10-قىركۇيەك، سارسەنبى
ٶز ەركىمە قارسى ىستەسەم دە، ول ٴبارىبىر جۇكتەلگەن مىندەتىم بولىپ قالا بەرەدى (قور. 1-ح. 9:17).
ٴبىراق كەيدە شىن جۇرەكتەن دۇعا ەتپەي جۇرگەنىڭىزدى، قىزمەتتەن بۇرىنعىداي قۋانىش الماي جۇرگەنىڭىزدى بايقاساڭىز شە؟ ەگەر سولاي بولسا، ەحوبا مەنەن كيەلى رۋحىن الىپ قويدى دەپ ويلاۋعا اسىقپاڭىز. ويتكەنى پەندە بولعاندىقتان ٴبىز وزگەرىپ تۇرامىز، سەزىمدەرىمىز دە وزگەرەدى. قۇلشىنىسىڭىز باسەڭدەپ بارا جاتقان بولسا ەلشى پاۋىلدان كوپ نارسەگە ۇيرەنە الاسىز. ول يساعا ەلىكتەۋگە بارىنشا تىرىسسا دا، كەيدە كەيبىر نارسەلەردى ىستەۋگە ىقىلاسى بولماي قالاتىن. الايدا پاۋىل ىقىلاسى بار-جوعىنا قاراماستان قىزمەتىن اتقارا بەرگەن. پاۋىل سياقتى ٴسىز دە شەشىم قابىلداعاندا سەزىمدەرىڭىزدىڭ ۇستەم بولىپ كەتۋىنە جول بەرمەڭىز. ىقىلاسىڭىزدىڭ بار-جوعىنا قاراماستان دۇرىس نارسەنى ىستەۋگە نىق بەكىنىڭىز. دۇرىس نارسەنى ىستەي بەرسەڭىز، ىقىلاسىڭىز دا ارتا تۇسەدى (قور. 1-ح. 9:16). 24w.03 11، 12-ب.، 12، 13-ابز.
11-قىركۇيەك، بەيسەنبى
ولارعا سۇيىسپەنشىلىك تانىتىڭدار (قور. 2-ح. 8:24).
باۋىرلاستاردى ٶز ورتامىزعا قابىلداپ، ولارعا سۇيىسپەنشىلىك تانىتايىق (قور. 2-ح. 6:11—13). كوبىمىز وسكەن ورتالارى، العان تاربيەلەرى جانە بولمىستارى ٵرتۇرلى باۋىرلاستارمەن ٴبىر قاۋىمدامىز. ولارعا دەگەن سۇيىسپەنشىلىگىمىز نىعايۋ ٷشىن جاقسى قاسيەتتەرىن كورە بىلگەنىمىز ٴجون. باسقالاردىڭ بويىنان ەحوبا كورەتىندى بايقاپ ۇيرەنسەك، ولاردى سۇيەتىنىمىزدى كورسەتەمىز. زور الاپاتتا سۇيىسپەنشىلىكتىڭ قانشالىقتى ماڭىزدى بولاتىنىن قاراستىرايىقشى. زور الاپات باستالعاندا ەحوبا ٴبىزدى قالاي قورعايدى؟ ەجەلدە بابىلعا شابۋىل جاسالعاندا، ەحوبا سونداعى حالقىنا بىلاي دەپ نۇسقاۋ بەرگەن: «حالقىم، بارىپ، ىشكى بولمەلەرىڭە كىرىڭدەر دە، ەسىكتەرىڭدى جاۋىپ الىڭدار. قۇدايدىڭ قاھارى باسىلعانشا، ازعانا ۋاقىت جاسىرىنا تۇرىڭدار» (يشايا 26:20). زور الاپاتتا بىزگە دە ٴدال وسى نۇسقاۋعا باعىنۋ قاجەت بولۋى مۇمكىن. 23w.07 6، 7-ب.، 14—16 ابز.
12-قىركۇيەك، جۇما
بۇل دۇنيە وزگەرۋدە (قور. 1-ح. 7:31).
يلىككىش بولۋعا تىرىسىڭىز. بىلاي دەپ ويلانىپ كورىڭىز: «ادامدار مەنى يلىككىش، كونۋگە دايىن، شىدامدى دەپ بىلە مە؟ الدە مەنى قاتال، ٶزىنىڭ ايتقانى بولماسا، باسقاعا كونبەيدى دەپ ساناي ما؟ وزىمشە ٴبىر زاڭدار شىعارىپ، باسقالاردان سونى تالاپ ەتەمىن بە؟ الدە ولاردىڭ دا قالاۋىن ەسكەرىپ، مۇمكىن بولسا، كونەمىن بە؟» ٴبىز نەعۇرلىم يلىككىش بولساق، ەحوبا مەن يساعا سوعۇرلىم ەلىكتەيتىنىمىزدى كورسەتەمىز. ومىرىمىزدە توسىن وزگەرىس بولعاندا، يلىككىش بولىپ، بەيىمدەلە بىلگەنىمىز ماڭىزدى. ويتكەنى بۇنداي وزگەرىستەر ادەتتە جالعىز كەلمەي، توسىن قيىندىقتار تۋدىرىپ جاتادى. ٴبىزدىڭ كۇتپەگەن جەردەن دەنساۋلىعىمىز ناشارلاپ كەتۋى مۇمكىن، يا بولماسا ەلىمىزدە اياق استىنان ەكونوميكا قۇلدىراپ نە ساياسي وزگەرىستەر بولىپ، ٶمىرىمىزدىڭ استان-كەستەنى شىعۋى مۇمكىن (ۋاع. 9:11). ٴتىپتى ەحوبانىڭ ۇيىمىنداعى قىزمەتىمىز وزگەرگەن جاعدايدا دا ٴبىراز ەسەڭگىرەپ قالارمىز. دەسە دە كەز كەلگەن وزگەرىسكە بەيىمدەلىپ كەتە الامىز. ول ٷشىن مىنا ٴتورت قادامدى جاساۋ قاجەت: 1) كونۋ، 2) العا نازار تىگۋ، 3) جاقسى جاقتارىن كورە ٴبىلۋ، 4) باسقالارعا كومەكتەسۋ. 23w.07 21، 22-ب.، 7، 8-ابز.