مۇسانىڭ 1-جازباسى
47 سودان ٴجۇسىپ پەرعاۋىنعا بارىپ+: «اكەم مەن باۋىرلارىم ٸرىلى-ۇساقتى مالىن، بار دۇنيە-مۇلكىن الىپ، قاناحان ەلىنەن كوشىپ كەلدى. قازىر ولار گوشەن جەرىندە+»،— دەدى. 2 سوسىن ول بەس باۋىرىن ەرتىپ، پەرعاۋىننىڭ الدىنا اكەلدى+.
3 پەرعاۋىن ولاردان: «كاسىپتەرىڭ قانداي؟»— دەپ سۇرادى. باۋىرلارى: «قۇلدارىڭىز اتا-بابالارى سياقتى قوي باعادى+»،— دەپ جاۋاپ قاتتى. 4 ولار پەرعاۋىننان: «ٴبىز بۇل ەلگە جاتجەرلىك رەتىندە تۇرۋعا كەلدىك+، ويتكەنى قاناحان جەرىندە اشتىق ۇدەپ تۇرعاندىقتان+، قۇلدارىڭىزدىڭ مال جاياتىن جايىلىمى جوق. سوندىقتان قۇلدارىڭىزعا گوشەن جەرىندە قونىستانۋعا رۇقسات ەتىڭىز+»،— دەپ ٶتىندى. 5 سوندا پەرعاۋىن جۇسىپكە: «اكەڭ مەن باۋىرلارىڭ ساعان كەلگەن ەكەن. 6 مىنە، بۇكىل مىسىر جەرى سەنىڭ قولىڭدا. اكەڭ مەن باۋىرلارىڭدى ەڭ جاقسى جەرگە قونىستاندىر+. ولار گوشەن جەرىن مەكەندەسىن. ەگەر ارالارىندا ەپتى ادام بولسا، ونى مەنىڭ مالىما قاراۋشى ەتىپ قوي»،— دەدى.
7 بۇدان كەيىن ٴجۇسىپ اكەسى جاقىپتى پەرعاۋىننىڭ الدىنا اكەلىپ، ونىمەن تانىستىردى. جاقىپ پەرعاۋىنعا باتاسىن بەردى. 8 ول جاقىپتان: «جاسىڭىز نەشەدە؟»— دەپ سۇرادى. 9 جاقىپ: «مەنىڭ كوشىپ-قونىپ جۇرگەنىمە 130 جىل بولدى. مەنىڭ عۇمىرىم قىسقا ٵرى قاسىرەتكە تولى بولدى+. ول كوشىپ-قونىپ ٶمىر سۇرگەن اتا-بابالارىمنىڭ عۇمىرىنان الدەقايدا از+»،— دەپ جاۋاپ بەردى. 10 ٴسۇيتىپ، ول پەرعاۋىنعا باتاسىن بەرىپ، ونىڭ قاسىنان شىعىپ كەتتى.
11 ٴجۇسىپ، پەرعاۋىننىڭ بۇيرىعىنا ساي، اكەسى مەن باۋىرلارىنا مىسىر ەلىنەن يەلىك بەرىپ، ولاردى رامسەس ولكەسىنىڭ ەڭ جاقسى جەرىنە+ قونىستاندىردى. 12 ٴجۇسىپ اكەسىن، باۋىرلارىن جانە اكەسىنىڭ بۇكىل ٷي ٸشىن بالالارىنىڭ سانىنا قاراي ازىقپەن قامتاماسىز ەتىپ وتىردى.
13 اشارشىلىق قاتتى بولعاندىقتان، بۇكىل وڭىردە ازىق قالمادى. اشتىق مىسىر مەن قاناحان حالقىن ابدەن تيتىقتاتىپ جىبەردى+. 14 مىسىر مەن قاناحان جۇرتشىلىعى استىق ساتىپ الۋ ٷشىن بار اقشاسىن جۇسىپكە بەردى+. ال ٴجۇسىپ جينالعان اقشانىڭ ٴبارىن پەرعاۋىننىڭ قازىناسىنا قۇيدى. 15 اقىرىندا، مىسىرلىقتار مەن قاناحاندىقتاردىڭ اقشاسى تاۋسىلدى. سوندا مىسىرلىقتار جۇسىپكە كەلىپ: «بىزگە نان بەرىڭىز! اقشامىز تاۋسىلدى، ەندى كوز الدىڭىزدا اشتان قىرىلامىز با؟!»— دەپ ٶتىندى. 16 بۇعان ٴجۇسىپ: «اقشالارىڭ بىتسە، مالدارىڭدى اكەلىڭدەر. مەن ولاردى استىققا ايىرباستايمىن»،— دەدى. 17 سونىمەن، ولار مالدارىن اكەلە باستادى. ٴجۇسىپ ولاردىڭ اكەلگەن جىلقىلارى، قوي-ەشكىلەرى، سيىرلارى مەن ەسەكتەرىنىڭ ورنىنا ازىق بەردى. سول جىلى ٴجۇسىپ ولاردى مالدارىنىڭ ەسەبىنەن ازىقپەن قامتاماسىز ەتىپ وتىردى.
