مۇسانىڭ 2-جازباسى
19 مىسىردان شىققاننان كەيىنگى ٷشىنشى ايدا، سول كۇنى*، يسرايلدىكتەر سيناي شولىنە كەلىپ جەتتى. 2 رەپەديمنەن+ كوشىپ، سيناي شولىنە كەلگەن يسرايلدىكتەر سونداعى تاۋدىڭ ماڭىنا قوس تىكتى+.
3 مۇسا قۇدايدىڭ الدىندا تۇرۋ ٷشىن تاۋعا كوتەرىلدى. ەحوبا وعان تاۋ باسىنان+ بىلاي دەدى: «سەن جاقىپتىڭ ۇيىنە، يسرايلدىكتەرگە، مىنانى ايت: 4 —سەندەردى قىرانداي قاناتىما سالىپ، وزىمە الىپ كەلۋ ٷشىن+، مىسىرلىقتارعا نە ىستەگەنىمدى وزدەرىڭ كوردىڭدەر+. 5 ەگەر مەنىڭ ايتقانىمنىڭ بارىنە قۇلاق اسساڭدار جانە سەندەرمەن جاسايتىن كەلىسىمىمدى ۇستانساڭدار، بارلىق حالىقتاردىڭ ىشىندە سەندەر مەنىڭ ەرەكشە* مەنشىگىم بولاسىڭدار+، ويتكەنى بۇكىل جەر مەنىكى+. 6 سەندەر ماعان تيەسىلى ٴدىني قىزمەتكەرلەر پاتشالىعى جانە قاسيەتتى حالىق بولاسىڭدار+. يسرايلدىكتەرگە وسى سوزدەرىمدى جەتكىز».
7 سودان مۇسا تومەن ٴتۇسىپ، ەل اقساقالدارىن جينادى دا، ولارعا ەحوبا بۇيىرعان سوزدەردىڭ ٴبارىن ايتىپ بەردى+. 8 سوسىن بارشا حالىق ٴبىراۋىزدان: «ەحوبانىڭ ايتقاندارىنىڭ ٴبارىن ورىنداۋعا دايىنبىز»+،— دەدى. حالىقتىڭ جاۋابىن مۇسا بىردەن ەحوباعا جەتكىزدى. 9 ەحوبا مۇساعا: «سەنىمەن سويلەسكەنىمدى حالىق ەستۋ ٷشىن جانە ولار ۇنەمى ساعان دا سەنىم ارتۋ ٷشىن، مەن قالىڭ بۇلتپەن كەلەمىن»،— دەدى. مۇسا ەحوباعا حالىقتىڭ ايتقاندارىن جەتكىزدى.
10 بۇدان كەيىن ەحوبا مۇساعا بىلاي دەدى: «حالىققا بارىپ، ولاردى بۇگىن دە، ەرتەڭ دە مەنىمەن كەزدەسۋگە دايىندا، ولار كيىم-كەشەكتەرىن جۋسىن. 11 حالىق ٷشىنشى كۇنى دايىن بولۋ كەرەك. ويتكەنى سول كۇنى ەحوبا ٴبارىنىڭ كوز الدىندا سيناي تاۋىنا تۇسەدى. 12 تاۋدى اينالدىرا شەگارا بەلگىلە دە، ولارعا: —تاۋعا كوتەرىلمەڭدەر، شەگارادان بەرى اتتاۋشى بولماڭدار. تاۋعا اياق باسقان اركىم ولتىرىلەدى. 13 مۇنداي ادامعا ەشكىم قول تيگىزبەسىن، ول تاسپەن نە ساداقپەن اتىپ ٶلتىرىلسىن. مەيلى ول مال نە ادام بولسىن، ٴتىرى قالماۋعا ٴتيىس+. قوشقار مۇيىزىنەن جاسالعان كەرنەيدىڭ ٷنى ەستىلگەندە+ عانا جۇرت تاۋعا جاقىنداي الادى».
14 سوسىن مۇسا تاۋدان ٴتۇسىپ، حالىقتى ەرەكشە كەزدەسۋگە دايىنداۋعا كىرىستى. ولار كيىم-كەشەكتەرىن جۋدى+. 15 مۇسا حالىققا: «ٷش كۇن دايىندالىڭدار. ەركەكتەر ايەلدەرىمەن جاقىنداسپاسىن»،— دەدى.
16 ٷشىنشى كۇنى تاڭەرتەڭ كۇن كۇركىرەپ، نايزاعاي ويناپ، تاۋ باسىن قالىڭ بۇلت باسىپ+، كەرنەيدىڭ اسا قاتتى داۋسى شىقتى. سوندا قوستاعى حالىق قاتتى قورقىپ دىرىلدەدى+. 17 مۇسا ولاردى قۇدايمەن كەزدەستىرۋ ٷشىن قوستان الىپ شىقتى. ولار تاۋ ەتەگىنە بارىپ تۇردى. 18 ەحوبا سيناي تاۋىنا وتپەن تۇسكەندىكتەن، تاۋ باسىنان ٴتۇتىن شىقتى+. ٴتۇتىن پەشتەن شىققانداي بۇرقىراپ كوتەرىلىپ جاتتى، ال تاۋ قاتتى سىلكىنىپ تۇردى+. 19 كەرنەي ٷنى بولسا كۇشەيگەن ۇستىنە كۇشەيە ٴتۇستى. مۇسا قۇدايعا ٴتىل قاتقاندا، ول داۋىستاپ جاۋاپ بەرىپ جاتتى.
20 سونىمەن، ەحوبا سيناي تاۋىنىڭ توبەسىنە ٴتۇستى. ەحوبا مۇسانى تاۋ توبەسىنە شاقىرعاندا، ول سوندا كوتەرىلدى+. 21 ەحوبا وعان بىلاي دەدى: «تومەن ٴتۇسىپ، حالىققا مىنانى ەسكەرت: ەحوبانى كورەمىن دەپ تاۋعا جاقىنداۋعا تىرىسپاسىن، ايتپەسە كوبىسى ٶلىم قۇشادى. 22 ال ەحوبانىڭ الدىنا كەلىپ تۇراتىن ٴدىني قىزمەتكەرلەر بولسا وسى ەرەكشە كەزدەسۋگە دايىندالىپ، وزدەرىن تازارتسىن، ولاي ەتپەسە، ەحوبانىڭ جازاسىنا ۇشىرايدى+». 23 سوندا مۇسا ەحوباعا: «حالىق سيناي تاۋىنا كوتەرىلە المايدى، سەبەبى بىزگە تاۋدى اينالدىرا شەگارا بەلگىلەپ، ونى قاسيەتتى دەپ ساناۋدى ەسكەرتىپ قويعانسىڭ»+،— دەدى. 24 ٴبىراق ەحوبا وعان: «تومەن ٴتۇسىپ، حارونمەن بىرگە قايتا كوتەرىل. ال ٴدىني قىزمەتكەرلەر مەن حالىق ەحوبانىڭ جازاسىنا ۇشىراماس ٷشىن، وعان جاقىن كەلۋگە تىرىسپاسىن+»،— دەدى. 25 سودان مۇسا تاۋدان ٴتۇسىپ، حالىققا وسىلاردى ايتىپ بەردى.