم، ەحوبا اشقان نەگىزگى شىندىقتار بارىمىزگە دانالىقپەن ارەكەت ەتۋگە جانە سوڭىنا دەيىن ادال بولىپ قالۋعا كومەكتەسە بەرگەي!
95-ٵن تاڭ شاپاعى جارقىراي تۇسۋدە
a «باسقارۋشى كەڭەستىڭ ۇندەۋى (8-ٴنومىر، 2023)» دەگەن ۆيدەونى قاراڭىز.
b «بارلىق قايعى-قاسىرەتتىڭ جاقىندا جويىلاتىنىنا نەگە سەنىمدىمىز؟» دەگەن ماقالانى قاراڭىز («كۇزەت مۇناراسى»، 2007-جىل، 1-ماۋسىم، 12—16-بەتتەر).
d «ەحوبا زور الاپاتتا ادامداردى قالاي سوتتايدى؟» دەگەن ماقالانى قاراڭىز («كۇزەت مۇناراسى»، 2024-جىل، مامىر، 8—13-بەتتەر).
e سۋرەت سيپاتتاماسى: اقساقالداردىڭ كەزدەسۋىندە ەر باۋىرلاستىڭ ايتقان ۇسىنىسىمەن قالعاندارى كەلىسپەدى. كەيىن سول باۋىرلاس جۇلدىزدى اسپانعا قاراپ، ەحوبا دانا دا قۇدىرەتتى جاراتۋشى ەكەنى جايلى جانە ەحوبانىڭ ويى ونىڭ ويىنان الدەقايدا ماڭىزدى ەكەنى جايلى وي جۇگىرتىپ تۇر.
f سۋرەت سيپاتتاماسى: ايەل باۋىرلاس جەكە زەرتتەۋدە سوڭعى كۇندەرى ٶمىر ٴسۇرىپ جاتقانىمىزدى دالەلدەيتىن ايعاقتاردى قاراستىردى. بۇل زەرتتەۋى ونى اپكەسىنە حابارلاسىپ، ۋاعىزداۋعا تالپىندىردى.