12-قىركۇيەك، جۇما
بۇل دۇنيە وزگەرۋدە (قور. 1-ح. 7:31).
يلىككىش بولۋعا تىرىسىڭىز. بىلاي دەپ ويلانىپ كورىڭىز: «ادامدار مەنى يلىككىش، كونۋگە دايىن، شىدامدى دەپ بىلە مە؟ الدە مەنى قاتال، ٶزىنىڭ ايتقانى بولماسا، باسقاعا كونبەيدى دەپ ساناي ما؟ وزىمشە ٴبىر زاڭدار شىعارىپ، باسقالاردان سونى تالاپ ەتەمىن بە؟ الدە ولاردىڭ دا قالاۋىن ەسكەرىپ، مۇمكىن بولسا، كونەمىن بە؟» ٴبىز نەعۇرلىم يلىككىش بولساق، ەحوبا مەن يساعا سوعۇرلىم ەلىكتەيتىنىمىزدى كورسەتەمىز. ومىرىمىزدە توسىن وزگەرىس بولعاندا، يلىككىش بولىپ، بەيىمدەلە بىلگەنىمىز ماڭىزدى. ويتكەنى بۇنداي وزگەرىستەر ادەتتە جالعىز كەلمەي، توسىن قيىندىقتار تۋدىرىپ جاتادى. ٴبىزدىڭ كۇتپەگەن جەردەن دەنساۋلىعىمىز ناشارلاپ كەتۋى مۇمكىن، يا بولماسا ەلىمىزدە اياق استىنان ەكونوميكا قۇلدىراپ نە ساياسي وزگەرىستەر بولىپ، ٶمىرىمىزدىڭ استان-كەستەنى شىعۋى مۇمكىن (ۋاع. 9:11). ٴتىپتى ەحوبانىڭ ۇيىمىنداعى قىزمەتىمىز وزگەرگەن جاعدايدا دا ٴبىراز ەسەڭگىرەپ قالارمىز. دەسە دە كەز كەلگەن وزگەرىسكە بەيىمدەلىپ كەتە الامىز. ول ٷشىن مىنا ٴتورت قادامدى جاساۋ قاجەت: 1) كونۋ، 2) العا نازار تىگۋ، 3) جاقسى جاقتارىن كورە ٴبىلۋ، 4) باسقالارعا كومەكتەسۋ. 23w.07 21، 22-ب.، 7، 8-ابز.
13-قىركۇيەك، سەنبى
سەن اسا باعالى جانسىڭ (دان. 9:23).
بابىل اسكەرى دانيالدى بوزبالا شاعىندا تۇتقىنداپ، ۇيىنەن الىپ كەتكەن. «ەش كەمتارلىعى جوق، كەلبەتتى»، ٶزى اقسۇيەكتەردىڭ تۇقىمىنان شىققان بۇل جاس جىگىت بابىلدىقتاردىڭ كوزىنە بىردەن ىلىكتى (سام. 1-ج. 16:7). ٴسۇيتىپ، ولار دانيالدى ۇيرەتىپ، ودان قوعامنىڭ بەتكەۇستار ازاماتىن جاساماق بولدى (دان. 1:3، 4، 6). ەحوبا دانيالدى ٵدىل ادام بولۋدى تاڭداعانى ٷشىن جاقسى كورگەن. ەحوبا ونى جاسى نەبارى جيىرمالارىندا-اق نۇحپەن جانە ايۇپپەن، ياعني تالاي جىلدار ادال قىزمەت ەتىپ، جاقساتقا يە بولعان جاندارمەن تەڭ كورگەن (مۇس. 1-ج. 5:32؛ 6:9، 10؛ ٵيۇپ 42:16، 17؛ ەزەكيەل 14:14). ەحوبا دانيالدى ٶمىرىنىڭ سوڭىنا دەيىن جاقسى كورىپ ٶتتى (دان. 10:11، 19). 23w.08 2-ب.، 1، 2-ابز.
14-قىركۇيەك، جەكسەنبى
شىندىقتىڭ ۇزىندىعى مەن ەنىن، بيىكتىگى مەن تەرەڭدىگىن تولىق ۇعا الاسىڭدار (ەفەس. 3:18).
ٷي ساتىپ العالى جاتساڭىز، سول ۇيگە ٶزىڭىز بارىپ، بولاشاق ٷيىڭىزدىڭ تۇكپىر-تۇكپىرىن تۇگەل كورىپ-بىلەسىز. كيەلى كىتاپتى وقىپ زەرتتەگەندە دە وسىلاي ىستەيمىز. ەندەشە كيەلى كىتاپتىڭ «ٸشىن ارالاپ»، تانىسىپ شىعۋ ٷشىن نە ىستەسەك بولادى؟ ەگەر ونى زىرىلداتىپ وقيتىن بولساڭىز، «قۇدايدىڭ قاسيەتتى سوزىندەگى باستاپقى ىلىمدەردى» عانا بىلەسىز (ەۆر. 5:12). سوندىقتان ٷي تۋرالى مىسالداعىداي، اسىقپاي كيەلى كىتاپتىڭ «ىشىنە» كىرىپ، قىر-سىرىن مۇقيات زەرتتەڭىز. جازبالاردى زەرتتەۋدىڭ ٴبىر كەرەمەت جولى: ٴبىر جەرىندە جازىلعان سوزدەردىڭ باسقا جەردە جازىلعاندارمەن قالاي بايلانىساتىنىن كورۋ. سونداي-اق قانداي شىندىقتارعا سەنەتىنىڭىزدى عانا ەمەس، نە ٷشىن سەنەتىنىڭىزدى تۇسىنۋگە تىرىسىڭىز. كيەلى كىتاپتى تولىقتاي ٴتۇسىنۋ ٷشىن ونداعى تەرەڭ شىندىقتاردى زەرتتەۋىمىز قاجەت. ەلشى پاۋىل باۋىرلاستارىن شىندىقتىڭ «ۇزىندىعى مەن ەنىن، بيىكتىگى مەن تەرەڭدىگىن تولىق ۇعا الۋ ٷشىن»، قۇداي ٴسوزىن ٴجىتى زەرتتەۋگە شاقىرعان. وسىلاي ەتەر بولساق، ٴبىز «سەنىمگە تەرەڭ تامىر جايىپ، نەگىزىمىزدە بەرىك تۇرا الامىز» (ەفەس. 3:14—19). 23w.10 18-ب.، 1—3 ابز.