مۇسانىڭ 2-جازباسى
26 كيەلى شاتىرعا+ جاقسىلاپ يىرىلگەن زىعىردان، كوك جانە ال قىزىل جىپتەن، يىرىلگەن كۇلگىن جۇننەن 10 ماتا توقى. ولارعا كەرۋبتەردىڭ+ بەينەسىن كەستەلە+. 2 ٵر ماتانىڭ ۇزىندىعى 28، ەنى 4 شىنتاقتان* بولسىن. وسىلاي بارلىعىنىڭ كولەمىن بىردەي ەت+. 3 ماتالاردى بەس-بەستەن قاتارلاستىرا بىرىكتىرىپ، ەكى جابىن جاسا. 4 وسى ەكەۋىن ٶزارا بىرىكتىرۋ ٷشىن ٴارقايسىسىنىڭ ٴبىر جاق جيەگىنە كوك جىپتەن باۋلىقتار ىستە. 5 ەكى جابىننىڭ بىرىگەتىن جيەكتەرىندەگى باۋلىقتاردىڭ سانى ەلۋ-ەلۋدەن بولسىن ٵرى ٴبىر-بىرىنە تۇسپا-تۇس كەلسىن. 6 التىننان 50 ىلمەك جاساپ، سولارمەن ەكى جابىندى بىرىكتىر. سوندا شاتىر ٴبىرتۇتاس جابىنمەن جابىلاتىن بولادى+.
7 سونداي-اق شاتىرعا ەشكى تۇبىتىنەن+ 11 ماتا توقى+. 8 ٵربىر ماتانىڭ ۇزىندىعى 30، ەنى 4 شىنتاقتان بولسىن. وسىلاي 11 ماتانىڭ كولەمىن بىردەي ەت. 9 بەس ماتانى ٶز الدىنا، التاۋىن ٶز الدىنا بىرىكتىرىپ، ەكى جابىن جاسا. التاۋىنان قۇرالعان جابىننىڭ التىنشى بولىگىن شاتىردىڭ الدىڭعى جاعىنان قايىرىپ قوي. 10 ەكى جابىندى بىرىكتىرۋ ٷشىن، ٴبىرىنشىسىنىڭ ٴبىر جاق جيەگىنە 50 باۋلىق، ەكىنشىسىنە دە ٴدال سولاي 50 باۋلىق جاسا. 11 سوسىن مىستان 50 ىلمەك ىستەپ، باۋلىقتارعا ٸل دە، جابىنداردى بىرىكتىر. وسىلاي ولار ٴبىرتۇتاس جابىن بولادى. 12 وسى جابىننىڭ ۇزىنداۋ بولىگى، ياعني ٴبىر ماتانىڭ جارتىسى، شاتىردىڭ ارتقى جاعىنان ٴتۇسىپ تۇرسىن. 13 جابىننىڭ ەكى شەتىنەن ٴبىر-ٴبىر شىنتاقتان ارتىلعان بولىگى دە تومەن سالبىراپ، شاتىردىڭ ەكى جانىن جاۋىپ تۇرسىن.
14 بۇعان قوسا، شاتىرعا ارناپ قىزىل تۇسكە بويالعان قوي تەرىسىنەن جانە ونىڭ ۇستىنەن جاباتىن يتبالىق تەرىسىنەن جابىن جاسا+.
15 قاراعان اعاشىنان جاقتاۋلار*+ جاسا دا، ولاردى قاتارىنان تۇرعىزىپ، شاتىردىڭ قابىرعاسىن ىستە+. 16 ٵر جاقتاۋدىڭ بيىكتىگى 10، ەنى 5.1 شىنتاق بولسىن. 17 ولاردىڭ ٴارقايسىسىنىڭ تابانىنا قاتار تۇراتىن ەكى كىشكەنە اياق جاسا. 18 شاتىردىڭ وڭتۇستىككە قاراعان جاعىنا قوياتىن 20 جاقتاۋ ىستە.
