مۇسانىڭ 2-جازباسى
31 ەحوبا ٴسوزىن جالعاپ، مۇساعا بىلاي دەدى: 2 «مىنە، مەن ياھۋدا رۋىنان شىققان حۇردىڭ نەمەرەسى، ۇريدىڭ ۇلى بەسەليەلدى+ تاڭداپ الدىم. 3 مەن ونى رۋحىما* كەنەلتەمىن. سوندا ول دانالىققا، تۇسىنىك پەن بىلىمگە يە بولىپ، كەز كەلگەن قولونەرگە: 4 سان قيلى جوبالار جاساۋعا؛ التىن، كۇمىس جانە مىستان بۇيىمدار جاساۋعا؛ 5 تاستاردى قاشاپ، قۇرساۋلارعا قوندىرۋعا+؛ اعاشتان نەبىر بۇيىمدار جاساۋعا — قابىلەتتى بولادى+. 6 ال دان رۋىنان شىققان احيساماح ۇلى احولياپتى وعان كومەكشى ەتىپ تاعايىندايمىن+. مەن ساعان بۇيىرعان نارسەلەردىڭ ٴبارىن جاساي الۋلارى ٷشىن كۇللى شەبەرلەرگە دانالىق دارىتامىن+. 7 ولار كەزدەسۋ شاتىرىن+، كۋالىك ساندىعى+ مەن ونىڭ قاقپاعىن+ جانە شاتىردىڭ بارلىق باسقا بۇيىمدارىن، 8 ۇستەل+ مەن ونىڭ كەرەك-جاراعىن، ساف التىن شامدالدى جانە ونىڭ قۇرال-جابدىعىن+، حوش ٴيىستى زات تۇتەتەتىن ۇستەلدى+، 9 ورتەلەتىن قۇرباندىق ۇسىنىلاتىن وشاق+ پەن ونىڭ قۇرال-جابدىقتارىن، قازان مەن ونىڭ تۇعىرىن+، 10 ادەمىلەپ توقىلاتىن كيىمدەردى، ٴدىني قىزمەتكەر حارون كيەتىن كيەلى كيىمدى جانە ونىڭ ۇلدارى ٴدىني قىزمەت اتقارعاندا كيەتىن كيىمدەردى+، 11 مايلاۋ راسىمىنە ارنالعان مايدى جانە قاسيەتتى ورىندا تۇتەتىلەتىن حوش ٴيىستى زاتتاردى جاسايتىن بولادى+. ولار مەن ساعان بۇيىرعانداردىڭ ٴبارىن ىستەيدى».
12 ەحوبا مۇساعا تاعى دا بىلاي دەدى: 13 «يسرايلدىكتەرگە مىنانى ايت: —مەنىڭ دەمالىس كۇندەرىنە قاتىستى زاڭىمدى مىندەتتى تۇردە ورىنداڭدار+. ويتكەنى بۇل — مەنىڭ سەندەرمەن جاساسقان كەلىسىمىمنىڭ بەلگىسى. سەندەردى قاسيەتتى ەتكەن مەن، ەحوبا، ەكەنىمدى وسى بەلگى ۇرپاقتان ۇرپاققا ەستەرىڭە سالىپ تۇرادى. 14 دەمالىس كۇنىن ۇستانىڭدار، ول سەندەر ٷشىن قاسيەتتى+. دەمالىس كۇنىنە قاتىستى زاڭدى بۇزعان ادام ولتىرىلۋگە ٴتيىس. كىمدە-كىم سول كۇنى جۇمىس ىستەسە، حالقىنىڭ اراسىنان سونىڭ كوزى قۇرتىلسىن+. 15 التى كۇن بويى جۇمىس ىستەۋگە بولادى، ال جەتىنشى كۇن — دەمالىس كۇنى، سول كۇنى تولىعىمەن تىنىعىڭدار+. ول ەحوبا ٷشىن قاسيەتتى. كىم دەمالىس كۇنى جۇمىس ىستەسە، سول ٶلتىرىلسىن. 16 يسرايلدىكتەر دەمالىس كۇنىنە قاتىستى زاڭدى ۇرپاقتان ۇرپاققا ورىنداسىن. ول — ماڭگىلىككە بەكىتىلگەن كەلىسىم. 17 سونىمەن، دەمالىس كۇنى — مەنىڭ يسرايل حالقىمەن جاساعان ماڭگىلىك كەلىسىمىمنىڭ بەلگىسى+. ويتكەنى ەحوبا التى كۇن ىشىندە اسپان مەن جەردى جاراتتى، ال جەتىنشى كۇنى ٸسىن دوعارىپ، دەمالدى+».
18 سيناي تاۋىندا مۇسامەن سويلەسىپ بولعان سوڭ، قۇداي وعان ەكى كۋالىك تاقتاشاسىن بەردى+. بۇل تاس تاقتاشالارعا قۇداي ٶز قولىمەن* جازعان بولاتىن+.