18 بۇل جىل اياقتالىپ، كەلەسى جىلى ولار جۇسىپكە تاعى كەلىپ، بىلاي دەدى: «قوجايىنىمىزدان نەسىن جاسىرايىق، اقشامىز دا، مالىمىز دا تاۋسىلدى، ٴبارىن سىزگە بەردىك. ەندى قوجايىنىمىزعا بەرەتىن ٶزىمىز بەن جەرىمىزدەن باسقا ەشتەڭە قالعان جوق. 19 ٶزىمىز دە، جەرىمىز دە كوز الدىڭىزدا وسىلاي قۇرىپ كەتەمىز بە؟! ٴبىزدى تاناپتارىمىزبەن قوسا استىققا ساتىپ الىڭىز. ٴبىز پەرعاۋىنعا قۇل بولايىق، ال جەرىمىز سونىڭ مەنشىگىنە اينالسىن. ٶزىمىز قىرىلىپ، ال جەرىمىز قاڭىراپ قالماسىن دەسەڭىز، بىزگە تۇقىم بەرىڭىز». 20 اشتىق قاتتى ۇدەگەندىكتەن، مىسىرلىقتار ٶز تاناپتارىن ساتا باستادى. وسىلاي ٴجۇسىپ مىسىردىڭ بار جەرىن پەرعاۋىنعا ساتىپ اپەردى. ٴسۇيتىپ، بۇكىل جەر پەرعاۋىننىڭ مەنشىگىنە ٶتتى.
21 ٴجۇسىپ مىسىردىڭ و شەتى مەن بۇ شەتىندە تۇرىپ جاتقان حالىقتىڭ ٴبارىن قالالارعا كوشىردى+. 22 ول تەك ابىزداردىڭ جەرلەرىن عانا ساتىپ العان جوق+، ويتكەنى ولاردى پەرعاۋىن ازىقپەن قامتاماسىز ەتىپ وتىراتىن. سوندىقتان دا ولار جەرلەرىن ساتپادى. 23 اقىرىندا، ٴجۇسىپ حالىققا بىلاي دەدى: «مىنە، مەن بۇگىن وزدەرىڭدى دە، جەرلەرىڭدى دە پەرعاۋىن ٷشىن ساتىپ الدىم. ال ەندى مىنا تۇقىمدى الىپ، ەگىن ەگىڭدەر. 24 ٶنىمىن جيناعان كەزدە، بەستەن ٴبىر بولىگىن پەرعاۋىنعا بەرۋلەرىڭ كەرەك+. ال قالعان ٴتورت بولىگى سەبۋگە تۇقىم، سونداي-اق وزدەرىڭە، ٷي ىشتەرىڭە جانە بالا-شاعالارىڭا جەۋگە ازىق بولسىن». 25 بۇعان ولار: «ٴسىز ٴبىزدى ولىمنەن امان الىپ قالدىڭىز+. قوجايىنىمىزدىڭ كوڭىلىنەن شىقساق بولعانى. بۇدان بىلاي ٴبىز پەرعاۋىننىڭ قۇلى بولايىق+»،— دەدى. 26 سوسىن ٴجۇسىپ ٶنىمنىڭ بەستەن ٴبىر بولىگى پەرعاۋىندىكى بولسىن دەگەن جارلىق شىعاردى. بۇل جارلىق بۇكىل مىسىر ەلىندە كۇنى بۇگىنگە دەيىن كۇشىندە. تەك ابىزداردىڭ جەرلەرى عانا پەرعاۋىننىڭ مەنشىگىنە وتكەن جوق+.
27 يسرايلدىڭ ٷي ٸشى مىسىردا، گوشەن جەرىندە+، تۇرىپ جاتتى. ولار سول جەردە ورنىعىپ، ٶسىپ-ٶنىپ، قىرۋار حالىققا اينالدى+. 28 جاقىپ مىسىردا ون جەتى جىل تۇرىپ، 147 جاسقا كەلدى+.
29 يسرايلدىڭ ولەتىن ۋاقىتى تاياعاندا+، بالاسى ٴجۇسىپتى شاقىرتىپ الىپ: «ماعان جاساعان جاقسىلىعىڭ بولسىن، قولىڭدى جامباسىمنىڭ استىنا قويىپ، مەنى مىسىر ەلىندە جەرلەمەيمىن دەپ ۋادە بەرشى+. وسىلاي ماعان اينىماس سۇيىسپەنشىلىك پەن ادالدىق تانىت. 30 مەن كوز جۇمعان سوڭ، سۇيەگىمدى مىسىردان الىپ شىعىپ، اتا-بابالارىم جاتقان قابىرگە اپارىپ قوي+»،— دەدى. بۇعان ٴجۇسىپ: «ايتقانىڭىزدى ورىندايمىن»،— دەپ ۋادە ەتتى. 31 اكەسى: «انت بەر»،— دەگەن سوڭ، ٴجۇسىپ انت بەردى+. سوندا توسەگىنىڭ باسىندا وتىرعان يسرايل قۇدايعا باس ٴيىپ سيىندى+.