19 سوسىن 20 جاقتاۋدىڭ تابانىنا قوياتىن ويىعى بار 40 كۇمىس تۇعىر+ جاسا: ٵر جاقتاۋعا قوس اياعى ويىعىنا كىرىپ تۇراتىن ەكى تۇعىردان بولسىن+. 20 شاتىردىڭ وزگە، ياعني سولتۇستىككە قاراعان جاعىنا دا 20 جاقتاۋ 21 جانە ويىعى بار 40 كۇمىس تۇعىر ىستە: ٵر جاقتاۋدىڭ تابانىنا ەكى تۇعىردان قويىلسىن. 22 شاتىردىڭ ارتقى، ياعني باتىس جاعىنا 6 جاقتاۋ جاسا+. 23 ونىڭ ارتقى بۇرىشتارىنا 2 تىرەۋىش جاقتاۋ ىستە. 24 تىرەۋىش جاقتاۋدىڭ ەكى بۇيىرىندەگى تاقتايلارى جوعارىداعى ٴبىرىنشى ساقينا ورنالاسقان جەردە ٴتۇيىسۋ كەرەك. بۇرىشتا تۇراتىن تىرەۋىش جاقتاۋدىڭ ەكەۋى دە وسىلاي جاسالۋعا ٴتيىس. 25 وسىلاي ارتقى جاقتا بارلىعى 8 جاقتاۋ بولسىن. ولارعا ويىعى بار 16 كۇمىس تۇعىر، ياعني اربىرەۋىنە ەكى تۇعىردان دايىندا.
26 قاراعان اعاشىنان شاتىردىڭ ٴبىر جاعىنداعى جاقتاۋلارى ٷشىن 5 سىرىق+، 27 ەكىنشى جاعىنداعى جاقتاۋلارى ٷشىن 5 سىرىق جانە ارتقى، ياعني باتىس جاعىنداعىلارى ٷشىن 5 سىرىق جاسا. 28 ال ورتاداعى سىرىق جاقتاۋلاردىڭ بەل ورتاسىنان ٶتىپ، ٴبىر باسىنان كەلەسى باسىنا دەيىن جەتەتىن بولسىن.
29 جاقتاۋلاردى التىنمەن قاپتا+ جانە سىرىقتار وتكىزەتىن التىن ساقينالار جاسا. سىرىقتاردى دا التىنمەن قاپتا. 30 كيەلى شاتىردى تاۋدا كورسەتىلگەن ۇلگىگە ساي جاسايتىن بول+.
31 كوك جانە ال قىزىل جىپتەن، يىرىلگەن كۇلگىن ٴجۇن مەن جاقسىلاپ يىرىلگەن زىعىردان شىمىلدىق توقى+. وعان كەرۋبتەردىڭ بەينەسى كەستەلەنسىن. 32 قاراعان اعاشىنان 4 باعانا جاساپ، التىنمەن قاپتاپ، التىن ىلگىشتەر ورنات. باعانالار ويىعى بار 4 كۇمىس تۇعىرعا تۇرعىزىلىپ، شىمىلدىقتى سول باعانالارعا ٸل. 33 شىمىلدىقتى ىلمەكتەردىڭ* تۇسىنا ٸل دە، كۋالىك ساندىعىن+ سونىڭ ىشكى جاعىنا كىرگىزىپ قوي. شىمىلدىق قاسيەتتى بولمە+ مەن ەڭ قاسيەتتى بولمەنى+ ٴبولىپ تۇرادى. 34 ەڭ قاسيەتتى بولمەدەگى كۋالىك ساندىعىنىڭ اۋزىن قاقپاعىمەن جاۋىپ قوي.
35 شىمىلدىقتىڭ سىرتقى جاعىنا ۇستەلدى، ال وعان قاراما-قارسى، ياعني كيەلى شاتىردىڭ وڭتۇستىك جاعىنا شامدالدى+ قوي. ۇستەل سولتۇستىك جاقتا تۇرسىن. 36 كيەلى شاتىردىڭ كىرەبەرىسىنە كوك جانە ال قىزىل جىپتەن، يىرىلگەن كۇلگىن ٴجۇن مەن جاقسىلاپ يىرىلگەن زىعىردان پەردە توقىت+. 37 پەردەنى ٸلۋ ٷشىن قاراعاننان 5 باعانا جاساپ، ولاردى التىنمەن قاپتا. ىلگىشتەرى التىننان ىستەلىنسىن. ال مىستان باعانالاردى قوياتىن ويىعى بار 5 تۇعىر قۇيدىر.